اي كلام

الاسلاميين والانتخابات: 28 نوفمبر

2012-01-03T07:43:00.000-08:00

بكرة اول انتخابات بعد الثورة، هادي صوتي لليسار، مش هادي صوتي لكتلتي لأسباب كتير، بس من جوايا عاوز الاسلاميين ياخدوا نسبة كبيرة من البرلمان، السؤال ليه واحد ماسوني صهيو-صليبي علماني ليبرالي غربي زيي يبقى عاوز الاسلاميين يكسبوا مع اني لا احترم معظم قياداتهم واختلف معاهم كلهم، لأسباب كتير اهمها انهم رأسماليين في بلد فقيرة، ولأنهم خانوا الثورة، ولأنهم دعوا دعاء الركوب ونطوا-خاصة السلفيين- وللصفقات اللي فضحها هيثم ابو خليل وكمال الهلباوي ولـ الـ"لا بأس" الشهيرة اللي اتكلم عنها خيرت الشاطر مع منى الشاذلي وفي الشروق، رداً على تقسيم الدوائر مع النظام وامن دولته؟.

الاخوان المسلمين اول فصيل واقوى فصيل اسلام سياسي في التاريخ الحديث-1928- اللي اتقدم بانه حط برنامجهم الاقتصادي، في برنامج مال مصر، مهندس من 30-40 سنة، ماعندهمش حازم الببلاوي-اهم خبير اقتصادي في مصر، مستشار الامين العام للامم المتحدة للشؤون الاقتصادي، وزير المالية واحد مؤسسي الديمقراطي الاجتماعي- ولا عندهم سمير امين-من اهم المفكرين الاقتصاديين في امريكا، من مؤسسي التحالف الشعبي الاشتراكي، ماعندهمش نبيل العربي وماعندهمش ابو الغار، ماع

ودول الاخوان، الاكبر خبرة بين الاسلاميين، ده غير انهم ماعندهمش اي خبرة ولا متغلغلين في الوزارات والهيئات والمجالات ديه: المالية، الثقافة، الخارجية، الشرطة، القضاء، الجيش، علشان كده لما شباب سلفي عمل صورة لحكومة كلها ناس متشددة، سابوا الخارجية للاشعل والتعليم لفاروق الباز

يعني هايبقى فيه انفصال بين النظام والدولة، وده مكسب لفكرة الدولة نفسها

في مصر فيه ثورة او فعل ثوري-عالاقل في التاريخ الحديث- كل 30-35 سنة، واحياناً اقل، والعادي انه اول حكومة بعد كل ثورة بتبقى اقل من المأمول منها، فبتتعمل حكومة ائتلافية علشان كله يشيل المسؤولية، ماعتقدش لو الاسلاميين ممكن حد يرضى يأتلف معاهم، بعد كل الصفقات المشبوهة والتكفير والتخوين والترهيب والقهر باسم الاستفتاء

بالتالي-بسبب عدم الخبرة وعدم التغلغل- هايتحرقوا، بس ده مش برضو اللي انا عاوزه، انا عاوزهم ينجحوا في الحكومة ديه، السؤال ليــــه؟

بحسب راديكالية الدولة-التغيّر من الاخوان للسلفيين- الثورة الجاية ضدهم، ده عالمستوى الاجتماعي والحريات الخ، عالمستوى الاقتصادي، لو نجحوا ده معناه ان الطبقة الوسطى كبرت، وده معناه ان خصمهم الليبرالي بيقوى، الاخوان مابيعرفوش يستقطبوا حد لفترة بعد الجامعة، وكل الناس النشيطة واللي بتفكر بتسيب الاخوان، وكتير من الملحدين اللي اعرفهم اهلهم اخوان، فالتطور الاقتصادي هايجي على دماغهم، الازمة ان لو النور هو اللي عمل دولته-اللي كان لازمها ثورة ثيوقراطية علشان تجيب دستورهم، مش مجرد انتخابات- لو نجحوا هاتبقى الثورة ديه ضد الدين نفسه-فرنسا نموذجا لثورة تكره الاديان- مش ضد الاحزاب الدينية زي حالة الاخوان

بوصول الاسلاميين للحكم

ده معناه انهم عالمدى القريب والمدى البعيد بيخسروا، وبسرعة، بدليل انهم الاحرص على الانتخابات، الاسلاميين بيكبروا في الضلمة بسبب القهر وعدم المواجهة، لما يوصلوا هاينزفوا مؤيدين لحد بكرة

بي اس: الوسط والتيار المصري واشباههم ماعنديش اي كره ضدهم

عبد الله النديم-28-11-2011

2011-11-28T08:19:00.000-08:00

النهاردة كان يوم جميل، بالرغم من الدعاية الانتخابية برة مدرسة عبد الله النديم في مدينة نصر، وقفت اكتر من ساعتين في الطابور، كان فيه دعاية لمستقلين وللجبهة والحرية والعدالة

جمال ابو العزايم مَرّ يسلّم عالناخبين، عاتبته على اليفط، وكان رده ان كل مرشح دافع 1000 جنيه للحيّ علشان يشيلوا اليفط، وانه مش بيحاول يأثر عليّ-بدأ يتكلم بشكل عام على نسبة المشاركة ولما سألته عن فرصته كان هايتكلم عن نفسه وبعدين قال انا احترمتك في وعيك او حاجة زي ده، وسلّم ومشي-

فوزي السيد بيتوزعله نتايج صغيرة-كروت- واقلام جاف عليها اسمه

فيه ترابيزة قدام باب اللجنة لحزب الحرية والعدالة، عليها لابتوب بيشوفوا فيه اماكن الناس اللي بتسألهم، وبانر كبير فوق الترابيزة عليه بادج الحزب، وفيه كروت عليها دعاية للحزب واعتقد انها من الناحية التانية عليها نتيجة برضو بس مش بتتوزع، متسابة للي عاوز ياخدها
:D
لما سألت امين الشرطة عالباب قال انه ده عادي، وظباط الجيش والشرطة كانوا واقفين عادي، انا الحقيقة مش عارف مدى شرعية ده او مدى خرقه للقانون

لما صورتهم اكتر من صورة اكتر من شخص من حملته جه اتكلم معايا، فضلنا نتكلم تقريبا عن الاخوان فكرياً وعن مصر وعن الثورة لاكتر من ساعتين

النهاردة يوم جميل، انا مبسوط لبلدنا اوي

توقعاتي بقى : اعادة بين عصام مختار وعمرو عوده عالعمال، اعادة بين محمد يسري ومصطفى النجار في الفئات، قوائم الثورة مستمرة والكتلة المصرية والتحالف الديمقراطي والعدل فرصتهم كويسة، بالذات الثورة مستمرة مع ان مافيش اي دعاية تقريبا في مدينة نصر

ضحية

2011-10-08T03:26:00.000-07:00

http://b4mp3r.deviantart.com/

نظر إليّ بحنو مفتعل قائلاً:

"عاوز انططك"-

وعندما رفضت مبرراً بأنني أزدري من يمارسون الجنس بلا مشاعر، رد حاسماً

"حظاً موفقاً مع العادة السرية"-

بدأها قبلي بسنوات طوال، أو ربما بدأت أنا متأخراً قليلاً، أو كثيراً، يختلف التوقيت بين ساعتينا البيولجيتين باختلاف تجاربنا، غيّرنا الموضوع ليكلمني عن تجربته في المعهد الهندسي، أو "خبرته" كما يحب أن يسميها:

" أحد عشر عاماً وثلاث معاهد، لم أشعر بيدي إلا وهي تصفع الدكتور لتعادل صفعة زميلي على الخد الآخر بعد أن وبخنا في المعمل على كسر انبوب اختبار تافه، ثلاثة أعوام مرت عليّ في نفس السنة الدراسية عقاباً لي على تلك الصفعة، كانت كفيلة بإقناعي بترك المعهد، نقلت أوراقي لآخر لكنني تركته لبُعده عن مسكني، أما الأخير فقد كان جنون مطلق، مليء بالأطفال، أكبرهم كان يصغرني بأربعة أعوام"

كل تلك "الخبرة" لم تردعه عن مجادلتي بأننا نستطيع رفع قدرة البطارية بإستخدام محوّل بسيط، فأوقفته بعصبية

-"لما نفوق يا معلم لينا كلام تاني"

مرر لي سيجارة الحشيش المشتعلة، واستكمل كلامه عن تجربته الدسمة: "هؤلاء الأطفال لا يفهمون شيئاً على الإطلاق، وأنا كنت أريد أن أريح دماغي أثناء الدراسة، دخل أحدهم علىّ في قاعة المحاضرات سائلاً عن السنة الدراسية، أجبته بعمري: 26 سنة، حاول مداعبتي فسألته، عندك كام سنة يا بني؟ تعالى واقعد هنا"

وأشار إلى مستوى أقل ارتفاعاً، ضحكت لتلك الإشارة، تصوّر نفسه ملكاً لفرط غبائه

أشعل سيجارة وأخذ يحدثني عن "خراء الحياة"، فقد ضاجع زميلة له أثناء الدراسة، حملت منه فعرف أهلها، وأجبروه على الزواج منها، اضطر أن يتزوجها، وهو الذي ضاجعها على مضض بعد أن ضاجعت هي جميع الزملاء، لم يبتسم له القدر ليستمتع أثناء القذف، بل ضحك متهكما بعد أن انقطع الواقي الرديء

كان يهرب من مدرسته البالية ليلعب "بولينج" مع أبناء في حي قريب من ضاحيته، وفي رمضان يشرب البيرة في السحور حتى يحس باختلاف اليوم اللاحق عن بقية أيام السنة، جوع وسُكر أفضل من جوع فقط، يشرح، يتجول في المجمعات التجارية ويدقق في الأرداف المحشوة في البناطيل حشواً ، يتعلق بالاوتوبيس الأخير في الخط ليسهر في أحد العوامات الجهنمية، أو أمام أحد نوافذها بالأحرى، صحيح أنه لم يعرف أبداً الفرق بين الرفع والنصب في كتب النحو، لكنه يعرف تماماً الفرق في الحياة، أحدهما أقل عنفاً، كليهما سيوفران المال الكافي لدخول العوامة بدلاً من أن يتلصص حتى نهاية العمر

استأذن وقام ليودعني، فهو سيستيقذ مبكراً ليلحق بكتيبته، سيستفيد الجيش من "خبرته"، وهو يرغب في الموت، و لا يكترث إن كان أحدهم سيستخدم تضحياته لخلع بزته العسكرية وإجبار البلد على ارتدائها، فنحن نحتاج لرجل عسكري كما يرى... نحن شعب قليل الأدب، وأنا أحتاج الشهادة، بل أشتهيها كما اشتهيت زميلتى تلك، الفارق أن في الجيش لا يوجد واق صيني، حين تخلع بزتك سيهرب الجميع، تُنزِل في وجه الشمس وسيصفق لك الشعب، قليل الأدب

2011-08-15T10:13:00.000-07:00

وسط الصخب و الجدال الدائر, اليوم صباحا و قبل محاكمة مبارك بدقائق قليلة, تمنيت لو احتلت الكائنات الفضائية كوكب الارض , وقتها فقط ستحقق العدالة الحقيقية , صمت لوهلة اغلقت التلفاز و اتجهت لنوم عميق.

انجلترا

2011-08-12T08:20:00.001-07:00

تابعت احداث السلب و النهب الاخيرة في انجلترا و كان ليا اكتر من ملاحظة و فيه افكار كتير دارت في دماغي, انا شايف انه الاحداث ديه مش بتنفصل عن كل الي بيحصل في العالم و خاصة في العالم العربي, فيه رابط بس الرابط مش موجود في صورة المظاهرات او اعمال الشغب و لكن في صورة ضرورة اظهار الغضب في صورة حقيقية و تأثير شبكات التواصل الاجتماعي في المجتمعات المختلفة او في طريقة تواصل البشر و تعاملهم مع المعلومات و طريقة اجتماع البشر الي بقت اسهل و اكثر وصولا لعدد اكبر من البشر.

الوسائل ديه خلت التعامل بين البشر في رأيي في كتير من الاوقات اكتر سطحية و مش بيعتمد كتير علي الاقناع بقدر ما بيعتمد علي ايصال المعلومة, الناس مع الانترنت بقي وصول عدد كبير من المعلومات بيخلي تعاملهم مع المعلومة اسواء من الاول و الشخص مبقاش عنده القدرة علي التحليل و التفكير المعلومة بتوصل اسرع و بتدي فرصة لرد فعل اقوي و اسرع من الاشخاص ده بيأدي لحشد اعداد اكبر في تجمعات او تظاهرات.

تأثير القطيع بقي اسهل لانه المعلومة بتوصل اسرع و رد الفعل بيبقي اسرع و مباشر و غاضب اكتر, ده كله بيضاف عليه تأثير غير مباشر للتليفزيون و الي ناس بتشوفه و ازاي بشكل ما الاحتجاجات العربية ممكن تكون اثرت في الشاب الانجليزي الغاضب الي مش لاقي حاجة يعملها و مبهور بالاحتجاج و عنده شحنة غضب علي اوضاعه الاجتماعية و عنده فراغ و مفيش سلطة تقيده و كل ده ادي في النهاية لحدوث اعمال السلب و النهب.

السلطة جزئية مهمة تحلل المجتمع من اي سلطه تقيده او تحده من استخدام حريته بشكل يؤدي لاضرار المجتمع لعب دور كبير, عدم وجود سلطة اسرية او اخلاقية او دينية تردع الشخص من ارتكاب الاحداث ديه من سلب و نهب ادي لده.

ان المجتمعات عموما تحكمها قيم الاستهلاك و المنافسة الرأسمالية بالشكل الموجود حاليا, بيؤدي لاهتمام الناس و اعلائهم لقيمة الاستهلاك و قمية المنتج و مش بس قيمة المنتج في القيمة المادية لكن كمان القيمة المعنوية الموجودة من قيمة مجتمعية بيكتسبها الي بيلبس نوع معين من الملابس و بيستخدم منتج معين اصبح المنتج ده مش بس ذو قيمة استهلاكية و مادية كمان قيمة معنوية بيتم فرضها من خلال الدعاية و التلفيزيون ووسائل الاتصالات و القيمة الثقافية الي بتكتسب من خلال ارتباط النوع ده بطبقة معينة من الاثريا و المشاهير.

يعني بعيدا عن الشكليات كلها تأثير وسائل التواصل الاجتماعي تحلل المجتمع و قيم الاستهلاكية هي بشكل ما الدوافع الي ادت لنوع من اعمال السلب و النهب و العنف في انجلترا.

عن الزلطة والخلاط

2011-05-04T10:39:00.000-07:00

ما ستقرأ الآن هو رأيى فى السلفية كتيار وليس كمنهج، ليس لأنى لا أمتلك حق نقده، ولكن لأننى لم أدرس أصول الفقه التى تؤهلنى لمناقشة تعقيدات المناهج والمذاهب، أردت أن أكتب عن السلفية لسببين: أولاً لأن اللغط المثار بين أصدقائى فى الموضوع كثر، وكما تعرفون فليس للمرء إلا.... مرارة واحدة، والإطناب فى موضوع واحد قد يفقع.... مرارتك، وثانياً أننى خسرت أشخاص من قبل أن أقابلهم، وأنا أكره خسارة الأصدقاء المحتملين وإن كنت أرحب بخسارة من أعرفهم ممن ينتمون لتيار المجاهدين الجدد، وهو موضوع يستفزنى كثيرا وأريد أن أكتب عنه، ولكن أريد أن أوضح هنا أننى لست فى موقع الدفاع عن نفسى أو عن أفكارى، أنا فقط أوضح أرائى حتى لا أُفهَم بشكل يخالف أفكارى التى أؤمن بها.

دعونا أولا نتفق على عدة أشياء: أولا أن الإسلام جاء لعدة أشياء منها هدم السلطة الدينية للأشخاص "ما أنا إلا بشر مثلكم" وأنه "كل يؤخَذ منه ويرد إلا رسول الله" وانه حدث أن "أصابت امرأة وأخطأ عمر"، وأن "القرآن حمّال أوجه"، وفى رأيى فإن هذا حدث لهدم الإستبداد الدينى، الذى هو أخطر أنواع الإستبداد-طبائع الإستبداد ومصارع الإستعباد- فالناس جميعا سواسية تحت تلك المظلة، فـ"إن أكرمكم عند الله اتقاكم, وليس لعربي على أعجمي فضل إلا بالتقوى"، من حقك أن تختلف معى حول أشخاص، لكن أن تضع أشخاص بعينهم فوق النقد فهذا هو الشرك بعينه، ثانيا أننى إذا قررت أن أتجاوز فى نقد أحدهم فإن هذا يجعلنى "قليل الأدب"، لكنه لا يخرجنى من الملة! وأنا سأحاول فعلا تقليل قلة الأدب وإعارتهم إهتماماً من الأساس للأسباب التى ستلى ولأننى أنتقد أشخاص أصبحوا مقدسين لموحّدين تربوا على أن الدين هو جلباب أبيض ولحية، ومهما كان اختلافى مع هؤلاء فأنا لا أرضى أن أكسر صورة رموز لهم، وإن كنت أحتفظ بهذا الحق

حجم السلفيين

السلفيون ظلّوا تحت الأرض لعقود طويلة، خفت القبضة فى الثمانينات ثم عادت لتزيد فى التسعينات، فخفت مجددا لمواجهة الإخوان، وإن كانت قد خفت فى أحيان، فالقبضة ظلت دائما محكمة بشكل ما، ما جعلهم "البعبع" المثالى للمصريين، أن صوتهم مرتفع، وهو ما قد يدفعك لإعتقاد انهم أقوياء، متجهمين فى معظم الأوقات، وهم غامضون نتيجة القمع، ولأن أجهزة الأمن تعرف أنهم فئة صغيرة وأن معظم المصريين وسطيين يعملون العقل كما فعلوا لقرون طويلة حين تبنت مصر المنهج الأشعرى، فقد خوفونا منهم فى ذروة الثورة، نفس الشيء حاصل الآن فى سوريا إلى حد تصويرهم كعصابات مسلحة، أستطيع أن أنعتهم بالتشدد، لكن ليس بالإرهاب، هناك فارق كبير بين السلفية والسلفية الجهادية، لكن لماذا فعل النظامان المصرى والسورى ذلك؟ لأن المصريين والسوريين شعوب منفتحة على العالم، مجددة، نشأت بها ديانات عدة وخفتت أخرى، خرج منها علماء مجددون فى الإسلام، وقديسون لدى المسيحيين، المفارقة أن ما حدث فى اليمن كان العكس تماماً، حين حاول على عبدالله صالح تخويف اليمنيين فى الثورة حذرهم من الإختلاط، لأن اليمن مجتمع محافظ ومنغلق جدا، قبلى، إن حصل ذلك فى مصر أو سوريا لمات المتظاهرون من الضحك

ميزة مصر الكبرى كما وصفها جمال حمدان فى "شخصية مصر" هى الموقع والموضع، مصر تقع فى وسط العالم، لكن كونها ممر لم يحولها إلى دولة سائلة بلا هوية، لأن تضاريسها جعلتها محمية من الاختلاط بشكل كبير بالغزاة والمارين عبرها، هى إذا كخلاط كبير، لكنه ليس مفتوح ليخلط أى شيء وينتج شعب مائع بلا هوية واضحة، تضاف إليه مكونات تحافظ على تطوره لكن ببطء، فليبرالية مصطفى النحاس وسعد زغلول لم تكن الليبرالية التى تسمح بالشذوذ والإستنساخ والإجهاض، الخلاط طرد كل من حاول إقصاء الآخر، فالمذهب الشيعى-كما أعرف على الأقل- لم يتغلغل فى مصر فى عهد الدولة الفاطمية، الخلاط لم يدع للفرنسيين الالتصاق بالنسيج المصرى، وإن كان قد أخذ العناصر المفيدة فقط فى سنوات قليلة، اما اليمن فهى تقع على ناصية واحد من أهم مضايق العالم، لكن جبالها عزلتها ومنعتها من الاختلاط،

المشكلة الأساسية للسلفيين، والتى تستفزهم كثيرا، هى أنهم يدركون تماما أنهم زلطة لا تُخلَط بالنسيج المصرى، الذى احتضن حضارات كثيرة، حين جائت إلى مصر نعمت، فمسلمى مصر ليسوا كمسلمى الجزيرة-التى انطلقت منها رؤيتهم، كانوا انعم، يهود مصر ليسوا كيهود اليمن-قبل خروجهم، حين جاء الإسكندر أدرك أن عليه دخول الخلاط، فذهب إلى كهنة أمون فى سيوة، إذ اننا مختلفون عن مصدر السلفية من حيث الظروف، التى تخرج الرؤى.

التعاطف الظاهرى-كما أزعم- مع السلفيين مبنى على غزو ثقافى قوى من أمريكا والغرب عموماً، بدأ مع فتح السوق المصرية فى عهد السادات ووصل ذروته مع ذروة المحافظين الجدد فى أمريكا، يكافح المصريون هذا الغزو بتشدد ظاهرى لم ينغرس فى النسيج المصرى، يلجأ المصريون إلى التشدد الظاهرى لمقاومة الإذلال الذى تعرضو له لعقود، ولضعف أصاب الأزهر بسبب التبعية الظاهرة لمبارك، لكنه أثبت أنه شعب متمدن فى الثورة، حتى إسلاميوه كانوا وسطيين، يصرخون مع علمانيوه وحتى مع ملحدوه "مدنية"-تذكر الشاب الملتحى الذى يصرخ فى أحد تغطيات الجزيرة بالإنكليزية: إن كنت مسلما، مسيحيا، أو حتى ملحدا-لم يستخدم لفظ كافر- فستقف هنا وتقول لا

إذا فهم ضعاف، والنظام كان يفهم هذا جيدا، ويستخدم بعضهم لتخويفنا

(http://www.shorouknews.com/ContentData.aspx?id=322076)

نهاية الحقبة السعودية

هم يدركون هذا الضعف، وهذا هو سبب ارتفاع صوتهم، وهذا الضعف يزداد مع الوقت، وهو ما يفسر زيادة الإعتذارات عن الإهانات التى وجهت فى المساجد-حازم شومان ويعقوب- وميل البعض الأخر الى تخفيف الصوت لإعادة طمأنة الجماهير التى بدأت تنفض من حولهم-كمحمد حسان الذى لم يعد قادر على استفزازى كما كان يفعل، حتى السلفيين الجهاديين، الجماعة الإسلامية التى روّعت المصريين لسنوات طويلة، عقدت مؤتمرا داخل "مقام أحد الأولياء" بالقرب من الكرنك.. أصنام!

الخلاط توصّل إلى تأسيس دولة مدنية تطورت على مدى أكثر من مائتى عام، وهو بأى حال من الأحوال غير قابل لإعادة المكونات لشكلها الأولّى، إذا الدولة المدنية أصبحت شيء لا رجعة عنه عند المصريين، خصوصا مع إضفاء صبغة دينية على مبدأ الدولة المدنية فى عصر المجددين، محمد عبده والكواكبى(سورى) والطهطاوى ومع كتابات كبار كعلى عبد الرازق، ومع ثورة 19 ومع إجبار النحاس باشا الملك فاروق على حلف القسم أمام البرلمان وليس أمام شيخ الأزهر.

مع إنتهاء الحقبة السعودية

http://www.shorouknews.com/Columns/Column.aspx?id=428242

فَهِمَ من حصلوا على سلطة ليست من الإسلام فى شيء، وإن كانت من الإسلام فهى ليست بالتأكيد إلا لمن درسه، فهموا أن الخلاط على وشك طرد أفكارهم، ليعود للتفسيرات المعتدلة لدينه، لذا فهم يقاومون بشراسة من يدافع عن حياته، ويشغلوننا عن قيام الديموقراطية، وأنا لا أشكك فى نوايا الجميع، لكن النقاش حول شيء بديهى كمدنية الدولة، وأشياء لا معقولة ك"غزوة الصناديق" وإقتحام مسجد النور أكثر من مرة ورفع الأسلحة البيضاء على إمامه، إنما هى محاولة لإعادتنا إلى الوراء، لنبدأ من الصفر، لا لأن نلتفت إلى الديموقراطية الناشئة

http://www.shorouknews.com/Columns/Column.aspx?id=435286

وهو أحد الأساليب التى اتبعتها السعودية لمقاومة موجة الثورات العربية فى الخمسينات والستينات ضد الملكيات والمحتل، ولأن النظام السعودى هش، والقبيلة ضعيفة، فالإعتماد على الوهابيين الجدد، وعلى مقاومة الثورة هنا، فى مصر، قبل أن تذهب إلى هناك-تطمينات شرف فى الخليج لم تكن تتمحور حول الأمن، ولكن حول أن مصر لن تصدّر ثورتها، إذا فكلمات كـ"الناس اختارت الدين واحنا بقى بتوع الدين" لا يمكن أن تفيد إلا النظام السعودى

لكن التاريخ يقول أن أفكارهم لن تبقى طويلا وستتطور مصر وتلفظ من هادنوا النظام، وسيتطور خطاب المتدينين ليناسب العصر، وستضمهم احزاب وحركات اسلامية مجددة كالاخوان والعمل والوسط، وسيرتفع الدين بترفّع رجاله عن السياسة

أعتذر عن أى أخطاء إملائية وأعتذر عن أى ضيق سببته لأى شخص بتهجمى على من يعتبرهم رموز فى الأيام الماضية، وإن كنت أحتفظ بحقى فى نقدهم البنّاء وفى عدم إعتبارى لهم رموزا

صول.. الثورة لم تمر من هنا

2011-04-27T08:32:00.000-07:00

شاركت حركة ثوار الجامعة الألمانية المسيحيين فى جمعة الآلام بقرية صول بأطفيح، فى كنيسة الشهيدين بعد أن أُعيد بنائها، وكنت من بين 16 عضوا من الحركة تحركوا من مسجد السلام بمدينة نصر لكنيسة الشهيدين(مارمينا ومارجرجس)، لنؤكد على وحدة المصدر ووحدة المصير، حين ذهبنا إلى هناك لم نستطع التفريق بين مسلمى القرية ومسيحييها، فالسيدات جميعا تلبسن الجلاليب والطُرح، والرجال جميعا يلبسون الجلاليب، سُمر البشرة من العمل فى الغيطان وفى مصنع الطوب القريب من القرية، وحسب كلام من قابلناهم من اهل القرية فالتعليم منتشر فتى القرية، وما فهمناه ان المشكلة مبنية على الشائعات، وعدم الوعى، تعجبنا من ما حدث، كيف ينشغل الناس بالطائفية فى قرية بسيطة، كان البعض ينظر بتعجب إلى الحافلة التى كانت تقلنا(كنا قد ألصقنا عليها "بوسترات" تدعوا إلى الوحدة") والبعض الآخر كان ينظر بترحيب(ولم يكن هذا على اساس الدين، فقد قابلت مسيحى بداخل الكنيسة كان ينظر لنا بتحفز شديد)، بعد أن ركنّا الحافلة ونزلنا، تجمع الاطفال، تهافتوا على الحصول على اوراق كنا نوزعها عليها هلالاً وصليبا تدعوا للوحدة، وما أن يحصلوا عليها حتى يمزقوها، أحد الرجال بدأ معى حديثا، حدثّنى عن ضرورة انهاء الفتنة والمطالبات الفئوية، وأخبرنى ان النفوس صافية ولا شيء بين المسلمين والمسيحيين، فأثنيت على حديثه، واعتذرت عما ظننته من جهل بالقرية لما سمعته بأن أحد اسباب الفتنة هى اشاعة السحر المنتشر فى القرية بين المسيحيين، فقال لى "لأ فيه سحر.. ده واقع يا باشمهندز!"

عند باب الشارع الكائنة به الكنيسة، وجدت حاجز عنده بعض جنود القوات المسلحة وعساكر من الشرطة، سمعت عسكرى شرطة يقول: "هم دول اللى بيولعوا" فرجعت له وسألته مبتسما ولكن متحفزا" احنا برضوا اللى بنولّع؟" وأتذكّر اننى أشرت إلى تاريخ الشرطة وما فعلته على مدار 30 عاما

بادرنى طفل لا يتجاوز الخمس سنوات بالسؤال "انتوا جيتوا هنا عشان النصارى؟" فأجبته بنعم، "انتوا مابتحبوش المسيحيين؟" فقال لى "من زمان واحنا مابنحبهمش"

حين دخلنا إلى الكنيسة وجلسنا مع اثنين من القساوسة، جلبوا لنا ما نشرب، وقدموا الواجب، لكن الكلام لم يتجاوز الترحيب، شعرت باننى اسمع صوت قوى يتردد فى المكان: "خليكوا فى حالكوا"(قوبلنا بترحاب ولكنى شعرت بعدم الرغبة فى فتح الحديث، شعرت بأننى مبارك يزور كنيسة ليُضايَف ويتبادل التهانى والقبل والابتسامات) باستثناء أحد الخدام الذى توسمت فيه ثقافة عالية هو وصديقه، وأنوى أن اقابله مرات اخرى، عرفت منه انه ترك القرية بسبب الطائفية وأنه لا يرجع إليها إلا فى الأعياد والمواسم، أمر القس أحد الخدام ليُرينا الكنيسة، شاهدنا المذبح وعرفنا الفرق بين الأيقونة والصورة، ومعنى التدشين، وأشياء من هذا النوع كنت أعرفها منذ سنوات عدة، همس فى أذنى أحدهم "طبعا هو بيوريكوا كده عشان فيه ناس بتقول اننا بنخبى حاجات فى الكنيسة"، التقتط كتاب لترانيم جمعة الآلام، مكتوب بالقبطية والعربية، فأخبرنى صديقى الخادم بأن الكتابة القبطية هى سر الإشاعة، حيث يعتقد مسلمو القرية أن القبطية هى رسومات سحرية

انسحبت لأخبر منسق الحركة "داود" عن فكرتى بالتنمية البشرية والاقتصادية فى القرية للتقريب بين الناس، وأن نحدّث الناس فى أحد الدواوين-لها اسماء اخرى فى محافظات اخرى، وهى قاعات كبيرة يجرى فيها الصلح والعزاء واحيانا والغداء الذى يقدم حين يتوفى أحدهم- فاصطحبنى لاقابل أحد الضباط، الذى يدعى "هيثم البحيرى" وهو ضابط مباحث برتبة مقدم كما أتذكر، وهو من أنقذ أحد القساوسة حين أُحرِقت الكنيسة، أخبرنى أن ديوان العائلة مفتوح، ولكن الكلام مع أهل القرية عما حدث سيعيد الكلام عن السحر والطائفية، وهو ما لمسته قبل أن أصل إلى الكنيسة، وهذا سيفسد الجو فى اليوم التالى-ليلة العيد- حين تستضيف الكنيسة مسلمى القرية لتقديم وليمة بمناسبة العيد، فعدلت عن رأيى ورأى الحركة فى التوعية بشكل مباشر

وقررنا العمل على التنمية بدلا من التوعية كحل مبدأى لتقريب الناس بعضهم ببعض، فالعمل من أجل القرية سيقرب حتما بين الناس، فالعمل التطوعى من أجل قضية وإن كانت محلية جدا-على مستوى القرية- كفيلة بجمع الناس، وهذا العمل قادر على محو الكثير من اسباب الطائفية المبنية بالأساس على الإشاعات وعدم الاختلاط بين المسلمين والمسيحيين. وبعدها يأتى دور التوعية

أتمنى أن يرسل الأزهر أحدهم، لأن شيوخ القرية كما فهمت ليسوا على العلم والوسطية الكافية، كما أن أحد الشباب المتشدد تكلم عن علاقة السياسة بالمسيحية فى الكنيسة قبل ان نصل، وهو ما يتناقض حتى مع مباديء المسيحية

زيارة المشايخ والقساوسة والفنانين لا تكفى لمحو أثار عهد مبارك التى امتدت لتضرب النسيج المصرى، جذور المشكلة مازالت موجودة وتحتاج إلى حل، حتى وإن اختفت النتيجة-هدم الكنيسة- فمصر تحتاج منا أكثر من التنظير فى البرامج الحوارية بعد العشاء، تدمع عيناى كلما فكرت فيما رأيت تحت الابتسامات والمجاملات فى هذه القرية، الجمر ما زال يشتعل تحت الرماد، والناس خائفة من كشف الجرح لتطهيره

هذا هو انطباعى الشخصى وليس بيانا عن الحركة

بى اس: يسرا هى من طلبت رؤية بقية أجزاء الكنيسة فامر القس أحد الخدام باصطحابنا فى جولة داخل الكنيسة

خمسة مارس.. عاصمة جهنم

2011-03-06T06:17:00.000-08:00

كان عندي امتحان، رجعت منه كلت ونزلت علي عاصمة جهنم، مقر مباحث أمن الدولة بمدينة نصر

الطريق بيقف تقريبا من اول تقاطع الطيران مع مصطفي النحاس، الناس كسرت بوابة المعتقل اللي قدام المسجد، ورحت عالمقر الرئيسي، هناك النشطاء السياسيين كانوا قليلين جداً، معظم المتواجدين كانوا سلفيين، لأنهم اكتر ناس اتنفخت في الجهاز ده

قدرنا ندخل من شارع جانبي، من خلال قطاع الاتصالات في الداخلية المجاور لامن الدولة، كان فيه سلم طويل وفي اخره باب حديد بين القطاعين، شباب وشرطة عسكرية منعونا من الدخول، جيت انزل من عالسلم لانه كان علي والناس بتتدافع بغباوة وسوره قصير، نزلت لقيت شاب طول بعرض بيفتش اللي بينزل وبيمنع اجنبي من الدخول، رحت عليه وقلتله-علي شاب- الواد ده شكله زي عساكر امن الدولة، قاللي لأ احنا مش لاقينهم، بصيتله بصة انا مش فاهمك يا عمو، قاللي انا ظابط في الداخلية تبع قطاع الاتصالات، المهم الناس زاحمت والشرطة العسكرية اتشغلت في حاجة تانية فدخلنا، 3اتوبيسات من بتاعة الجيش مليانة ورق مفروم و سليم، وجت النيابة العامة والناس حيتهم، اخويا ومنجي نزلوا الزنازين اللي تحت الارض، الزنزانة ضيقة جدا، مافيش شباك، وفيه حمام بلدي في الزنزانة وحنفية، بس كده

كان فيه عربية جيب سودا واقفة، واحنا واقفين بنصوّر، حوالي 10 قاعدين عليها وواقفين علي كواتشاتها واكصدامها، حاولت انزلهم "يا جماعة حرام عليكوا الناس بتشوف شغلها واحنا نبوظلهم عربيتهم" الكل نزل ماعدا واد عامل نص دوجلاس كده :
-"مش هاتبوظ"
لأ الكاوتش هايهوّهي -
-انا عاوز اصوّر
-مانا واقف باصوّر عالارض، الثورة مش معناها نبوظ للناس عربيتها
-ماتخفش.. معاهم فلوس كتير
قالها بغل وبصوت فيه حشرجة وحقد ابن وسخة

بعد شوية طلعت صور تعذيب، من بعيد كنت شايفها لعراة، وبدأت اصور الجهاز من قريب، ومخرجة افلام قصيرة بدأت تصوّر في فيلمها التسجيلي، الناس افتكرتها مذيعة والسلفيين اللي لقوا الجهاز بدأوا يحكوا عن بشاعات اللي حصلّهم جوا
ولقيت نفس الشخص بيسأل اللي ماسك الجهاز: اتصنع فين ده يا أخ؟
-المانيا
-الماني؟ المانيا؟ هاه؟ المانيا يا اخ؟ الماني بتقول؟ هاندمـــــــــــــــــرها المانيا(بصوت فيه غضب وعنف مخيف)
بدأت اصرخ فيه:
تدمرها ايه؟ احنا اتفشخنا 18 يوم في التحرير ماشفتش واحد منكوا، جايين تنطوا عالثورة وتشوهوها؟ هي ناقصة ارهاب وخرا؟

بعد شوية جم شباب كده شكلهم مثقفين: يا جماعة المستشار زكريا جه
وواحد بيسخّن الناس بشكل غريب: مش ماشيين مش ماشيين هاتوا جميع المعتقلين
(الحمد لله اخويا ومنجي لما نزلوا الزنازين لقوها فاضية، ممكن اللي بيسخن ده عاوز يطلع واحد ارهابي، امن الدولة ماكنتش بتطارد النشطاء بس)
بدأت انا اتكلم، واقلوهم يا جماعة المستشار زكريا امين عليها
لقيت واحد طلعلي ب"ترنك" وبيتكلم بعصبيا جدا، ومعاه طفلين، مسك ايدي بعصبية وهو بيزعق: عاوزينّا نمشي ليـــــــــــــــه؟
انا باقول نستأمن المستشار زكريا عبد العزيز( كان في زهني انه ممكن ملفات متعلقة بالامن القومي تتسرب)
زكريا ميـــــــــــــــن، مش زكريا "عزمي" ده هو اللي فضل اسبوع يفرم ورق؟
نزّل ايدك-زقيته وكنت علي وشك اضربه لانه كان بينفضني وهو بيتكلم بس سبته عشان عياله-
باقولك زكريا عبد العزيز من تيار استقلال القضاء، مش عارف احداث نادي القضاة؟
لقيت واحد تاني سلفي بيكلمني بعصبية وماسكني من كتفي، زقيته وصرخت في كل اللي حوليّ-حسيت بالخطر لانهم كانوا يعرفوا بعض وانا ماعرفش دول طلعوا من جوة ولا ايه ظروفهم، بالذات ان التعذيب والعنف بيخلق عندهم عنف مضاد، حتي لو كان دخل بريء فهو هايطلع عنيف- اتكلموا بتحضر، ماحدش يمد ايده، وطوا صوتكوا، اللي هايمد ايده هاقطعهاله

اخويا وصحابي شدوني من وصتهم، مشيت من المكان وانا باكلم حد كان هايقابلني في التليفون وباشتم بعصبية، كنت خايف اوي علي مصر، بالذات بعد الحوار ده

اقلية بس لازم بسرعة احزاب بمرجعية دينية مؤمنة بالمدنية عشان الناس ديه تختفي، مع استقلال الازهر، وعالمدي الطويل قضاء عالفقر والجهل، احنا في اكتر مرحلة حساسة في تاريخ مصر الحديث

لو سيبنا الاخوان يشتغلوا سياسة بشكل شرعي هايقضوا عليهم، تقدر تتناقش مع الاخوان بس دول مستحيل، بعد الغضب اللي شفته امبارح انا مش عاوز فترة انتقالية قبل 6 شهور، وشايف انه جهاز امن الدولة يتحل وكل العاملين فيه يتسرحوا، بس ينشأ جهاز جديد لمكافحة الارهاب من المباحث الجنائية والامن القومي

زي مابيقول منجي المرحلة مرحلة حرب افكار، احنا لازم نوعي كل الناس يعني ايه سياسة، لأن التيار السلفي بينط عالثورة بشكل بدأ يقلقني

بقية الصور هاتلاقوها هنا
http://www.facebook.com/album.php?aid=281798&id=604150587

رسالة للمصريين المسيحيين

2011-02-21T04:30:00.000-08:00

الثورة صنعت في الشارع بينما كان الانبا شنودة يخوّف منها في الكاتدرائية، الفتنة خُطط لها في وزارة الداخلية بينما كان الأنبا شنودة يخوّف من الاخوان في الكاتدرائية، الدستور يُعَدّل بينما الأنبا شنودة يخوّف من اللجنة المُعَدِلة في الكاتدرائية، مصر بلد فريد من نوعه، الشرطة فيها بتحدف المتظاهرين بالطوب، والأقلية الدينية -المطالبة بالعلمانية- بتمارس السياسة جوة الكنيسة

(الكلام عن الانبا شنودة بما انه بابا اكبر كنيسة في مصر ورمزها، بس كنائس كتير تانية عملت نفس الشيء)

توحيد رأي المسيحيين تحت رؤية الكنيسة هايضر الوجود المسيحي في الشارع المصري اللي بيشكّل المستقبل وانا باكتب السطور ديه، زي ما الثورة نجحت لعدم وجود قيادة تتحدث باسمها، فالتواجد المسيحي في الشارع هايستفاد اكتر لو كل مسيحي قال رأيه، لما تتكلم عن-مع- ملايين المسيحيين احسن كتير-بالنسبة لمصر كدولة مدنية- من انك تتكلم مع شخص او مجموعة اشخاص متخصصين اساسا في الدين(هنا انا مش باقول رأي الكنيسة صح او غلط، مايهمنيش لأني مسلم) لازم كل مصري يقول رأيه، هو عاوز مصر ازاي، مش هو واثق في رأي مين اللي عاوز مصر كده او كده

عاوزين مكرم عبيد و فخري عبد النور و القمص سرجيوس وويصا واصف وجورج خياط ومرقص حنا وواصف بطرس غالي جداد... ببساطة نجيب جبرائيل مالوش اي وزن في الشارع، لازم كل مسيحي يحدد اتجاهه السياسي وينضم لحزب سياسي نضيف او حزب قذر ويساهم في تنضيفه، والا في لحظة تحوّل تاريخية زي ديه احوال الاقباط هاتزيد سوء، العلمانيين اللي زي حالاتي في البلد ديه مش كتير، ولا الاسلاميين الوسطيين امثال الاخوان وحزب الوسط، معظم الاسلاميين-المؤثرين في الشارع بحكم الجهل والطابع المتدين للشعب المصري- هم السلفيين اللي حاربوا الثورة، ودلوقتي بيرفعوا شعار اسلامية في مؤتمر في طنطا ومظاهرة في الهرم، واسلامية هنا مصطلح فضفاض جدا وغيرو اضح ومانعرفش هايودينا لأي نموذج للدولة الاسلامية المنشودة، انا عن نفسي شايف ان الرؤية السلفية لل"دولة الاسلامية" خطر علي بلدي وعلي ديني، ممكن حد تاني يختلف معايا، وديه الروح اللي عاوزينها، الشعب يقرر هو عاوز ايه، بس الاحسن ان كل الشعب يقرر، مش جزء صغير هايشارك، والباقي يتفرج وبعدين يقول اصل ماحدش عمل حسابي

لازم كل مسيحي ينزل كل جمعة يصلّي في التحرير مع المسيحيين اللي بيصلوا كل جمعة هناك قبل صلاة المسلمين، لازم المسيحيين يشاركوا في السياسة، لما المسيحيين يتكلموا عن الدولة المدنية والتيارات السياسية العلمانية بأنواعها تتكلم عن دولة مدنية صوتنا هايبقي أعلي، الكلام عن اخذ حق شخص غير موجود عادة بيبقي مقبول، بس الشخص ده لو واقف جنبك، بتناضلوا عشان بلدكوا، عقل الشخص اللي اعداء الثورة بيحاولوا يستخدموه في تخويف الغرب من الديمقراطية عن طريق ترديد شعارات راديكلية، عقله مش هايقبل فكرة اقصائك

ارجوكوا فكروا في مصر كبلد ليكوا فيه زي اي شخص من اي ديانة تانية، ارجوكوا اتكلموا بصيغة "احنا" عنّا كمصريين، مش عن "شعب الكنيسة"، ارجوكوا شاركوا النهاردة في تغيير المستقبل، والا اي كلام عن تمييز هايبقي عبثي، ماينفعش حد يفضل ساكت وبعدين يقول اصلهم مادونيش حقي

عن المادة التانية في الدستور، دلوقتي اعداء الثورة من الاعلاميين ورجال الدين ورجال الاعمال بيتكلموا عنها مع انها مش مطروحة للتعديل او الحزف من اللجنة المُشَكّلة، المادة ديه دخلت الدستور في ظرف تاريخي، للأسف اتمررت لأغراض شخصية، بس ده مش وقتها، تغييرها او استمرارها محتاج نقاش مجتمعي بين كل المصريين، مسلميين ومسيحيين، وسطيين وسلفيين وليبراليين وارثوذكس وكاتوليك وبروتستانت وبهائيين، النقاش ده عاوز وقت، وتثقيف عن معني المادة وجدواها والظرف التاريخي اللي اتحط فيه، محتاج استقلال حقيقي للأزهر والكنيسة عن سلطة الدولة لفترة تكفي لاختفاء التيارات الراديكلية داخل كل الاديان والطوائف اللي بتستغل التصاق المؤسسة الدينية بالدولة، محتاجة ان ال30% امية تختفي، معاها هاتختفي الطائفية، انا مصري مسلم ضد الصياغة الحالية بس شايف ان مش وقت النقاش حولها خالص، دلوقتي وقت بناء ديمقراطية سليمة

اطلعوا برة الجيتو وشاركوا في تشكيل وطنكوا كمصريين مسيحيين، مش كمسيحيين مصريين، زي ما مسيحيين كتير شاركوا في الثورة، لازم مسيحيين اكتر يشاركوا في الحياة السياسية

نوتس من الثورة

2011-02-13T02:32:00.000-08:00

يوم 25 يناير:

الناهردة كان يوم تاريخي بكل المقاييس، اليوم بدأ باني قابلت صحابي وزمايلي في الجامعة(آينش، طارق الخطيب، دودز، شريف علي، وعبد الله سليمان) الناس ديه عمرها مانزلت مظاهرات، وده كان اول فأل حسن، كسر حاجز الخوف

روحني وسط البلد مع بعض، بس كل 2 عاملين انهم مش عارفين الباقيين، بعدين عرفت ان فيه مظاهرة هاتبدأ في جامعة الدول، وصلنا هناك بدري بساعة، فقعدت في قهوة وشديت حجرين، في الطريق لهناك كان فيه 3 عربيات امن مركزي وبوكس، في تقاطع الطيران مع الاوتوستراد، وفي الجزء اللي شفته من العباسية، والجزء اللي شفته من رمسيس.

بعد كده الناس قالت ان المظاهرة اكبر بكتير في التحرير، فمروحناش مظاهرة جامعة الدول بعد ماستنينا قريب منها حوالي ساعة، وخدنا تاكسيات عشان نوصل التحرير، نزلت في عبد المنعم رياض، واتجهت ناحية ماسبيروا، عشرات عربيات الامن المركزي، مخبرين وعساكر بطول الرصيف من هيلتون رمسيس لحد بعد ماسبيرو ووزارة الخارجية

بعدين رجعنا علي التحرير، في الوقت ده توهنا من بعض، طاطا روّح، وفضلت انا وشريف، اينش وعبد الله كانوا في مصطفي محمود علي حسب علمي، ودودز تاه مننا، بعد كده لما طاطا عرف ان الناس موجودة، واننا كنا بنروح الاماكن بعد ماتتفض، رجع تاني

وصلنا التحرير، ناصية كنتاكي، حوالي 30 متظاهر، معظمهم وجوههم غير معروفة بالمرة، شريف سخّن الناس بالهتاف، وبدأنا نلتحم مع الامن المركزي، بسهولة-الخوف- قدرنا نكسر الحاجز ده، الشارع الممتد لطلعت حرب، كسرنا فيه كردون تاني او اتنين، وفضلنا رايحيين من التحرير لطلعت حرب-رايحيين راجعين-، كنت ماشي قدام الناس بعلم مصر وباهتف زي المجنون وبابكي، لما بصيت ورايا لقيت ال30 بقوا 500

كان فيه ولية مجنونة من ال30 الاولانيين، قالت تحيا تونس قلنا تحيا تونس، قالت تحيا ايران قولنالها لأ، قلتلها اعدموا من يومين 3 من نشطاء الثورة الخضراء، قالتلي لا اعتقلوا عملاء، وبدأت تخبط وتمسك ايدي بعصبية، مارضيتش اقل ادبي عليها عشان ست كبيرة،

جالنا شخص شكله مخبر، وقال فيه مظاهرة تانية في التحرير تعالولنا، ومشينا وراه في شارع مافيهوش كردون، طلعنا منه قدام المتحف المصري، لقينا عدد حوالي 300 متظاهر تانيين، فضلنا نهتفن وفاجئة لقينا الاف بيجروا ناحيتنا، كسروا الحواجز من ميدان مصطفي محمود لحد التحرير، جم من كوبري قصر النيل، الامن حدف قنابل مسيلة للدموع، شيلناها ورميناها عليهم، كعادته اينش بيكلّم نفسه

:P :D

لقيته فاجئة قدامي-المرة الوحيدة اللي شفته فيها في المظاهرة- شايل قنبلة غاز-بتبقي سخنة جدا- وبيقول: مش بتموّت علي فكرة يا جماعة وبيحدفها عليهم، اينش ايده اتحرقت، العساكر تعبوا من القنابل لانهم لازم يفضلوا واقفين مكانهم، فجت عربية مصفحة من اللي بيبقي عليها مدفع مية، مشيت بسرعة جنونية بيننا وهي بترش مية، رجالة قلوبها ميتة نطوا عالعربية، خلعوا المدفع وفككوا ال

pump

وكسروا الازاز ونزلوا الظابط، اتطحن ضرب وطلع يجري، وهنا نلاقي غباء مبارك اللي حوّل الشعب لحرامية وميكانيكية لما اهمل التعليم، العربيات اتفممت وهي ماشية

بدأنا نتقدم، بعد ماكنا واقفين في المنطقة من المتحف المصري لنص التحرير، وصلنا لحد شارع الريحاني، ضربوا غاز تاني، وطوب، وقنابل مسيلة، جسمي تلّج، ماكنتش حاسس ان الناس بتجري، روحت عالمطافي ببرود غريب والمدفع بتاعها عليّ وعساكر كتير بتضربني بطوب كبير، احنا كنا بنحدف طوب صغيّر، هم كانوا بيحدفوا علينا بلاط، ورميت حجر عشان اكسرله الازاز، خدت 7 طوبات في جسمي، وتقدمنا تاني وكنا متحاوطين، امن مركزي علي يميننا وشمالنا وفي وشنا، كسرّنا عربيات امن مركزي، وعربية مطافي، ولاول مرة اشوف عميد واقف بيتحايل عالناس ويقولهم: انا معاكم، اول مرة اشوف الاف العسكر بيجروا، اول مرة اشوف شخص قعيد جاي يتظاهر، وعيال صغيرة، وناس عمرها مانزلت في حياتها، الشرطة كانت بتجري تبعد عنّا في 3 اتجاهات الميدان بتاع تقاطع الريحاني مع شارع مجلس الشعب، قبل مايمشوا فككوا عربية المطافي عشان مانستخدمهاش ضدهم، خدنا خوذ ودروع العساكر، والكردونات الحديد استخدمناها ضدهم

كان فيه راجل لابس جلابية بيضة وملتحي، الاول هتف هتافات وطنية، ولما قلبها هتافات دينية الناس قعدت تقول: عاش الهلال مع الصليب، فاتكسف وسكت، وبعدين هتف معانا

ظباط امن الدولة لما ضرب الطوب من الجانبين اشتغل، هربوا، هم وظباط الامن المركزي، وبقينا احنا والعساكر، كانوا بيرموا علينا طوب بغشامة، لما الناس ماكنتش بتخاف وتقف مكانها وهم بيجروا علينا، او حتي تسصقّف، او تجري في اتجاههم، كانوا بيرجعوا تاني ويجروا، مع ان كتير مننا كان متصاب، اللي مجّبر ايده ومكمّل، واللي واخد 7 غرز في دماغه ومكمّل-زي شريف علي- ، اغمي عليّ لما خدت طوبة في دماغي، رماها متظاهر ملوي مش عارف يحدف عدل، فضلت كل ماقوم اقع تاني لوحدي، وفضلنا في مناوشات، نتراجع ونتقدم، لحد اخر مرة يضربوا فيها قنابل غاز، كنت اول صف، فلما جرينا كنت اخر صف، اترمي حوليّ 5 قنابل عالاقل، واختلف احساس حرقان العين وتهيّج الجلد، لضيق في التنفس، وحول، ثم عمي جزئي، لحد ماوقعت، فضلت اتحرك وانا ساند عالسور الحديد اللي في الميدان، وبعدين كان لازم اوصل الناحية التانية، وقعت في مسافة 7 متر 4 مرات

مع الوقت الناس هديت، الروح كانت جميلة اوي، كل شوية حد يجيب عيش او ساندويتشات، ومية ويوزّع، الناس كانت بتتناقش كأنها اخوات، سمعت قصص غريبة، وقابلت ست كانت مسلمة وبقت مسيحية، هي وبنتها، قعدت تقول هم بيوقعونا في بعض، احنا كلنا واحد، بالمناسبة المظاهرة كان فيها مسيحيين كتير علي الرغم من موقف الكنيسة، قابلت راجل مزارع من الدقهلية جه مع دكاترو جامعة عشان يتظاهر، كان بيكلمني عن الديمقراطية وناصر ونجيب ومبارك، عن العدالة الاجتماعية والدستور.. حسيت انه كلام المثقفين جاب نتيجة، ديه من الحااجت اللي اسعدتني

انا شفت فلاحين وناس رجلهم مبتورة وشاب عنده شلل اطفال

كان فيه قيادة واحدة بس شفتها بعيني، الدكتور اسامة الغزالي حرب، وشفت في التلفزيون عبد الجليل مصطفي، وكان فيه عمرو واكد وخالد ابو النجا

الدروس اللي طلعت بيها من اليوم:

1-الامن المركزي والداخلية بشكل عام زي الصهاينة، جبناء، زي مابيقولوا شمع

2-قنابل الغاز بتبوظ الصدر اكتر من الشيشة والجوزة

3-الناس بجد وطنية، الغل في الهتافات اللي ضد الحكومة، والآسي والحب في النشيد الوطني، والبكي عالبلد، كل ده بيقول ده

4-مهم جدا ان مظاهراتك تبقي قريبة من الجامعة الامريكية.. كان فيه شوية مزز يا جدعان

5-الحكومة مرعوبة، قطعوا الاتصالات عن وسط البلد كلها، وحجبوا مواقع كتير، مرعوبين

الكلام عن المعاناة مش ادعاء بطولة، كلنا كنا ابطال النهاردة، انا بس فخور بالكدمات اللي في جسمي، وحزين اني مامتش النهاردة زي اللي ماتو، الموت عشان مصر عالاقل ليه هدف، احسن من موت ممل في سريري، او اموت في حادثة عربية او بمرض من الامراض اللي وطّنتها الحكومة

تُصبِحون علي وطن

يناير 26

كان لازم اروح الجامعة عشان مشروعي، لما رحت استغليت الموقف وحكيت للدكاترة اللي في العيادة عاللي حصل من الطوبة، اني فضلت اقع اكتر من مرة، شكل الخبطة خلاهم يقولولي اني لازم اعمل اشعة مقطعية لانه في احتمال ارتجاج جزئي، بس انا خفت لان كان فيه اخبار عن ان الناس كان بيتقبض عليها لما تروح، واعراض الارتجاج الجزئي ديه زادت بالليل(تنميل في الجسم وزغللة في العين ودوخة) بس الحمد لله ربنا سترها لما نفذت اللي الدكاترة قالولي عليه

جمعة الغضب 28

أولاً: مبروك للمصريين... حتي لو مبارك ماتشلش لحد دلوقتي، بس مؤكد انه فهم ان الشعب المصري ممكن يثور بعد سنين من الإستكانة، وإن الحل الأمني صفر

ثانياً الأحداث: أصدقاء كتير.. قسّمنا نفسنا تلاتات من يوم 27، شوية مننا باتوا في بيت شريف علي، ودّعنا اهالينا-كان عندنا معلومات من أصدقائنا في الجيش بان فيه حالة تأهب عالية، ومن أهالينا في الامن المركزي بان فيه تفويض بضرب رصاص حي، كلمت امي وسألتها ان كانت متضايقة مني، وبعدين روحت البيت، سلمت علي اهلي، وقلتلهم عالتطورات اللي عرفتها، امي قالتلي اتشاهد، انتوا طالعين تجاهدوا، وبعدين طلعنا علي بيت شريف، شغّلنا قرآن، نمنا لساعات قليلة جداً، صحينا صلّينا وطلعنا، اتحركنا لميدان الجيزة، في الطريق، امام جنينة الحيوانات قابلت الأستاذ عبد الرحمن يوسف والدكتور محمد أبو الغار وصحفية، رفضت أرد علي سؤالها لأن الشوارع كانت ملبّشة، وصلنا قريب من مسجد الإستقامة، صلينا في زوايا مختلفة، الميدان مليان بوليس سرّي كتير، وفاكر انه في مواجهة شيوخ زي الدكتور البرادعي، الدكتور عبد الجليل مصطفي، فاجئة حوالي 100 واحد خرجوا، ناس بسيطة من العشوائيات المحيطة بميدان الجيزة، جايين يصلّوا عشان ربنا ينقذ مصر، وهنا بدأ غباء الأمن، لأنه خلاهم مع الثورة لما ضرب بغباء، لضيق نطاق التظاهر في الميدان المتظاهرين كانوا في التحام تام مع المتفرجين.. ولأن الناس بسيطة، فتقدم المظاهرات شباب الطبقة الوسطي، معظم الناس اللي كانت قدّام متقدمة المظاهرات كنت أعرفهم كويس، فاجئة قنابل الغاز اشتغلت عشان تخوّف الناس، كله رجع، وخراطيم الميّة اتوجهت ناحية الناس، لما البعض رجع والبعض فضل، قوّوا الضغط، افتكرت ان عيني اتقلعت لأني ماشفتش حاجة من الميّة، صديق من مجموعة تانية غير مجموعتي حاول يشدني عشان نرجع ورا، بس انا وقعت ورا من المياه، جريت عالمسجد، وساعدت الناس بالمحلول المضاد للحمض اللي في قنابل الغاز

Sodium bicarbonate

وبعدين رجعت، لقيتنا بقينا حوالي 20، كان فيه ملازم أول وسيم وبشوش، كان متعاطف معانا، مابيردش لما الناس شتمته، ولما بدأنا نستعطفه ونقول "يادي الخيبة يادي العار، الأخ بيضرب أخوه بالنار" لمحت الدموع في عينيه، قربت عليه بحزر وبوست دماغه، كان فيه رائد حقير، كل ماكلم العساكر يقولّي "مالكش دعوة انت، احنا عارفين احنا بنعمل ايه كويس، ارجع ورا" رديت عليه نفس ردّي عالعقيد أو اللواء بتاع ميدان التحرير يوم الثلثاء 25 يناير، "وطّي صوتك وانت بتكلمني، انا مش باخد أوامر منك" قال "ارجعوا ورا" قلناله " ارجع انت، ديه بلدنا" ووصلنا لحل اننا هانرجع وهم هايرجعوا، هو كمان كان مبسوط بالحل ده، لان لما الناس اتفرقت، اللي كانوا في المسجد كانوا اقل من 100 شخص، بس الشباب كانوا بدأوا يتحركوا في الشارع، وبدأوا يزيدوا، وبعد ماكانوا شباب من مدينة نصر والتجمع ومناطق متوسطة وغنية، أعداد أكتر من العشوائيات المحيطة بدأت تنضم، كان فيه عقيد حاول يهدّينا ويقول انه معانا، بس لما فشل معانا انفعل، وشفت منظر زي منظر بارونات المافيا في الأفلام الايطالية، لما حاولت اتكلم معاه وهو ماشي، لقيت في تشكيل اتكون حواليه، زي عساكر الشطرنج حوالين الملك، لقيت اني مش هاقدر انضم للشباب في الشوارع لأننا قليلين ومعظم المسجد كان شيوخ وستات وسياسيين، فقررت أني ادخل المسجد، لميت ازايز البيبسي والخل ومعايا المحلول اللي معايا، وبدأت أساعد الناس

للأسف التغيير السياسي لو حصل هايسيب ناس جاهلة وأنانية لحد بعيد في وقت الزنقة، فيه ناس كانت شايلة البيبسي عشان تشربه، وواحد جاي عاوز بيبسي عشان يروي عطشه ويطلع يهتف في مكان الهتاف فيه عبثي لحد اللحظة ديه، واتقمص زي العيال لما قلتله البيبسي لالتهابات الوش، وواحد شكله أمي عمال يقول للناس اللي بديهم المحلول "ادعك عينك بالمحلول واشرب البيبسي، بيقولوا البيبسي حلو للصحة" كان نفسي أسلم الناس ديه للأمن من كتر الاستفزاز، وناس غلابة، فاضل حوالي 100 مللّي من كل حاجة معايا وبعد ماحطهاله في ايده يدلق منها شوية عالأرض، او يستني لحد ماتتسرب من خلال صوابعه وهو بيقول "بأمانة ربنا مافيهاش حاجة؟"، ولما صلّينا سبت الازايز مع ست، لقيتها سايباها مع الناس، رجعت لقيت الناس برضو مصرة ماتفهمش، شربوا الخل والمحلول وغسلوا عينيهم بالبيبسي، وواحد خد مني 3 مرات من المحلول وكل مرة يوقعه، لحد مانفعلت وقلتله مالكش تاني، وكان فيه 2 دكاترة مستفزين جداً، انا كان عندي معلومات بسيطة عن الكيميا من الهندسة، ومعلومات بسيطة عن الإسعافات الأولية قريتها من الانترنت وعرفتها من أصدقاء في طب وصيدلة، الدكاترة كانوا واقفين مع البرادعي طول الوقت، اللي كان تعبان جداً بالمناسبة من الغاز، علي عكس مالناس فاكرة، البرادعي وعبد الجليل مصطفي وإبراهيم عيسي وأخرين من الجمعية الوطنية كانوا معانا طول الوقت، وتضرروا لأن الناس بتدخل تهرب من الغاز وتسيب أبواب المسجد مفتوحة، وناس تانية عاوزاه يدخل بنفسه في الاشتباكات مع الأمن، عرفت من بنت الدكتور محمد أبو الغار ان والدها مختفي من الصبح مع الأستاذ عبد الرحمن يوسف وصحفية اجنبية، لما الأمن بدأ يفقد السيطرة برة دخل ناس بتموت، ستات كبيرة واطفال وشيوخ، وناس بتطلع في الروح، ومعاناتهم كانت بتزيد بسبب الناس اللي كانت بتفتي، فقدت أعصابي، بدأت أترعش وأبكي من الحرقة عالناس اللي بتموت "أقسم بالله سبولهم الدين في المسجد هناخد ثواب"، قربت مني ست منتقبة "حرام عليك ذنب الدين ايه، ربنا هايجيبلنا حقنا وهاينتقم منهم" قلتلها" بقالكوا 30 سنة بتقولوا ربنا هايجيب حقنا، اسكتوا بقي كفاية، دول منغير ملة، احنا اللي نجيب حقنا"

كان فيه مخبر معانا، واضح جدا انه كان مخبر، فضل طول الوقت جوه المسجد مع ان بنيته قوية ومع انه ماكنش متضرر، ربنا يخلّي لينا السينما، عرفتنا علي شكل المخبرين من ايام الملك فاروق، شخص طويل وعريض، بشنب قذر، وبالطو وجزمة جلد، فيه ناس دخلت والدكاترة عرفتهم بالصدفة بعد ماصرخت عليهم لحد مالقتهم، كان فيه شخص بيموت، ضربات قلبه ضعيفة، وبيفرفر، و2 عساكر أسعفناهم، كان فيه شخص مستفز هايدوس عالناس اللي في الأرض عشان يوصل ليهم ويصورهم، اضطريت اضربه جوا المسجد عشان يبعد، لأنهم كانوا بيتخنقوا وكل مارجّع الناس من حواليهم، يشوفوه واقف هو وصاحبه قريب فيقرّبوا تاني، من وقت لوقت كنت باطلع أبص عالتطورات في الشارع، الأمن اتهزم تماماً عالكوبري، اطارات بتتحرق

معلومة للناس عشان لو المظاهرات استمرت:

البيبسي والمشروبات الغازية عموماً، أو بدرة ال

Sodium bicarbonate

الذائبة في الماء

هي سوائل قلوية

Alkaline

بتعادل الأحماض بتاعة الغاز

Acid

ببتحط عالوش بس، مافيش حاجة بتتحط عالعين، الدموع كفيلة بغسيل الأحماض منها، الخل أو البصل لتسهيل التنفس أو الأفاقة

فاجئة لقينا مئات الألاف جم من الشوارع المحيطة وفوق الكوبري، والأمن فاتح لينا الطريق، اتصورنا مع العساكر والظباط، كنا مئات الالاف عن الميدان، ومع الوقت اتحولنا لملايين بلا مبالغة، مش اقل من 3 5 مليون، المسيرة كانت ممتدة من ميدان الجيزة لكوبري قصر النيل في الزمالك، ظباط المطافي عرضوا علينا ميّة، ستات وبنات نزلوا من الشقق بجرادل الميّة، كان فيه ناس تافهة، زي شباب كتير كان ماشي عكس الاتجاه، ولما قلتلهم تعالوا معانا قالولي "معلش يا برنس متأخرين عالماتش" عدينا قدّام فنادق وبنوك كتير من غير تخريب، الناس كسرت صورة حسني مبارك اللي علي سور الأمانة العامة للحزب الوطني بالجيزة، بس شباب مثقف وقف حول المقر وهتف "سلميّة.. سلميّة"، عند المقر ظهر أشخاص يقولوا "بس اوعوا تجيبوا البرادعي كلب أمريكا" وحاولوا يستغلوا ان الشباب اللي اندسوا وسطهم من طبقة مطحونة، ويجرونا لنقاش، وقتها قلتلهم "انتوا بقالكوا 30 سنة خرفان، لما تيجي انتخابات نبقي نختار، دلوقتي خلينا متفقين اننا نسقط النظام" واختفوا المندسين، وصلنا عند الشيراتون-علي مانا فاكر- وشفت منظر واحد من المتشردين اللي كبروا في السن بس برضو أطفال شوارع، جلده مسود من الطين، ساند علي المبني، وبيهرش في راسه، حسيته مش مصدق وفاكر انه بيحلم.

وصلنا لكوبري قصر النيل، هنا الوضع مختلف، فالجهة المقابلة تابعة لمديرية أمن القاهرة وليس الجيزة.. خراطيش-طلقات كبيرة المفروض انها تضرب في الأرض، فلما "تفرش" او تتوزع ماتعورش، بس كانوا بيضربوها عالناس، شفت ناس كتير بيرجعوا متشالين من الصفوف الاولي بجروح في رقابهم شبه الدبح، وكم كبير مع قنابل الغاز، فاجئة ظهرت 3 مدرعات من الجيش، الناس حيتها وطلعت عليها، سلّموا علي الظباط، في تأثر باللي حصل في تونس، بس الظباط لما قربوا من الكوبري قالولهم انزلوا، الناس افتكرت انهم هايشوطوا في الامن المركزي، الا انهما كانوا عالحياد، الامن المركزي عدّاهم وبعدين كمّل ضرب، مع الوقت بدأ الامن يتراجع، وقنابل الغاز تنزل النيل، ومحاولات من الامن للطويق، اللي عالكوبري تراجعوا للتحرير، وحوالي 20 عربية أمن مركزي من اتجاه ماسبيروا، بتمر تحت كوبري 6 اكتوبر وكوبري قصر النيل-تحت النفق-، حدفنا صخور عالعربيات، كانت بتمشي بسرعة جنونية عشان تحاصرنا من اتجاه ماسبيرو والتحرير والناحية التانية من تقاطع قصر النيل مع الكورنيش، الامن المركزي كان بيضرب خراطيش في الهواء عالناس، حدفنا صناديق وكراسي حديدية سدت المكان.. لما وصلنا للمقر الرئيسي للحزب الوطني اتعاملنا بشكل مختلف عن اللي حصل مع مقر الجيزة.

مشهد ماشفتوش حتي في الافلام، مستندات، ونهب او تكسير أجهزة كومبيوتر، توزيع مشروبات غازية وبسكوت من الكنتين الضخم في الساحة اللي في وسط الحزب، محاولات لحرق عربيات الامن المركزي اللي في الشارع، بس شباب واعي طفاها، الا ان شكل العربية اللي بتتحرق فوق كوبري 6 اكتوبر ألهب المشاعر، حرقوا عربيتين قدام باب الحزب، انفجارات متتابعة، ناس طلعت صورة مبارك ودوسنا عليها بالجزم، صوت يتردد بقوة "شُخوا عليها" للاسف الناس حرقت الحزب الوطني ومافكرتش في المتحف المصري(ملاصق للحزب)، شفت طفل شارع معاه صندوق عيش وكان بيبسي، قلتله جبنالك حقلك، كان بيبكي، ابتسم وقاللي الحمد لله، واحد جه قاللي "شكراً يا شباب علي تعبكوا نردهالكوا في الافراح" بصيت لشريف وقلتله "هو انا جاي اجامله في فرح اخته ولا ايه"، كان لازم امشي، مشيت عالساعة 8 مع شريف علي وشريف عبد التواب، وسيبنا ورانا-بعد مافشلنا اننا نلاقي- طارق الخطيب وأينش وعبد الله سليمان وعبد الرحمن قبيل.

الحرية قادمة

6 & 7 فبراير

شوية حاجات حصلت في الميدان لما بتت فيه، كان من احلي ايام حياتي:

1-اولا دول كانوا الحد والاتنين، ديه ايام المفروض بتبقي قليلة من حيث العدد، بس اليومين دول كان فيه مش اقل من 10 الاف بني ادم

2-وقفت في لجنة عشان نحمي الناس، من كتر مالناس كانت بتيجي، ماقدرتش اقعد لحد بعد بدء الحظر، انا وقف من حوالي 7 لحد حوالي 1، ماقعدتش فيهم خمس دقائق

3-كذب التلفزيون كان بيجبلنا ناس، وده احد اسباب-الي جانب الاستقالات الجماعية- اللي خلت خطابه يبقي اكثر حيادية، فيه ست جت هي وابنها وقالتلنا "انتوا شباب مصر، ربنا يحفظكوا

-ربنا يخليكي يا حجة

-قولّي يابني فين مجمع الجوازات؟

-مجمع التحرير كله مقفول يا حجة

-ايوة مانا عارفة، اصل بيقولوا بيوزعوا بطاطين واكل وفلوس

-انتي بتصدقي الكلام ده يا حجة؟ مافيش حاجة زي كده، احنا بنجيب اكل وبطاطين من فلوسنا ونوزعها علي بعض عشان نبات

-لا اصل ناس جراننا جم وخدوا (بتستذكي عليّ)

-خلاص ادخلي، بس انا باقولك مش هاتعرفي تطلعي بحاجة

-ابنها: عالاقل تغيرولنا علي جرح ايديها

الست ديه وابنها لما صحيت تاني يوم لقيتها باتت معانا لما عرفت ان الاعلام كذاب، واشخاص كتير عدوا عليّ وقالوا كلام مشابه وباتوا معانا برضو

4-فيه ظباط امن قومي وسطنا، بيجمعوا معلومات عن روحنا المعنوية، عن احتمالية وجود خطط، عن حالة الناس في السقعة، واكتشفنا منهم ناس فعلا بس سيبناهم في وسطنا وحتي ماوجهناهمش، حصل اني شكيت في ناس ولقيت ان كذا حد غيري ماعرفوش شاكك فيه

5- الناس البسيطة بقت بتفهم في السياسة، الجو المشرف في التحرير، وامتزاج الطبقات خلّي الكبير يحس بالصغير، وخلّي الفقير يفهم في الدستتور والسياسة

6-الكنتاكي بيتوزع منغير كاتشاب

كنت بايت في الميدان وباتكتك من السقعة، حلمت بحوار وائل غنيم وحوار عمر سليمان، ولما الحوارين اتذاعوا كنت بانطق الأسئلة والأجوبة قبل ماتتقال، وحلمت ب 3 او 4 أشخاص كتير قابلتهم تاني يوم، منهم شخص قابلته مع سلمي عقل، كان شكله يخوّف، ولما اتكلمت معاه اكتشفت ان مظهر التشدد الظاهر عليه بيخفي شخص مثقف ومستنير جدا

الحلم أخره كان زي العاب البي اس، لعبة بتتقلب فيلم، كان عبارة عن ناس بتزحف ناحية قصر الرياسة، بس القصر عبارة عن برج طويل جدا وابيض، بنفس تصميم سيميراميس اللي في ضهر التحرير، وان طنطاوي كان جنبي وكان رافض اللي بنعمله وعاوزه يخرج بهدوء، بس احنا اقنعناه باعدادنا فضرب في مبارك، وده اللي حصل فعلا، طنطاوي كان عالحياد لحد لما لقي كفتنا غالبة، بيان رقم واحد من هيئة عسكرية، اعلي هيئة، معناها انقلاب

http://www.facebook.com/AhmedBeak/posts/125515350853916

يوم الخميس 10 فبراير، وبعد الخطاب، مشينا بالعفوية بالالاف لماسبيرو، هناك الجيش كان بيتعامل معانا منغير اي حميمية وبتوتر شديد، علي غير العادة، عادة ظباط الجيش بيتعاملوا معانا بكل حب، فضلت هناك لحد قرب الفجر تقريبا

رجعت مخنوق بعد الخطاب، بس لما نمت حلمت اني باشرب شامبانيا، انا مش باشرب، بس الشامبانيا مشروب احتفالي، خير يعني

لما تنحي، الناس اللي كانت بتخوننا والناس اللي كانت بتهيننا نزلوا واحتفلوا، قدام القصر في الكوربة جه واحد سيس وخطيبته السيس برضو ووقفوا يتريقوا علي المعتصمين: هم دول بقي اللي عاملين مظاهرات، اول ماتنحي هتفوا: تحيا مصر... الله اكبر

مبروك :)))))))))))))))))))))

عقبال عندنا

2011-01-14T10:15:00.000-08:00

إذا الشّعْبُ يَوْمَاً أرَادَ الْحَيَـاةَ فَلا بُدَّ أنْ يَسْتَجِيبَ القَـدَر

العيد

2011-01-07T14:10:00.000-08:00

مش هاتكلم عن رؤيتي لتفجير القديسين والاحداث اللي بعد كده، الموضوع كله يلخبط، ولحد دلوقتي مش قادر افهم ايه اللي حصل، انا عاوز اتكلم عن قداس ليلة الميلاد في كنيسة العدرا بروض الفرج.

بقالي كتير مانزلتش اي حاجة، من يوم مظاهرة خالد سعيد في الاسكندرية، بس احساس الألم، اسبوع كامل من قلة الراحة في النوم، والبكا، الدموع اللي مانزلتش علي قرايبي اللي مات كتير منهم في ال3 سنين اللي فاتت، مش لانهم مش غاليين عليّ مثلاً، كنت حاسس ان مصر ماتت، مش 21 شهيد، كنت حاسس ان بلد كاملة، ذكريات، وتاريخ مُشرّف، بطولات، شعرا، كتّاب، ومعارك تنوير قريت عنها، موقع مصر وموضعها، كل ده كنت حاسس ان بعديه هاقول: يا خسارة

برغم ان عندي امتحانات كل يوم من الحد للاربع، بس كنت حاسس اني لازم انزل، مش هاقول عشان مصر، ولا هاقول الوحدة الوطنية، كل ده كلام نظري، يعني انا لوحدي لما انزل اقضي العيد في كنيسة في شبرا، ده هايفرق مع مصر في ايه؟ انا نزلت عشان حسيت بجو سلبي، حسيت بألم ماحستوش قبل كده في كتابات واصوات صحابي، وفعلا الألم والخوف ده طلع كان موجود

(http://www.facebook.com/notes/bebo-maged/alywm-ln-akhaf/494053494500)

مش هاقول اني حاسس باحساس المسيحيين في مصر، لأ، انا عمري ماكنت خايف وانا رايح صلاة الجمعة، عمر ماحد شاف معايا مصحف وبصلي بصة مش كويسة، بس حاولت اتخيّل الشعور، في الطريق لوسط البلد ركبت اوتوبيس، اول ماركبت سمعت قرآن، القرآن كان صوته مشوش، السماعات اللي في الميني بص تتجاوز ال12، بولا كلمني عشان يشوف انا فين، قلت للسواق يوطي الصوت، فضل موطيه معظم الطريق، بعد شوية عدّي تاكسي، كان مشغّل القرآن بدرجة صوت أزعجت حتي السواق بتاع العربية اللي انا راكبها، بعدها آذن المغرب، ده كله في اقل من خمس دقايق، الآذان كان من الزاوية اللي في تقاطع عباس العقاد مع مصطفي النحاس، انا ساكن في المنطقة ديه من اول مارجع اهلي لمصر، يعني من حوالي 15 سنة، الزاوية ديه المؤذّن بتاعها بيجاهد في المايك، مع ان صوته وحش جداًن والزاوية صغيرة جداً، بس الصوت مسموع في دايرة واسعة اوي.

وصلت الدمرداش، نزلت لان الطريق كان واقف، خدت المترو، في المترو برضو كان فيه حد مشغّل قرآن علي موبايله، افتكرت قبل اليوم ده بسنة، كنت برضو راكب المترو، سمعت في الاذاعة بتاعة المترو اعلان بيدعو لعدم استخدام الموبايل او اي وسيلة تانية لانه يشغّل اغاني بوت عالي او اي مواد دينية، الاعلان بعد ماخلص شغلّوا قرآن بصوت عالي.. واجبار الانسان علي الاستماع للقرآن شيء مردود عليه علي اي حال، ماكنتش مركّز اوي، كنت باردد اغنية "وتعيشي يا ضحكة مصر"

نزلت محطة روض الفرج، رحت قهوة استني، قابلت بولا ونادين، بولا قاللي، ان صعب مسلمين يدخلو لان ديه تعليمات الامن وبعدين جه هاني جورج وعزة مُغازي، وبعد شوية قابلنا ماريان ونوارة نجم، اتجهنا للكنيسة، بولا قاللي انه خايف واحنا عالقهوة، حاولت الطف الجو، او بمعني اصح انقل الاهتمام لأسئلتي السخيفة، من نوع: الفاتحة عندكوا اسمها ايه، عشان لو منعوني من الدخول؟

وصلنا، بولا كلّم والده، الكاتب ماجد الراهب، قدرنا ندخل بعد ما كشافة الكنيسة اللي كانوا واقفين عالابواب شافوا بولا ووالده قالهم

يدخلونا، جوا قابلت سماح، اتلخبطت اوي لما سماح

(http://www.facebook.com/notes/princess-samah-saad/aldhyn-ahbwa-jda/10150122798910295?ref=notif&notif_t=note_tag) قالتلي شكرا انك جيت القداس قدام اهلها، حسيت اننا اتنين مش واحد،

حسيت ان بعض افراد الكشافة ماكنش مطمن لينا، من النظرات، خدوا بطايقنا، والتعامل كان فيه شوية شك، لحد مالأستاذ ماجد جه وقف معانا تاني، لفت نظري التديّن المصري، الشكلي احيانا، زي لما طلب احد افراد الكشافة من كمال-صديق نادين- انه يرمي اللبانة

طلعنا الدور اللي فوق، واحنا طالعين بولا اتكلم مع "ابونا"-اسف مش عارف ترتيبه الكهنوتي- سأله عن نوارة أحمد فؤاد نجم، وكانت الاجابة ان الامن رفض يدخلها علشان محجبة، كان واضح عليه لما سمع ده انه اتضايق

لما دخلنا لقينا الصف الاول فاضي مع ان الناس واقفة فوق بعض، وبدأ أحد الكهنة في عظته، اللي لفت نظري ان العظة وقصة ذكريا والمسيح ويحي والعذراء، الاختلافات بينها وبين الاسلام تتلخص في نقطة اللاهوت والناسوت، وتجتمع في كم المعجزات، في اجلالهم جميعاً بالرغم من ان بعض الاسماء مختلفة-يحي ويوحنا المعمدان- انا كنت مركّز اوي في القصة، مع اني كنت حاسس ان فيه جو غريب ونظرات ليّ من كل اتجاه، وشي كان محمّر جداً، بالذات كل مابقي انا وحوالي 4 غيري اللي في المكان كله مش بنرسم الصليب وقت ذكر المسيح، بعده طلع كاهن تاني، فهمت انه اقل في الترتيب مع انه اكبر في السن بحوالي 20 سنة عالاقل، قال ان الله دايماً بيقلب المشكلة او الكارثة لنعمة، زي الاطفال اللي استشهدوا في مذبحة بيت لحم، وزي شهداء الاسكندرية، البلد فيها روح حلوة اوي، فيه ناس عمرها ماعترفت، وبقالها كتير ماجتش الكنيسة، طول عمرنا بيجي السيد النائب والسيد عضو المجلس المحلي وبعض ممثلي الاحزاب السياسية، وأحضان وقبلات أصبحت روتينية، ونحن لا نشكك في حبهم، لكن اول مرة أري سيدة مسلمة تحمل صليباً مع المصحف-هنا وقفت ست سبعينية، الحاجة فاطمة- القاعة كلها بدأت في التصفيق، حسيت بمشاعر الريبة والشك بتختفي، كأنها مياه بتتسحب، هنا ماقدرتش احبس دموعي، بكيت، بكيت من التأثر، كل دمعة حسيت انها بتمسح دموع الألم اللي منعتني انام او اذاكر بالشكل المطلوب في اسبوع كامل كان المفروض انه مخصص للمراجعة قبل الامتحانات، وبعدها قال أسامينا(ماريان قالتهالهم، في اللحظة ديه اكتشفت ان الصف الاول كان متفضي لينا زي كبار الزوار)، وحضر أيضاً احمد عزت القمحاوي ونادين أبو شادي وعزة مُغازي وكمال وماريان ناجي، وشكل ماريان كده مسيحية(مش عارف ليه الناس طول اليوم فاكرة ماريان مسلمة، بالرغم من اسمها الا انه ماكنش متأكد، واتفتشت عالباب، وواحنا خارجين قالولها شكراً علي زيارتك) بدأ حد من الكنيسة يصورنا، والناس صقفت لينا، بس انا ماكنتش حاسس بذرة غرور، او احساس كاذب بالبطولة، انا كنت حاسس بروح مصر اللي سمعت عنها بس عمري ماحسيتها، حسيت ان التصقيف لمصر كلها، الروح ديه حسيتها لما عرفت ان بعض اصدقائي اللي عمرهم مانزلوا مظاهرة، او حضروا قداس العيد مع اصدقائهم، عرفت انهم حضروا، زي احمد عامر مثلاً.

هاني عادة مابيروحش الكنيسة بس راح عشان يدخلنا ويبقي معانا، هو كمان كان عنده امتحانات، الروح اللي كانت هناك ماحستهاش قبل كده مع اني بانزل مظاهرات من 10 سنين، من يوم مادخل شارون الحرم الابراهيمي، انا دلوقتي عندي عشرين سنة، انا حسيت باحساس ماعتقدش حد حسه من وقت اخر حرب دخلناها، حسيت كأني في خطاب لعبد الناصر-سيبك من اختلافي مع عبد الناصر- مش في عظة في مكان عبادة لدين انا مش مؤمن بكل اللي فيه(اختلافات اللاهوت)، يعني اعتقد ان عادة لما حد بيبقي في دار عبادة لديانة غير ديانته بيبقي في احساس تاني غير اللي انا حسيته.. كل ابتسامة، كل سلام، والراجل اللي صعبت عليه عشان كنا مزنوقين وواقفين طول الصلاة وقاللي ارتاح مش لازم تقف، والكلام اللي قاله القس عن مصر وعن الجو اللي موجود بعد العملية الارهابية، والحاجة فاطمة اللي كانت عجوزة اوي وفضلت واقفة لوقت طويل من الصلاة.

الايقونات فن جميل جداً، فكرت في اد ايه حد ممكن يبقي مؤمن بحاجة، ومايتعبش من رسم قضيته، الايقونات كلها مخالفة لرؤية ديني عن حاجات كتير، بس لما تبصلها هاتحس بسلام.. فكرت في المصريين، اد ايه شعب متدين، رسومات معابد الالهة المختلفة، من وقت الفراعنة، والكنايسة، وبعد الاسلام الخط العربي، حاجة مرهقة وخطيرة انك تقف علي سلم لحد قبة المسجد او الكنيسة عشان تكتب اسماء الله الحسني وايات قرآنية، او ترسم المسيح في ايقونة، وانك مع الخطورة والتعب ده تقدر تطلع حاجة جميلة كده

طلعنا برة بعد مالصلاة خلصت،بولا وماريان كانوا عاوزين يطلعوا عشان الزحمة، بس المسلمين مننا كنا عاوزين نكمل الصلاة للاخر، الطقوس كانت مبهرة بالنسبة ليّ، حاجات كتير من اللي اتقالت عن المسيح والخير والشر كنت مختلف معاها بحكم ديني، بس كنت متفّهمها، مش بس كده، انا كنت منبهر، من طقوس مصرية في اقدم كنيسة في العالم، الكنيسة القبطية، ماكنتش فاهم اللغة القبطية، بس كنت حاسس بسلام وطمأنينة، وروح ايجابية في المكان زي اللي باحسها في المسجد، كلنا بنعبد خالق الكون، صحيح مختلفين في نظرتنا ليه، بس متفقين علي قيّم الحب والخير والجمال والاخاء، كلنا ولاد ادم وحواء زي ماقال الكاهن

لما طلعنا اكتشفت ان هاني كان في كنيسة غير كنيسته، سألته، فقاللي انا كنيستي عند جامع تاني، في إشارة لعمارة اتحولت لمسجد، مأذنة متخللة كل بلكونات العمارة ال4 ادوار، ومكرفون موجه للكنيسة، زي ماقال هاني (اكيد شايف انه بيهدي الكفار اللي جوا)، انا ابتسمت لهاني وقتها، بس تخيّلت الألم، تخيّل ان كل مكان عبادة لدينك حد يجي يبني جنبه مكان عبادة لدينه ويقولك الوحدة الوطنية

انا دلوقتي حاسس بروح ايجابية، اتطمنت علي مصر، مابقتش ارد بعصبية عالناس، رديت من غير ما انفعل علي حد معلّق عند ماريان علي الستاتوس بتاعتها عن اليوم، لما قاللها بعتي مسيحك وكنيستك بكام

وعاوز كل واحد بيستفز اخوه في الوطن انه يفكر كويس اوي، قبل مايحوّل عمارته لمسجد قدام كنيسة قديمة جداً، قبل مايجبر اللي راكب معاه انه يسمع تعاليم دينه، انا جربت الشعور مرة واحدة لما ركبت مع سواق تاكسي مسيحي وكان مشغّل شريط عن المسيحية، وقتها سكتت، كنت مكسوف اقوله زي مابقول للمسلمين اللي بيعملوا كده، وفهمت شعور كل مسيحي حد بيستفزه في الشارع والشغل وقدام الكنيسة، الارهاب بيستغل الطائفية عشان يولعّها، الهدف مش 21 شهيد وفوق ال90 جريح، الهدف اشعال الفتنة، اللي جدورها انا وانت والشيخ والقسيس والاعلامي والظابط والمدرس، كلنا بنزرعها

http://www.facebook.com/?sk=messages&ref=mb#!/pages/mana-dd-altjart-baldyn/187034484642393

مصر التَلَت تُحرُف الساكنة اللي شاحنة ضجيج

2011-01-05T12:27:00.000-08:00

عشان شهداء مصر، عشان تعيش مصر، مش هانستسلم للإرهاب وهانحضر قداس عيد الميلاد يوم 6 يناير في اقرب كنيسة، انا هاحضر القداس في كنيسة العدرا في شبرا

الإنتهازي

2010-12-18T12:21:00.000-08:00

http://sm-palindrome.deviantart.com/

وقف ينظر من الشرفة، يتابع ابنه الذي تركه ليلعب في الشارع، لطالما كانت أفكاره دائماً غريبة، فهو مشترك في أحد أكبر الأندية في بلده، وكان وقته يسمح له لأخذ ابنه ليلعب هناك، ولكنه فضّل أن يتركه هناك ليلعب مع من هم أفقر منه، لتلامس أصابعه الرقيقة مياه المجارير، ففي مثل هذا البلد، لا فرق بين منطقة غنية او فقيرة، علي الجميع الشرب والاستحمام والعوم في مياه المجارير، هنا يتلخص جوهر العدالة الاجتماعية.

المشهد ذكّره بطفولته، وبصديقه الأقرب، لا عن اختيار، ولكنه كان صديقه الأقرب علي أي حال، الأيام اضطرته لمصادقته، فصاحبنا مضتهد بين زملائه في المدرسة، والناد، يقضي وقته في القراءة، كان يقرأ ما يتجاوز عمره بكثير، لاثبات انه أذكي من الجميع، ليس لديه أصدقاء، باستثناء "نادر"، والذي كان فعلاً من نوع نادر، فقد أوهمه لعدة سنوات بأن والده "باشا"-لم يكن لقب رجل أعمال قد استحدث بعد، او ربما كانت معلوماته متأخرة بعض الشيء لأنها مستمدة من أفلام الأربعينات التي تعرض في التلفاز- حتي أخذه ليتعرف عليه بعد عدة سنوات تحت الضغط، فوجده جالساً علي دكة أمام أحد الكتل الأسمنتية، مرتدياً جلباباً مرقّعاً.

-قلت لي باشا، هاه؟

-هو باشا، ولكنه عصامي، فخور بأصله

مرت السنون، كبرا معاً، كان صاحبنا مضطراً لهذا، في حين أن نادر كان مستفيداً، فهو يزوره في بيته ليلعب بألعابه، يلتقط بعض الكلمات الإنكليزية منه ليعيدها علي أصدقائه، ومع الوقت بدأ يتلصص عليه ليتعرف علي صديقاته، فنادر لم يكن يعرف سوي قريباته، كن فقيرات قذرات، أما صديقات صاحبنا فكن نظيفات، يفوح منهن رائحة ذكية عرف بعدها انها لل"شامبو" الذي يشاهد اعلاناته في التلفاز، كان يجلد عميرة أثناء مشاهدة صورهن علي الحاسوب، والذي اشتراه بعد ان جمع ثمنه من اصدقائه واقاربه.

أراد أن يطوّر من اسلوبه، فبداً في تعلم القليل من المهارات المختلفة من أصدقائه، بعض من أسرار مهنة تصفيف الشعر، فتدليك، ف"ترزي"، وهكذا، ولكنه كان يضخّم قدراته بألقاب لا يستحقها، فهو متخصص تجميل مرة، طبيب علاج طبيعي، ومصمم أزياء، وعن طريق العمل في تلك المهن استطاع التعرف الي أجمل-وأحياناً أشهر- النساء في بلده، بدأ يستخدم خدعه للوصول الي ما هو تحت الملابس، مع الوقت أوصله ذلك لمرتبة أدني من التواصل مع الذات، فمن الوجدان، الي الجسد، والجسد فقط، وهذا دفعه للبحث بشراهة اكثر عن فتيات أجمل، اجتماعية مفرطة دافعها الوحيد هو الشهوة، لم يستمع لنصائح صاحبنا بالاستقرار والبحث عن الحب وجعل الشهوة شيء ثانوي.

المشكلة الأساسية كانت في ان حتي ملكة جمال الكون كانت أقبح عنده من صديقات صاحبنا، فدخل الي حياته مجدداً بعد أن نسيه، أو أنسته اياه روائح الفتيات وأطعام الخمور، بدأ يفسد عليه علاقاته، كان يضغط عليه بما بينهما ليعرّفه اليهن

-طب عشان العشرة

كان يرد بدبلوماسية، بلا موافقة أو رفض، يحاول أن يصدق ادعائه بانه يحبها، أو علي الأقل مهتم بها، لكنه لم يسمح لنفسه بتسليمهن للمجهول، لم يعطه مفاتيحهن، لم يدعه يعرف كيف يتسلل اليهن، حاول أن يحذرهن عبر كلام عام عما حدث للشباب في ظل كلاً من الدين الشكلي والانترنت، مع الوقت أصبح كلامه أكثر مباشرة، كان ضميره يؤنبه، فهو لا يود أن يخسر صديق طفولته، ولكنه لا يود ان يخسر احترامه لنفسه أيضاً.

كان صاحبنا يراقب نادر وهو يتملق للفتيات ب"كليشيهات" من أفلام رشّحها له، كيف يغازل صديقاته، وبفظاظة، علي الرغم من انه مرتبط بأكثر من فتاة من مناطق مختلفة، يتعجّب من قدرته علي اصطيادهن، من جشعه للشهوة علي الرغم من ان الكثير من الفتيات تحبه، يعتقد انهن ساذجات، فمن المؤكد ان جميعهن يدركن انه-نادر- مجرد خلطة لابطال افلام شاهدها، أساطير حُكيت له-فلغته أضعف من أن يقرأ- وحتي هؤلاء الابطال كانوا خلطة من أبطال سابقين، الجميع مصطنع في ذلك العالم البشع.

قرر صاحبنا أن يقطع علاقته بنادر.... لكنه وبعد عشرين سنة قابله بالصدفة حين ذهب يبحث عمن يستخدمه لنقل بعض قطع الأثاث، عرفه أثناء النقل من صوته، فشكله كان قد تغيّر تماماً، لمعت أعينهم وهي تقول

لا داعي لاستدعاء ذكريات مؤلمة،.. دع اليوم يمضي.

لم يفكر نادر في الاعتذار عن كل الاحراج الذي سببه لصاحبنا، وبالفعل أكمل مهمته وهو يغني احدي الأغنيات الركيكة عن عجزه الجنسي بعد ان كان فحلاً

عبد الله النديم مدينة نصر 28-11 حوالي 1 الظهر

2010-11-28T04:26:00.000-08:00

النهاردة رحت عشان ابطل صوتي، خدت لفة حوالين لجنتي بالعربية، شفت صناديق كرتون علي عربية ربع نقل

زفة لسامح فهمي وكذا مكريفون، واحد علي تاكسي، وواحد علي عربية حمرا نص نقل، وواحد عالرصيف، فيه كمان مزامير وناس بترقص بعصيان

دخلت اللجنة، الشرطة بتتفرج من جوا علي خروقات القانون المنظم برا المدرسة، برة كان فيه من عسكري ل2 بس، جوا باب المدرسة فيه 2 عساكر ومن3-4(من ضابط لصف ضابط)

اسف علي عدم الدقة في اعداد الشرطة لأن المكان اللي هم فيه مايخلينيش افضل فيه بعد ماعرفت مكان لجنتي
الحقيقة انا سجلت اللي حصل جوا بس ماعملتش
save
في الاخر:(
بس اللي حصل جوا اللجنة كالأتي:
فيه ظابط بيسألنا علي مكان اللجنة، قلناله 22، فدلنا عليها، اللجنة في الدور الاول في المدرسة، تحت في الحوش كان فيه 3 ستات في التلاتينات او اواخر ال20، قالولي "منال ابو الحسن ان شاء الله"
قلتلهم: ديه مش انتخابات ديه كوسة انا هابطل صوتي، وطلعت، فوق كان فيه ناس كتير اوي شيك لابسين بدل و
name tags
وصورة سامح فهمي، ده فكرني بنفس الحكاية اللي حكتهالي زميلة في الجامعة و2 اصدقاء، كلهم اهلهم قيادات في شركات بترول وفي
NATA
وكلهم قالوا ان قيادات الشركات لازم يروحوا اللجان ويظهروا هناك
وعالباب كان فيه راجل صعيدي في ال50 لابس بدلة وقاللي أرشح مرشح الحزب الناصري مقعد العمال
اتناقشت معاه وقلتله ممنوع الدعاية الانتخابية، قاللي اشمعنة الوطني؟ قلتله انتوا والوطني والاخوان بتخرقوا القوانين، ديه مش انتخابات كده
دخلت اللجنة بتاعتي، ترابيزة عليها 3 أشخاص، حاولت اعرف هم بيشتغلوا ايه، ماجوبونيش، انتوا من وزارة التعليم؟
لأ انا مش من هنا!
ايوة حضرت بس كانوا بيقولوا هاينتدبوا مدرسين
لا انا مش من هنا
ساعتها حصل مشكلة عشان فيه شخص مالمسّش صباعه في الحبر كويس، كان علي ايده نقطة صغيرة اوي، رئيس اللجنة اتكلم معاه، قفشوا في بعض، وفي الاخر مشي من غير مالحبر يبقي واضح علي صباعه، نقطة صغيرة اوي
قلتله عاللي حصل من مؤيدي سامح فهمي ومنال ابو الحس ورمضان، فقاللي انا مش مسؤول غير عالكام متر اللي فيهم الصندوق
الصناديق مش فاكرها، بس صاحبي اللي كان معايا قاللي انهم كانوا مقفلين من كل الاتجاهات بس باينين من ناحية واحدة بس ازاز، انا فاكر ان كان فيه ازاز في الصناديق بس ماقدرش اأكد اذا كانت كل الصناديق ازاز ولا جزء واحد بس، كان فيه مندوبين كتير قاعدين علي كذا تختة

خدت ورقي بعد مامضيت ووريتهم بطاقتي، دخلت ورا الستارة الزرقا الصغيرة جدا، ورا الستارة مافيش حاجة تقدر تكتب عليها، فكنت انا ورا الستارة وايدي والورقة برة تقريباً، بقوا برة اكتر لما اضطريت اقعد عالأرض عشان اسند علي تختة برة الستارة، سمعت صوت بيقول:علّم علي اتنين بس:
انا:لأ انا بابطل صوتي-كتبت كتير جداً: لا للتمديد لا للتوريث معاً سنغيّر صوت باطل-
بعدين الستارة اتفتحت، لقيت رئيس اللجنة: قاللي: ابطلت صوتك؟ والله انت اجدع واحد شفته النهاردة

بره المؤيدين لسامح فهمي كانوا سخنوا اوي، كان فيه واحد بمزمار، اغنية ركيكة عن سامح فهمي، و2 بيرقصوا بعصاية علي المزمار، وكذا واحد واقفين بميكروفونات يأيدوه، ركبنا العربية وخدت لفة حوالين المدرسة، عالناصية كان فيه بنت شايلة يافطة منال أبو الحسن، لما جينا جنبها اديتنا ورقة لمنال ابو الحسن فيها وقالتلنا انتخبوا منال ابو الحسن

كان فيه كذا واحد مظهرهم بيدل انهم فقرا جدا ومالهمش في السياسة، شكلهم يدعو للقلق، لابسين تيشرتات سامح فهمي، كان واضح عليهم انهم متضايقين من اني باصور، بس الحقيقة ماشفتهمش بيتعرضوا لحد، انا حتي في الاخر كنت بدأت اظهر اني باصوّر بعد ماكنت باعمل نفسي باتكلم في التليفون، ماحدش منهم حاول ياخد مني الموبايل

المُستَنسَخ

2010-11-21T11:18:00.000-08:00

Edited by mongey

إشتاق للحب، لم يعد يتحمّل الألم بداخله، لم يعد يمتلك هذا الشعور، ماذا كان يسميه؟ آه!.. الشغف بالحياة، لم يعد يأبه بأي شيء، لا فرق عنده الآن بين الحياة والموت، بين الصحة والمرض، بين الإعجاب والشهوة!

لا يذكر بالتحديد متي بدأ يسأم من الأشياء الجميلة، من الخطوط المستقيمة التي كان يؤمن بها، كيف تركهم يفعلون هذا به؟، كيف استطاعوا أن يستنسخوا شياطينهم وايداعها به؟، ولماذا ترك هذه الشياطين تنال من روحه؟!، حتي أصبح الأقبح علي الاطلاق! كيف حوّلوه من راهب، لا يفعل شيئ سوي الحب، الأمل، والتفكير، إلي ذلك المسخ؟، هل أراد ذلك من الداخل؟، يتذكر كيف سخروا منه حين عرفوا بانه لا يعرف كيف يجلد عميرة، الأن هو قادر علي تعليم ابليس نفسه الطريقة المثلي، فعدد مرات جلده لعميرة في اليوم أكثر من عدد أكواب المياه التي يشرب.

أصبح غير قادر علي رؤية السماء، بعد أن كان يمل من التحديق فيها، أصبح يسير غاضباً، بعد أن كان يغني حتي ينعته المارون بالجنون، لم يعد قادر علي منع نفسه من النظر إلي أجساد صديقاته، لماذا يرتدين هذه الملابس علي أية حال؟، لم يقتنع قط بهراء الحرية المطلقة!، ليس في مجتماعتنا المشوهة علي الأقل، لماذا عليه أن يستمع إلي حديث فتاة عن الجنة، وكيف أنها رأت أحد الأنبياء في منامها، بينما يمكنه تأمل الإنشقاق بين نهديها؟!، عبر قميصها الشفّاف، والذي ارتدته حتي تُري العالم جمالهما، ربما لهذا علاقة بالدين في نظرها!، ربما أرادت أن تُري العالم كيف تكون العظمة الإلهية، فالإبداع في جسدها أجمل بكثير من طبيعة بلدهم الحار، لونها المائل للحمرة في ذلك الجو المُهلِك أجمل بكثير من الصحاري الصفراء الممتدة خارج المدينة، لا بأس في سماعها، لكن علي الأقل عليها ألا تحدثه عن استغرابها من تحديق الشبان بمؤخرتها، فلا يصح سؤال العطشي عن سر شربهم لماء بئر في صحراء ملتهبة، فقليلات هن من يمتلكن مثل هذه المؤخرة.

ربما عليه إنتظار حدوث احدي مصادفات الأفلام الرومانسية الساذجة له، عند إذ سيقع في الحب، فهو سيعرف حينها كل الإجابات الصحيحة، وكل الأسئلة المنطقية، ماذا لو كانت حياته هي احدي هذه الأفلام، بحيث لا يستطيع أن يري سوي عينيّ البطلة، أذنيها، ربما منحني كتفها، لكن لا شيء أكثر من ذلك، علي المخرج تدبير هذا الكادر، فهناك يقع الجمال الحقيقي، فلا نهود، ولا أرداف، فإن أمعن أي شخص التفكير سيجدها فكرة منطقية تماماً، فأرداف اللاتينيات التي يعشقها الجميع لا تختلف كثيراً عن كتل اللحم المترهل في الضواحي، جميعها مجرد جزء من آلية مشتركة للسير والإخراج، وهو ما يدعو للتفكير، لابد إذاً أننا مخلوقات ملعونة، نحن جميعاً كارثة علي هذا الكوكب!.

أين الأمل إذاً؟ هل علينا شق بطون الحوامل، حتي نطهّر العالم من كل تلك الآثام، من كل ذلك الهراء المسمي بالإنسانية؟ أم علينا أن نفقد الذاكرة؟، فلا نتذكّر كل القيّم الطفولية التي خُدّرنا بها عن حقيقة العالم حين كنا صغاراً، هل سيحب مجدداً؟

الانتخابات: الخطوة الأولي علي طريق التكويس

2010-11-13T04:54:00.001-08:00

مع بداية حملة خلّي عندك صوت، رحت من سنة تقريباً اطلّع بطاقة انتخابية، لما جه وقت استلامي للبطاقة كنت انشغلت جداً لظروف وحشة وقتها في حياتي، مافوقتش غير من اسبوعين، اول مرة رحت لقيت القسم-قسم أول مدينة نصر- ملّبش، سألت عالموظفين المسؤولين عن تسليمي البطاقة، فاتقاللي روحوا، قلت ازاي مش المفروض معادهم 3-الوقت ده الموظفين نفسهم اللي قالوا عنه- قاللي اللي حصل انهم مشيوا، فسألت عن المأمور، رد بعصبية: هاتلاقيه برة، رحت اسأل عالعميد، لقيته بيرد بعصبية وهو بيحرق سجاير بتوتر، رد ظابط جنبه كان واضح انه بيهديه: معادهم 2 ونص مش 3.

لما خرجت فهمت ليه القسم كان ملّبش، لقيت واحد واضح انه فقير جداً، سنه حوالي 20 سنة، لابس قميص كاروهات كحلي مقطّع، تحتيه فانلة قصيرة، مرفوعة بسبب كرشه زي
Winnie the Pooh
مع بنطلون ساقط، بدون هدوم داخلية، كان دافس ازازة في البنطلون من ورا، وبيصرخ: واللهِ لاطلع ميتين اهله، واللهِ لاوريه.

وقتها استغربت، لأنه كان يقصد شخص جوا القسم، ومع كده ان العساكر والامناء اللي بره كانوا بيتحايلوا عليه يمشي، خدته علي جنب، قاللي ان فيه ظابط ضربه، ولما اتخانق معاه المأمور شد معاه وشد عليه اجزاء طبنجته، كلمت راندا تشوف حد من مركز النديم، علي ماقدرنا نوصل لحد كانت امه جت، فهمتها اللي حصل، قالتلي: يستاهل يتضرب بالنار، يا بيه ده ابني الوحيد، ومتسول، بقالي اسبوعين ماشفتوش، وماحدش بيقف قصاد الحكومة، رديت بعصبية: انا مش باشحت منك، انا معطّل نفسي عن معادي وواقف بقالي نص ساعة عشان اساعد ابنك، ومشيت وسبتها وانا بالعن كل اللي زيها، وبادعي ان المرة اللي بعدهت يتضرب بالنار فعلاً، لأن هو وامه واخدين مساحة كبيرة من وادي النيل، غير منتجين، ومش مؤمنين بأحقيتهم في الحياة.

المهم، رحت السبت اللي فات، قابلت الموظف، وطلبت البطاقة، قاللي: احنا رجّعنا البطايق، اكتب اسمك في الكشف تاني وتعالي استلمها بعد اسبوع، فهمته اي جيت قبل كده ب3 شهور وكتبت اسمي في الكشف، قاللي: تعالي استلمها يوم السبت الجاي، هو انت عاوز تاخدها ليه؟- ده حقي، هاتقدمها في مكان؟ في شغلك مثلاً عاوزين بطاقة انتخابية؟
-في اشارة واضحة لاستقدام بعض المرشحين للعاملين لديهم للتصويت لهم-

النهاردة رحت استلمها، لقيت الاودة بتاعة الموظفين مقفولة، علماً بان كان فاضل ساعة ونص بس ومعاد انصرافهم يجي، استنيت 5 دقايق، وحد جه فتحها، قاللي: احنا قدمنا الكشف عشان ناخد البطايق، قالولنا مش هانديهالكوا، فانت يا اما تيجي تستلمها يوم الانتخابات الصبح، يا اما تقوللي انت ساكن فين، وانا اقولك مكان لجنتك

لا تعقيب

حد يا ناس يزؤ الناس تحب القفل ده بالعافية؟

2010-11-05T05:49:00.000-07:00

لديها ألف وخمسين سبباً للسعادة.. بنت الكئيبة

2010-10-06T12:15:00.000-07:00

نُشِرَت في وصلة بعد تغيير عنوانها، ولو انك ماتستهليش والله

حين طُلبَ مني أن أكتب شيئاً ما ل"وصلة" عن احدي المدونات التي أتابعها، كانت مدونة "اسكندرية.. اذكريني" لنسرين بسيوني هي أول ما خطر ببالي، فهي الوحيدة تقريباً التي لم أفوّت تدوينة واحدة لها منذ أن بدأت أتابعها، نسرين تحب أن تلعب مع قارئها، وأن تتلاعب بأعصاب من يعرفونها، فكل تدوينة، هي صدمة لقارئها لما تحمله من مشاعر متناقضة، حين تقرأ تشعر بالفرح والغضب، بالسلام والثورة، لا تسطيع أن تحدد في أي وقت من اليوم كُتبَت، فالتدوينة وإن كانت مُبهجة، قد تحمل شيئاً من حزن الليل، ولكنك لن تستطيع أن تخطئ الأمل في تدويناتها الحزينة، أما من يعرفونها علي المستوي الشخصي فهم يتألمون-أعتقد هذا- لما تكتب، فربما تكون تدويناتها-وبالأخص قصصها الحزينة- مؤلمة لمن قرأها دون أن يعرف نسرين لمجرد انه تخيل ان تكون القصة حقيقية، بالطبع ليس بالنسبة لنسرين لأن كل قصة مختلفة تماماً عن التي سبقتها ويستحيل أن تحصل كل هذه المأسي لشخص واحد، ولكن إن كنت تعرفها جيداً فستقرأ مواقفها من بعض الأحداث التي حدثت لها او لمن تعرفهم بين السطور، هي من أعطتنا رابط مدونتها، لا تطلب مننا أن نقرأ أجل، ولكنها تعرف اننا نفعل، ربما تحاول أن تصرخ بما يدور في رأسها، ستفاجئ من تمكن بعض الأصدقاء من فهم هذا الصراخ المشوش، الغير مفهوم لمعظم الناس لاختلاف تردد موجته عن المعتاد.

تحب نسرين أن تترك الكثير من الاحتمالات، لم أعرف بعد -بالرغم من سؤالي المتكرر- إن كان اسم مدونتها مستمد من ألبوم "أسكندرية.. أذكريني " لفرقة "الحب والسلام" أم انها مجرد صدفة؟، هل قرأت الكتاب الذي أرسلت لها؟، هل شاهدت الأفلام التي رشحت لها؟، بالطبع هذه مناسبة جيدة لأعيد طرح نفس الأسئلة حتي تجاب قبل أن تكون أكثر من أن تُتذَكَر، حبها لذلك النوع من الألعاب لا يظهر في التعاملات الشخصية فقط، بل في مدونتها أيضاً، فخليط المشاعر في كل تدوينة ينتقل إليك بدوره، ستجد في مدونتها الكثير من الأبواب المفتوحة، لدرجة انها قد تسبب لك تيار متناقض من المشاعر، الترقب، السعادة، الاستهجان، والامتنان، لم أطلب من أحد غيرها أن يكتب شيئ، فكثير مما أعرفه عنها مصدره تحليلات للاسقاطات في تدويناتها، أو أحاجيها بمعني أدق، كلما أردت أن أعرف عنها أكثر قرأت تدوينة لها، فهي لا تجيب علي الأسئلة المباشرة، بل ترسل الاجابات في غموض غريب، ربما تعتقد أن الاجابات أقيم من أن تعطي هكذا بلا عناء، عليك أن تقرأ إذا حتي تفهمها، وأن تكتب بنفس تردد وطول الموجة إذا أردت أن تُفهِِمها، فتلك التدوينات في عالم موازي لعالمنا، إن استطعت أن تحلل النصوص وتربطه بالكلمات القليلة التي نطقت بها أو ما سمعت عنها، ستفاجئ من كم الثورة، الثورة علي الأشياء التقليدية، فهي تسأم سريعاً، حتي من الفرح، تلك الثورة التي لا تظهر علي نسرين البريئة النحيلة، ليس الثورة فقط، بل والولع أيضاً، فهي تحب التفاصيل الدقيقة أكثر من أي شيء أخر، ربما تهتم بلحظة ثانوية في حدث قد يهم أي شخص أخر، وتكتب عنها فتشعرك أن العالم سينتهي، أو أن شمس السعادة ستسطع قريباً، هي" طفلة ذات طباع عصبية وقلب أخضر" كما وصفها المدون محمد المصري، أكتب عن نسرين أكثر من مدونتها، لأن المدونة في الحقيقة انعكاس لها، ولكنك إن أمعنت النظر ستكتشف أن هذا الإنعكاس أوضح من الأصل.

مدونة "اسكندرية.. اذكريني" ليست كمعظم المدونات، فيها شيئاً ما يداعب الروح، قد تجبرك علي الضحك أو تدفعك للبكاء، العلاقة العضوية بين نسرين ومدونتها، بين كتابتها وحياتها، تجعل من الضروري أن تقرأ لها حتي تعرفها أكثر، أو علي الأقل كي تعرف أن الشغف بالحياة مازال يعيش في وجدان مصرية بالرغم من كل المشاكل والهموم التي تأكل أرواحنا كمصريين.

مين ده؟

2010-10-02T14:19:00.000-07:00

هايجي اليوم اللي هانعيد فيه امجاد محمد علي وابراهيم باشا يا ولاد الوسخة

هو ياللي ديّن قال وأنا ياللي كافر عال 5

2010-10-02T13:34:00.000-07:00

في الاسماعلية من اكتر من اسبوع، رحت اجيب حاجة من سوبر ماركت صغير، او بقالة، لما دخلت لقيت ايقونة لأحد القديسيين، ابتسمت لصاحب المحل عشان مايخدش فكرة اني باتنّح في الايقونة، لأن الاسماعلية غزاها النقاب بشكل مش موجود في اي حتة تانية في مصر، والتشدد منتشر جداً جداً، خدت بالي بعدها من صورة مرشحة في مجلس الشعب، مظهرها واسمها اوحالي انها مسيحية، شكل البوستر كان زي بوسترات الحزب الوطني، سألت البائع اذا كان ده صحيح، ردّ بعصبية غريبة وتحدي، من شكله وشكل المحل ماعتقدش انه مبسوط من سياسة الحزب وكأنه عاوز يقولّي: مرشحة مسيحية مش مهم الحزب

صديق ليّ كان عاوز يشرب بيرة، انا مابشربش، بس رحت معاه عشان كان مسافر بعدها، شرب اول ازازة
ID 10%
وفتح التانية، دخل علينا اتاري، نزل امين، فتشنا، سألته عن سبب التفتيش، فرد بتحدي: عاوزنا ننفز القانون؟ بصيت لصاحبي اللي ارتكب مخالفة الشرب في الشارع، رديت بلأ عشانه، بعدها بعت صاحبي يجيبله فلوس من البيت عشان يسيبه وخد موبايله، منعني من الاتصال باي حد، فضلنا نتكلم سوا، حبيت استفزه بالكلام عن التعذيب بالذات في قسمهم اللي كان فيه جريمة قتل لمحجوز قبلها باسبوع، قطع كلامنا تليفون جاله، رنته كانت سورة من القرأن، بعدها قاللي: لازم تنصح صاحبك ان كده غلط، انتوا شباب زي الفل، حرام كده، صاحبي جه، اداله 50 جنيه، قاله ماينفعوش عشان هايتوزعوا عالاتنين الامناء اللي معايّ، وخد 100 جنيه ومشي، وقبل مايمشي أكد علي نقطة ان الخمرة حرام، وتجاهل كلامي عن التعذيب، كلمني عن الخمرة وركّز في الموضوع ونسي يحط الرشوة في جيبه، ففضل يشرح بايده عن حرمانية الخمرة وانا عينيّ مع الرشوة بتروح وتيجي

امبارح كنت باجيب حاجة من
technology mall
المكان ده اسلامي حتي النخاع، اشتريت حاجة من محل كله دقون، طالبت بالفاتورة، قالولي لا لو ماشتغلتش رجعها-تهرب من الضرائب، غالباً عشان مافيش بيت مال
المهم الحاجة ماشتغلتش، رجعتها وبدلتها، كان فيه 10 جنيه فرق بحسب البياع، وانا بادفع عند الدقن الجالسة علي المكتب، سألته تاني اذا كانت ب25 ولا 35، قاللي قول لا اله الا الله وصلّي عالنبي النهاردة الجمعة، فعملت كده، قاللي يبقي ب25، قلتله هو لو كنت طلعت مسيحي كانت هاتبقي ب35؟ قاللي لو كنت مسيحي كنت هاشوف ساعتها، قلتله حرام ده مش من الاسلام العنصرية ديه،لا اله الا الله باهرج معاك يا راجل

هو ياللي ديّن قال وأنا ياللي كافر عال 4

2010-07-20T18:38:00.000-07:00

افتكرت مرة كنت رايح الجامعة، فراكب اوتوبيس-مش عاوز اسوق عشان اعرف اقرا وفاكس اوي باص- بس، فجه راجل عامل ملتحي قعد جنبي، لما شاف كتاب الالماني قاللي انت في الجامعة الالمانية، قلتله اه، ابتسمت ابتسامة سخيفة وكملت اللي اقراه، فضل مركز معايا، وبعدين قاللي ربنا معاك، لازم تشد في المذاكرة وتستفاد من علمهم عشان تهزمهم بيه أعداء الاسلام دول، باين عليك طيب، انا باشطب في عمارة هنا، ابقي تعالي زورني بعد الجامعة كل كام يوم

كنت في وسط البلد الجمعة اللي فاتت، واضطريت أسفاً أصلي في زاوية، الفكرة اني متعود عالمساحة اللي شيخ مسجدنا بيفتي فيها، مش متعود اسمع كلام مالوش علاقة بالدين من شيخ تاني في الصلاة، المهم رحت الزاوية، وكأن مش كفاية ريحة المجاري، كمان الخطيب شاب محفلط ومظفلط وابيض ومليث كده، وكل شوية: يا رب أهلك اليهود يا رب العلمين، يا رب موّت اليهود-حاجة سيس اوي موّت ديه- يا رب العلمين، مش عارف ايه ديدان عند اليهود امييييين، بعد الصلاة نويت ادخل افهمه، من منطلق ان الاسلام مافيهوش كهنوت وان كبار الصحابة وقف قدامهم عوام وصححوا ليهم، واحد صاحبي قالّي فاكس ومش عارف ايه، المهم قلت لأ واجب عليّ وكده

بعد معاناة للوصول لأ الزاوية عبارة عن طرقة ومش مهم ديقة المهم هاتخلص صاحب العمارة من الضرايب

أنا:السلام عليكم
هو:وعليكم السلام
-انا بس عاوز انصحك ماتدعيش عاليهود، ادعي عالصهانية، حتي مش الاسرائليين، لأ! الصهاينة
-انت مسلم الأول ولا انت جاي منين؟
-ايوة انا مسلم، كنت باصلي وراك، مش من حقك تشكك في ديني
-لا يا أخي انا بس باتأكد
-حتي ربنا وصانا باهل الكتاب
-لا معلش، ربنا وصانا بالنصاري، جاري وزميلي وحبيب قلبي-ناقص يغني عم مينا بتاع زمان- هو ده اللي اوده واحبه واحترمه
-وجار الرسول اليهودي اللي كان بيرمي قدامه زبالة والرسول بيعامله كويس
-ده الرسول بقي
-ايوة بس انت شيخ وده المفروض قدوتك
-اولاً انا لسه طالب علم، ثانياً ديه اخلاق نبي، عاوزني ابقي نبي؟
-بلاش النبي، انا عاوز بس افهمك انهم مش كلهم موافقين عاللي بيحصل، فيه في اسرائيل نشطاء سلام انقذو اراضي كتير، فيه مؤرخين جدد فادوا القضية الفلسطينية اكتر من مئات المفكرين والمؤرخين العرب، عندك نوم تشومسكي اللي ممنوع يدخل اسرائيل او الضفة، حركات الحاخامات المعادية للصهيونية في العالم كله
-كل ده خطة عشان تقول فيه منهم الكويس ومنهم الوحش، والله يا اخي.. والله.. كلهم بيكرهونا، وهايجي اليوم اللي هانبيدهم فيه
-طيب وراشيل كوري اللي ضحت بحياتها علشان بيت عيلة فلسطينية؟
-برضو خطة
-هاتضحي بحياتها عشان الخطة؟
-يا اما بقي أسلمت في السر خوفاً علي نفسها منهم، عارف، برضو تبع الخطة كل الممثلين في العالم الاسلامي، دايماً بيطلعوا البطل قليل الادب وبيشرب سجاير
-هو اللي بيشرب سجاير قليل الادب؟
-طبعاً
-انا باشرب سجاير
-ايييه، همممم
-المؤمن ليس بسبّاب ولا لعّان
-لا ماقصدش.. قليل الادب مع نفسك، هذا ليس بعضوك، والله هو ليس بعضوك
(في الوقت ده حسيت انه بيكلمني عن عضوي الذكري)
-عاوز رقمك طيب عشان شكلك متأخر وانا كمان
-ليه؟
-عشان اتناقش معاك
-مالوش لزوم، انت بس دوّر عالكتّاب اللي قلتلك عليهم
-ليه بس يا اخي، انت شكلك طيب-الكلمة ديه بتضايقني جداً- وانا عاوز اتناقش معاك
-بس انا عندي امتحانات في الصيف
-وانا كمان، مش مشكلة هاجيلك
وهنا فضل لازق لحد ماتقريباً طلعت اجري

سواق تاكسي مسخرة في اسكندرية برضو الكلام جه عن اليهود، فقالك ايه بقي:
-يا بيه والله عالم وسخة، عارف انت زمان كان عابر السبيل لازم تبيته وتأكله وتوجّب معاه، فكان فيه عابر سبيل يهودي عدّي علي سدنا ابراهيم
-التوراة نزلت علي موسي بعد ابراهيم عليهما السلام بقرون
-بلاش ديه، كان فيه راجل يهودي قابل سيدنا عمر رضي الله عنه، مثلاً زينا كده، قابله عند المحطة الجديدة وقاله انت رايح نادي سموحة يا عمر؟ قاله اه.. ولله المثل الاعلي-امريكا بتستهبل يا فوزية، قال سيدنا عمر قابل اليهودي وراحوا نادي سموحة- المهم بعد ماوصلوا سيدنا عمر قاله بس انت مش يهودي، قال له ليه؟ قال علشان عندكوا في التوراة فيه اية بتقول" ما اجتمع مسلم ويهودي الا وقتله" وانت ماقتلتنيش، قاله انا ماقدرش اقتلك ولا 10 من قبيلتي يقدروا، بس انا كنت ماشي وراك بخطوة بخرم في خيالك بالسيف بتاعي

ده بقي التاريخ عنده جامد، يعني شوف فرق كام الف سنة بين التوراة والقرأن علشان يبقي فيها الكلام ده، ويهودي قابل سيدنا ابراهيم في العراق، يعني قبل حتي مايخلّف اسحق-عليهما السلام- ابو اليهود

فوران

2010-06-30T16:25:00.000-07:00

http://disengagedxdreams.deviantart.com/

كانت دائماً تحب أن يُعجَب بها الناس، بالرغم من الفقر وضعف التعليم وتدني المستوي الإجتماعي ، لم تكن تملك ما يدفع رجلاً للإعجاب بها، في الطفولة كانت تبتسم لأطفال الأغنياء في الحافلات المكيفة بالتقاطع الذي تعبره في الطريق الطويل بين منزلها القذر ومدرستها المتهالكة، ولكنهم كانوا ينظرون إليها بشيء من التعالي والازدراء، كانت سهام النظرات تشوه روحها يوماً بعد يوم، فترجع إلي بيتها محبطة، وهو ما كان يشوه أرواح عائلتها بدوره.

أدركت مع الوقت استحالة أن تشبه "بنات الناس"، فهي بالنسة للمجتمع كيان مجهول، يراه من بعيد، ، هي حالة ما، فلم يحاول أحدهم يوماً أن يدرس أو يحل مشاكلها، هي هكذا وستظل هكذا، وكأنها كائن فضائي، لن تستطيع مداعبة أهلها بدلع الفرنسية، أو أن تعبّر عن سخطها بحزم الانكليزية، الأحزية بالنسبة لها كلها واحد، لن تعرف الفرق بين "الجلادياتور" و"البالورينا"، هي غير راضية عن أشكال الذكور الفقراء مثلها، وهم المتاحون للحب، ولن تتمكن من حب الصبية المهندمين، وهو ما انعكس علي جسدها مع بلوغها، فهي لم تتلق إعجابًا يوماً لجمالها، بل لفوران جسدها، الذي لم يشبه يوماً أجساد ممثلات فترة الأبيض والأسود، القابل للحب، وجوههن الجاذبة للقبل، بل أجساد راقصات السبعينات اللاتي تحولن لتمثيل أدوار العاهرات، أدوار نصف حوارها كان تأوه وإيحاءات بذيئة.

حبها للفت الأنظار جعلها تفكر في التمثيل، ففي تلك الحقبة لم تكن الموهبة مطلوبة، بل حجم ثدييها، وقدرتها علي افتعال الاثارة، التمثيل سيوفّر لها الاهتمام الذي افتقرت له طوال عمرها، مع عذر للاثارة الرخيصة، عذر لن يقتنع به أحد، لا هي ولا جمهور جسدها العطش للجنس، تسللت الي الوسط عبر غرف النوم، صعدت السلم علي ركبتيها كما في الوضع الكلابي، ظنت انها بدخولها الي هذا الوسط ستتعرف الي من كانوا ينظرون اليها بتعالي من حافلات المدارس المكيفة، مع الوقت اكتشفت ان الوسط مليء بأمثالها، وأن ابناء الأغنياء تغيروا، لم يعودوا يستمعون الي الموسيقي الكلاسيكية، لم يعودوا يشاهدون السينما الايطالية، تركوا المسارح، لم تتغير أذواقهم، بل تغيروا هم أنفسهم، اكتشفت ان من ينظرون الي مؤخرتها بكثير من الشهوة، من يصطنعون نظرات التأفف-ولكن هذه المرة من أسفل المسرح لا الحافلة- هم أنفسهم من كانت لا ترضي عليهم من صبية الحي الفقير، شقوا طريقهم الي أعلي السلم عبر طرق أخري، ولكن بنفس المنطق الجشع المتسرع الفارغ من المعني، اكتشفت انها وبكل ما تملك من اموال، لا تزال تعيش في نفس البيئة العفنة، وأنه كان عليها أن تتجاهل بعض النظرات غير المقصودة من بضعة أطفال، وأن تعتمد علي شيء أخر غير مؤخرتها، فالأرداف لا تري.

1

شاذ... ولكن

2010-06-18T04:42:00.000-07:00

perselus.

وُلد هكذا، لم يعرف أبداً لمَ يسخر منه الناس، ما العيب في الرقة؟، هل يجب أن يكون فظًا حتي يعتبرونه رجلاً ؟! علي كلٍ هم لا يزالون أطفالاً، ما العيب في نفوره من البنات؟ كانت هذه هي الأسئلة التي تدور في عقله أيام الطفولة، شكوكه أشعرته بالغربة بين زملائه، دائماً ما كان يجلس وحيداً في الفصل، لا يلعب في الاستراحة، يأكل ما معه من طعام في صمت بعد أن ينزوي في أحد أركان المدرسة الحزينة، يعود إلي البيت باكياً، ويفكر لساعات في غرفته المظلمة، تطورت الأسئلة أيام المراهقة لتكون: لماذا يحلو لأقرنائه مناداته بـ"الملوي"، لماذا يسخرون من جلسته الخجول، هلي يجب عليه أن يجلس مباعداً بين ساقيه بفظاظة حتي يُعتَبر رجل؟ استمرت الأسئلة بلا أجوبة، ظلت هكذا تأكل في مخه.

لم يكن يفهم لمَاذا لم يحب فتاة، بل وتغاضي عن فهم انجذابه لبعض أصدقائه، حاول أن يتناساه، فهو شيء غريب، صحيح انه لم يسمع أحداً يتكلم عن شيء كهذا من قبل، ولكن هذا يؤكد انه شيء غريب، من المرجح أنه عيب، ظل هكذا حتي وصل إلي مرحلة البلوغ، لم يحلم بفتيات كأصدقائه، بل حلم برجال، استيقظ مفزوعاً من نومه، استغفر ربه، تذكر قصص قوم لوط في حصة الدين في المدرسة، انغلق علي نفسه لعدة ايام، كاد أن يصاب بالجنون، حاول أن يتكلم مع أهله في الموضوع، ولكنهم قابلوا محاولته بالاستغراب والفزع، أخذ يفكر، لماذا خلقه الله هكذا، لم يختر هذا، لم يتحرش به أحد في الطفولة، وهو ليس مريضًا نفسيًا كما يتهم البعض كل الشواذ، هو لم يختر أن يكون غريباً، لم يختر أن يكون شاذاً عن الجميع، ما أثر فيه هو استهجان أهله لما به، وهم أقرب الناس إليه، يحتقرونه! تسائل عما تبقي له في هذه الحياة، وفكر في الإنتحار.

لم يثنه عن هذه الفكرة سوي أنه أحب صديقه المقرب، كان فَرِح بهذه المشاعر لدرجة انه فشل في النوم لأيام، ومع ذلك خاف أن يبوح له، وبعد تردد طويل تحدث معه عن احساسه، ولكن صديقه لم يرفض فقط مبادلته المشاعر، ولكنه ثار، بل وفضحه في المدرسة وبين جميع أصدقائهم!، تعرض لمضايقات كثيرة، وفي أحد الايام تجمع كل فتية المدرسة وأوسعوه ضرباً، نجي من الموت بأعجوبة بعد أن تدخل بعض المدرسين، ليس خوفاً عليه بل علي أنفسهم إذا ما قُتِل داخل المدرسة!

دخل إلي الانترنت بعد أن أفاق من الصدمة، تعرف إلي شاب من الخليج، اتفقا أن يتقابلان في المطار بعد اسبوع ويسافران منه الي الاسكندرية ليقضيا اسبوعًا من المتعة يفرغان فيه كل كبت المجتمع واحتقاره لهما، ترك بيت العائلة ليسافر مع عشيقه إلي جنة تخيلها، ينتقم فيها من المجتمع بكسر كل قوانينه، فهو سيصرف بترودولارات بلا عدد، سيهرب من كل الضغوط، سيلوّح بالوسطي للتقاليد، وسيستمتع، قضيا معاً الأسبوع، ثم تركه ليرافق شاباً اخر، وهكذا حولّه المجتمع من شاذ بالفطرة الي بائع هوي، وأكل النظام روحه.

بي اس: مستوحي من الشاب اللي كان بيحكها فيّ وانا رايح حفلة منير في اسكندرية

Helen of Washington

2010-06-09T01:52:00.000-07:00

Helen Thomas... "a blend of journalism and acupuncture"... puncture the fuck out of them!!!

حنين

2010-05-28T10:24:00.000-07:00

تصويري

وقف في وسط الشارع الهادئ يبحث عن عملاته المعدنية التي سقطت منه، ولكنه لم يستطع الوصول إليها بسبب كل الشقوق التي تملأ الطريق، حاول أكثر من مرة أن يصل إلي عملاته لكن بلا جدوي، اكتشف أن الشقوق في جسم الوطن لا الطريق، تبتلع ليس فقط ثروة أبنائه، ولكنها تبتلعهم هم أنفسهم، فأخذ يركض حتي وصل إلي أحد البلدان الملساء، رحبوا به هناك، فهم يحتاجونه تماماً كما يحتاجهم، ولكن مع الوقت اكتشف ان الشقوق قد انتقلت إلي قلبه ببعده عن وطنه، أدرك أن ليس كل بلد وطن، فآثر الرجوع، فضّل أن يبتلعه الوطن علي أن يبتلع هو نفسه، فرائحة روحه العفنة في المنفي أقبح بكثير من رائحة المجاري المتسربة إلي الشقوق في جسد الوطن.

Katie Melua - 9 Million Bicycles

2010-05-25T03:15:00.000-07:00

Katie Melua, the ultimate woman, and after her... women wouldn't matter

2010-05-22T00:26:00.002-07:00

أشعر أنني كالخارجة لتوها من تجربة اغتصاب أليمة

:( + :)

2010-05-19T13:17:00.000-07:00

انا صحيح متدايق منك اوي، وزعلان منك، وشايل منك شيل السنين، وعارف انك احتمال كبير ماتقريش ده -وده جزء من ندالتك- بس فرحانلك برضو، عاوز اخوات حلوين بقي

س سؤال

2010-05-18T04:53:00.000-07:00

سألوني عن سبب احترامي لكفاح سيئات السمعة لإسعاد البشرية، ببساطة لأن حسنات السمعة بينكدوا علي دين ام البشرية، عاش كفاح الطبقة الفاجرة، وتباً لبنات الناس الكويسين

حكم الاسبوع

2010-05-16T07:41:00.000-07:00

الصدفة ساعات بتبين حاجات كتير اوي، يعني مثلاً تطلع صديق(ة) من حياتك عشان سوء تفاهم-بتفهم بعد فترة، يمكن الفترة ديه تبقي قصيرة اوي، 3 دقايق مثلاً، او مسافة كام متر بينك وبين موبايلك-، بس لما بتلاقي انه مش باقي عليك بتحمد ربنا، يعني لما تذهب غير مأسوفاً عليك، يبقي احسن حاجة في الدنيا هي الصدفة، الصدف كانت كتير اوي الاسبوعين اللي فاتوا دول، بس كده أحسن، لو انت مش مهم عند الناس المهمين حواليك، يبقي مش لازم يفضلوا حواليك أصلاً

حط مشاكلك كلها في جيبك اللي ورا واقعد عليها

الضغوط كلها بتعدي، مش هاتفتكر الضغوط، بس هاتفتكر مين كان معاك، مين كان ضدك، ومين طلع يجري

هلوسة واقعية 2

2010-05-14T17:58:00.000-07:00

ساعات باحس اني تعبان من كتر التفكير، أكيد الحيوانات مخلوقات أسعد من الإنسان بكتير عشان مش بيفكروا، وأكيد الجماد أسعد لأنه مش بيفكر ومش بيحس، عدم الشعور نفسه سعادة، عالاقل انا فاكر انه سعيد عشان باحقد عليه، او يمكن فرحان له، عدم الوجود هو أحسن وضع ممكن يتعاش

لما تبقي زعلان من حد أوي ممكن تسامحه، او تنساه، او تاخد حقك، بس لما تبقي زعلان من نفسك، ممكن تعمل ايه؟

الحياة بقت أسرع وأعقد من ان اي حد يهتم بمشاكل أي حد، مع احباط وضغط وقهر مالي الجو، ماحدش هايهتم بمشاكلك حتي لو كان قريبك، صاحبك، حبيبتك حتي، علشان كده حاول تريّح دماغك ودماغ اللي حواليك وماتحكيش لحد حاجة، الحياة اقصر من انك تسمع حد بيقولك معلش الحياة هاتتحسن من غير مايبقي مهتم

الدنيا بقت معقدة لدرجة انك بتحس ان مافيش اي حاجة ليها علاقة باي حاجة تانية، بس في الحقيقة كل حاجة بتحصل في اي مكان في العالم بتأثر علي بقية الحياة، احنا بس اللي مش فاهمين

فكرة الإاردة ديه فكرة سخيفة اوي، مش بتعتمد علي الشخص، كلنا نتاج مجتمعنا، حتي لما بنتحداه، فالكره اللي بيولّد التحدي ده نتيجة ان المجتمع جه يعلمنا وكان قاسي

لما بتبقي صغير.. بالتالي مافيش ضغوط بتُمارس عليك، ولا مسؤليات، بتبقي نضيف اوي، لانك بتقدر تلتزم بكل حاجة انت مؤمن بيها، وبما اننا صعب اوي مانكبرش، ليه مانلغيش كل قوانين المجتمع؟؟ كل حاجة بتحكم العالم، بحيث اننا مهما عملنا مانبقاش خالفنا اي قانون، ولا حتي ضمائرنا

الإنسان في سعي مستمر للبحث عن الشهوات، أكل، فلوس، لبس، جنس، حتي لما بيدوّر علي متع أحلي، حاجات روحانية، فهو بيدوّر عليها بطريقة مادية، المشكلة ان المتع ديه بتعلّي مستواك في السعادة عالمدي القصير، بس عالمدي الطويل بتقللها اكتر ماكانت

ايه الهدف من الحياة؟؟ لو عمرك ماهتعرف تثبت أي حقيقة، حياتنا كلها قايمة علي الاحتمال

حياة البني أدم حمّام كبير، فيه ناس بتدخل تحسن مظهرها في مرايتك، ناس بتدخل تتخلص من قذارتها فيك، وبتفضل معاك انت، بس عمر ما حد بيكمل معاك العمر

المرأة مخلوق أقرب للثعبان من ضلع الرجل

الراجل مننا بيشتغل وبيذاكر وبيجيب فلوس عشان في الاخر يظبط، ينحرف شوية، بعدين يستقر، ممكن تفهم دماغ الراجل، بيشتغل عشان يعرف بنات حلوة ويعمل دماغ، هم بقا بيعملوا كل حاجة عشان يقعدوا عالفوتيه ويحطوا رجل علي رجل وياخدوا لقب "ربة منزل" او حرم المهندس الفلاني والدكتور العلاني، ويتنّكوا علي خلق الله المعنسين، قعدة التناكة بالدنيا، وبعد ما ده بيحصل بتقول حياتي ضاعت عشانه، مابقتش باعمل حاجة غير اني بودي العيال تمرين السباحة وبذاكرلهم وباعملهم البيكاتا اللي طول عمري باسمع عنها، وهي اصلا ماكنتش بتعمل اي حاجة في حياتها قبل الجواز

عارف؟ الحياة سخيفة اوي، ياريت يبقي فيه حياة اخري وتبقي احسن من كده

Jazz is very close to making love, I guess that's why they called it saxophone

2010-05-14T05:41:00.000-07:00

كل زول بالزوجه بتاعه .. إلا انا ما عندي مره .. ليه بس كده بس كده بس؟؟؟

2010-05-11T12:03:00.000-07:00

هي

2010-05-01T11:03:00.000-07:00

by Lucern

كنت جالساً هناك، أحاول أن أدفع الملل بأن أدقق في المارات، في أجسادهن بشكل أكثر دقة، عاملاً بالمَثَل الذي لم أكن من المعجبين به: "خبي الوش"، ففي الوجه الجزء الإنساني من الروح، أما في الجسد -ففي الغالب- يكمن الجزء الحيواني منها.

كنت أعمل بالمثل بالرغم من تقززي منه لأنني مجبر علي ذلك، فالفتيات في بلدي متجهمات طوال الوقت، خائفات من أن يُفهَمن بشكل خاطئ فيؤذين، لذا فمهمتهن الأساسية تتلخص في أن يكشرن في وجه أي ذكر-وإن كان قطً-، ولكن في نفس الوقت عليهن أن يوازين بين هذا وأن يضفين بعض الإثارة لمشيتهن، لإستدراج أحد البلهاء لإنقاذهن من تلك الدوامة المقرفة.

سلوكي هذا كان يقرفني من نفسي، كلما حاولت أن أدفع الملل، أضفت التقزز من نفسي إلي الحزن، حتي جائت هي، مبتسمة!، بل وتغني!، كانت المرة الأولي في حياتي-وربما الأخيرة- التي أري فيها فتاة لا تخبئ سعادتها، فهن عادة ما يحملن نظرة تحذيرية ما، أما هي، فكانت تدعوني لأن أراقصها، هكذا في عرض الطريق، أحسست بأن الفرحة في عينيها كفيلة بأن تنتشلني من الحزن الذي يتملكني، ولكنني -وللأسف- صمت حتي مرت، وأكملت تأمل أجساد المتجهمات

بنات

2010-04-24T07:09:00.000-07:00

يا ريت الناس تقوللي فهمت ايه من الفيلم قبل ماقول انا كنت عاوز اقول ايه

!!وعاوزين خروج آمن

2010-04-18T07:29:00.000-07:00

المشوه

2010-03-30T07:59:00.000-07:00

by~Koizumi-Michiyo

كان منبوذاً، فهو الكاذب أبداً، فلا يُعقَل أن يكون قد قرأ لكل هؤلاء الكتاب في هذه السن المبكرة، ولا يعقل أنه يشاهد هذه البرامج المليئة ببائعين الكلام الذين لا يفهمهم أحد، ولا يُصدق انه قريب بشكل ما من كل هؤلاء الأعلام، هذا إلي جانب ثرثرته بكلام غير مفهوم، لم يصدقه أحد، فلا يعقل أن يمتلك أحدهم كل هذه المباديء، بالرغم من بساطتها، في هذا الزمن الذي أصبحت فيه الأخلاق نكات، والمباديء شعارات، فيما أصبح كل من الكذب والنفاق والسرقة سمات تدل علي الذكاء الإجتماعي.

حين وصل إلي دوامة البلوغ، كان الوحيد الذي لا يدخن، الوحيد الذي لا يمارس العادة السرية، الوحيد الذي لا يسرق والديه، الوحيد من بين أصدقاء الذي يبدأ التفكير في أي شيء من نقطة الدين، لم يكن الدين لديه عبادات وشعائر أقل ما يقال عنها انها تقليدية صماء، تمارس فقط للتأكيد علي استمرار مؤديها في الاعتقاد بدين العائلة، بل كان مبادئ، طريقة حياة، كان كثيراً ما يبكي أثناء الصلاة، حتي أنه نصح أصدقائه بجلد أنفسهم بعد أول مرة شاهدوا فيها فيلمً إباحياً.

مع الوقت إزداد توغله في التدين، أطلق ذقنه وحلق رأسه، ربما فعل ذلك ليحتك بمن يضطهد المتدينين، فهو لم يكن مؤمناً أبداً بأن هذه المظاهر جزء من الدين، صار مملاً بالنسبة لكثير من أصدقائه، فهو لا يكف عن الكلام عن الدين، وكيف أنهم مضطهدون في وطنهم، بل في العالم، فهم-بالنسبة له- يهود العصر، مبعثرون، يعيشون تيه الحاضر، لا بسبب العولمة، ولا التكنولجيا، وإنما بسبب البعد عن الدين، فبعد أن هُزموا عسكرياً، يحاول الآن البعض أن يصورهم كمهزومين فكرياً، ولكن هذا لن يحدث أبداً، فهو مقتنع تماماً بآرائه، فشعبه هو الشعب الوحيد الذي يستحق حكم العالم، فهم الأطهر، الأنقي، هم الأكثر ذكاءً، هم الأقوي، والأعدل، في حين أن الأخرين مغيبين، بل مضحوك عليهم، حثالة، بل أسواً، فلقد تطاولوا علي جميع المقدسات، المادية قتلتهم، "اللا نهائي الكمي" سيطر علي مخيلاتهم، بل أنه قضي عليها.

ظل هكذا حتي قابل فتاة من الشطر الأخر من العالم، ذلك الجزء الذي تسكنه الحثالة، كانا في معتقل يضم أصحاب الرأي، وكانا معلقيّن جنباً إلي جنب من أقدامهم، فكر كثيراً، وما أكثر الوقت الذي يتسع للتفكير في الماضي، تأمُل أسباب ما هو فيه، التحديق في المستقبل، توصل إلي أن ما هما فيه له سبب واحد، افتراض اليقين، فمن غير المعقول أن يكون كلاهما صحيح، بالرغم من تصور كل منهما أنه الأصح.

مع الوقت بدأ يتأملها، فهذه الحثالة أجمل بكثير من الطاهرات، بنات بلده، معهن يستطيع مقاوة الشهوة، فهن قبيحات علي أي حال، أما هي، فأشبه بإلهة إغريقية، فتاة من حلم جميل، فوجهها وجه ملائكي، جسدها يشبه ذلك الذي يتمناه الكثير من أصدقائه، حتي أنهم كانوا يحرفوا أحلامهم التي ظهرت فيها مثيلاتها ليصوروها علي أنها حقيقة، حرقته الشهوة، وهو المتدين المتيقن، فأطلقوا صراحه .

قابلها بعد عدة أيام، مارسا الجنس، فندم، واكتئب، فمن الطبيعي أن يظل متأثراً لبعض الوقت بأفكاره القديمة، لم يخرج من هذه الحالة إلا بعد أن ضاجعها ثانية، أصبح غير مكترث بما يظنه الناس به، فهم لم يصدقوه حين أقسم لهم بأنه الوحيد الذي لا يمارس العادة السرية، بدأ يدخن السجائر، بعدما بدأ أقرنائه بعقدين، ومن بعدها الحشيشة، التي لم يتركها إلي بعدما عرفته صديقته بالخمور، يشرب البيرة بدلاً من "البيبسي" مع الغداء، ينهي سهرته بزجاجة فودكا او نبيذ، ظل هكذا، حتي شعر بأنه فارغ روحياً، لم يعرف كيف وصل إلي هذه الدرجة من عدم الإكتراث بال"لا نهائي"، كيف أدمن الشهوات؟، هل بسبب الضجر من القوانين التي فرضها الدين عليه-أو التي فرضها هو علي نفسه-؟، ام بسبب تكذيبه من قبل كل من حوله؟، اكتشف انه في الطريق الخاطئ، ولكن الأوان كان قد فات، فلقد أصبح مثلهم جميعاً، مشوه، ضعيف، غير قادر علي المبادرة أو التغيير، فأكلته المنظومة.

Refrences' variety

2010-03-29T10:54:00.000-07:00

"common sense" is such a meaningless expression, ideas are based on one's background, ideology, knowledge, culture, or whatever your brain uses as a reference, that's why everybody is different, when you judge something you do that according to your cultural standards and background, both depend on religion especially in our eastern society, that is why people converting from a religion to another here are less than people doing so in the west-as they have a big diversity there, so the reference is not as fixed and rigid as here-, so it is really absurd, just another vicious circle, if we can judge fairly then the right religion or thought would have prevailed, which didn't happen, and will never do, it is a matter of relativity, it is very rare and odd that you find someone who converted just like that.

there is a mythological/ metaphysical part in religion that has nothing to do with logic, we just believe in it cuz we were born like that, for the standards or the principles, it is-or almost-the same in any religion, so logical, fair, and necessary, whether Abrahamic or not, they are only different in the way they apply these principles.

I didn't say it is our fault, neither did I say it is the religion's fault, it is just the way it is, you are the adversary and the referee, that's why trying to prove anything is absurd, that's why some questions will be unanswered till infinity, that's why there is a difference between knowledge and belief, believing in something does not make it true, if this concept prevailed, peace between different ideologies and religions will consequently do.

what is the point of life?

2010-03-18T15:50:00.000-07:00

it is a very controversial, sad question that whenever I ask myself I become gloomy, I always find a way to forget, but I remember it every now and then, today I asked myself this question, and now I am really sad, we eat, drink, make money, get high, make love, sleep, piss, but we are spiritually empty, that's because we believe, but we don't know, we imagine, but we don't see, we expect what will happen, but we do not know the future.

الغريب

2010-03-03T02:23:00.000-08:00

http://mr-twingo.deviantart.com/

لم يفهمه أحد قط، مع أن الكثيرين ادّعوا انهم فعلوا، نصحوه بخطوات لم يتخذوها لحل مشاكل لا يعرفوها، لم يكترث أحد بما يقول أو يشعر،لا من أبناء قوميته، دينه، عائلته، ولا من أصدقائه، حتي أنهم لم يحاولوا أن يتفهموه، فقط المختلفون عنه حاولوا أن يستمعوا إليه، لا بغرض مساعدته، بل لتصيّد كل ما يمكن أن يُستغَل للإضرار بالمقربين منه، ولكنه لم يهتم بكل هذه التفاصيل السخيفة، فلربما يغيّر النقض شيء ما، ولو لمرة.

مع الوقت اكتشف أن كل هذا العناء لن يوصل إلي أي شيء، فكل من حوله يعتقدون أن النقض هجوم، أن النقاش معركة، أن "الدردشة" ثرثرة لا فائدة منها، فقرر أن يغير كل شيء، يتقن لغة جديدة، يسافر إلي بلدها، يغير عقيدته، ويفقد بعض الوزن، ربما كان عليه أن يغير لونه أيضاً، من المؤكد أن هذا ممكن في ظل التقدم التكنولجي الذي أصاب الجميع بالجنون، ولكن بعد كل هذا، هل سيكون من الممكن محو ذاكرته؟! فكر للحظات.. فأدرك أن هذا مستحيل.

إذاً فهو حين يسافر إلي تلك البلاد سيكون غريباً أيضاً، نعم سيدين بديانتها، يتحدث بلغتها، ويشبه أبنائها، ولكنه سيظل يفكر بطريقة غريبة عنها، كان غريباً في بلده لأنه متفتح أكثر من اللازم نعم، ولكن هذا البلد ترك له خلفية ما، سيظل وطنه منطبعاً في ذهنه إذاً، لن يتغير الكثير، فقط سيزيد القلق لأنه بعيداً عنه، سيظل يفكر بمنطق أبناء بلده ولكن بشكل أكثر تفهماً، سيظل دائماً هكذا، غريباً أينما ذهب، وستظل كلماته كما هي، ثرثرة لا فائدة منها..تماماً كهذه الكلمات

محمود درويش-الحصار

2010-02-28T09:10:00.000-08:00

هنا، عند مُنْحَدَرات التلال، أمام الغروب وفُوَّهَة الوقت،
قُرْبَ بساتينَ مقطوعةِ الظلِ،
نفعلُ ما يفعلُ السجناءُ،
وما يفعل العاطلون عن العمل:
نُرَبِّي الأملْ

الحياة هنا تتسائل :
كيف نعيد إليها الحياة ؟

هل نسيء إلى أحد ؟
هل نسيء إلي بلد ؟،
لو أصبنا ولو من بعيد لمرة برذاذ الفرح ؟

الحصار هو الإنتظار!،
هو الإنتظار على سلمٍ مائل وسط العاصفة !

مختلفون في كل شيء
لنا هدف واحد :
أن نكون......
ومن بعده يجد الفرد متسعاً
لإختيار الهدف

مارسيل بروست:

2010-02-23T23:53:00.000-08:00

"لنترك الفتيات الجميلات لرجال دون أي مخيلة"

يا دامي العينين والشفتين...إنَ الليلَ زائلُ

2010-02-22T14:37:00.000-08:00

إلا ليلي أنا

سكر بنات

2010-02-21T11:12:00.000-08:00

بمناسبة أزمة الانابيب

2010-02-21T05:48:00.000-08:00

أزمة البوتاجاز وماتش مصر والجزائر في كرة اليد عملت 3 حاجات في رأيي:

1-الأزمة عاقبت المصريين، اللي هم نتاج 29 سنة من التجارب علي البشر لبحث امكانية تحوله لحيوان الحيزبون الأسطوري، علي سكوته علي بطئ ادخال الغاز في محافظات مصر المختلفة مع مواصلة تصدير الغاز لإسرائيل بسعر أقل من سعر الإنتاج وكمان نستوردلهم غاز من العراق وندعمه ونديهلهم

2-الأزمة عاقبت المصريين برضو علي سماحهم للاعلام بركوبهم علي طريقة الدوجي ستايل لما نقل معلومات بدون أدلة وسخّن الناس بالظبط زي ما حصل مع الشعب الجزائري، وشغلوا نفسهم بموضوع حتي لو كان صح فهو حاجة هبلة بالنسبة للي بيحصلهم يومياً في الداخل والخارج

3- الأزمة بينت ان الأزمة بين مصر والجزائر هي أزمة بين القصرين، بدليل ان ماتش نص النهائي في كرة اليد بين مصر والجزائر حضره سامح فهمي وسيد مشعل وعلاء مبارك وجمال مبارك، مش بس كده لكن كمان المعلق كان بيقول انهم فتحوا الصالة للدخول المجاني عشان الجمهور يزيد، والجزائر قلصت انتاجها وبتفشخ في الشركات المصرية اللي بتعمل في الجزائر، تقليل صادرات الغاز من عندهم، وتقليل صادرات زراعية من عندنا، والشعبين الهبل هم اللي هايدفعوا التمن

2010-02-15T14:25:00.000-08:00

I guess that the guy who invented the word "MAKEUPS" meant that while taking them, you will be "ON" something while someone will be "DOING" something to you!!!!

Who am I not to pass?

2010-02-14T08:19:00.000-08:00

"Our deepest fear is not that we are inadequate. Our deepest fear is that we are powerful beyond measure. It is our light, not our darkness that most frightens us.' We ask ourselves, Who am I to be brilliant, gorgeous, talented, fabulous? Actually, who are you not to be? You are a child of God. Your playing small does not serve the world. There's nothing enlightened about shrinking so that other people won't feel insecure around you. We are all meant to shine, as children do. We were born to make manifest the glory of God that is within us. It's not just in some of us; it's in everyone. And as we let our own light shine, we unconsciously give other people permission to do the same. As we're liberated from our own fear, our presence automatically liberates others."

Marianne Williamson

August Rush

2010-02-06T08:57:00.000-08:00

Wizard: You know what music is? God's little reminder that there's something else besides us in this universe, a harmonic connection between all living beings, every where, even the stars.

August: The music is all around us, all you have to do is listen.

Louis: You never quit on your music. No matter what happens. Cuz anytime something bad happens to you, that's the one place you can escape to and just let it go

August: But I believe in music... The way that some people believe in fairy tales.

August: I followed the music.

Arthur: Are you thinking what I'm thinking?
August: No, I'm thinking something else

هلوسة واقعية

2010-01-30T21:16:00.000-08:00

الأول كنت فاكر ان هو بس اللي عايش الحلم، لحد ماقبلت عيلته، انا اعرفهم من زمان بس ديه كانت أول مرة اشوفهم وانا في البُعد الخامس، بعدين لما نزلت واتعرفت علي بقية المصريين عرفت ان كلنا عايشين الحلم

الحلم هو مجموعة الحوارات الكتير اللي في حياتك، والأحلام اللي عندك، واللي بتغير مجري حياتك وحياة اللي حواليك من غير ماتحس، ماتقدرش تفهم حلمك او احلام اللي حواليك غير لما قيمة مكانك في البعد الخامس تتغير من صفر لأي قيمة تانية

ماينفعش تهرب أو تفوق من الحلم، حتي لما تحب تغير نفسك فانت دخلت حلم جديد

يمكن الناس شايفاه غريب-وهو كمان مستغرب نفسه- عشان حلمه أكثر عقلانية من أحلامهم

الجنون فلسفة، أو هو أكبر قيمة ممكن تاخدها في البُعد الخامس، بس الناس مش قادرة تفهم الفلسفة ديه، علشان كده بينفوا المجانين

المشاعر هي هي، ناس كتير وصلتلها، بس الكلام غير قادر علي التعبير، من هنا بتختلف الأساليب

فكرت انتحر، بس بعدين فكست لسببين، أولاً اني لسه ماعشتش الحلم كله، ثانياً اني بعد ماموت ممكن أعيش حلم جديد

الزمن هو أقوي القوي، بيقدر يغير أحلامك مع ان مافيش أي علاقة بينهم

لو ينفع نعمل جهاز يسجل أفكارنا-بالذات واحنا في البُعد الخامس- هايبقي حاجة مفيدة اوي، عشان بنبقي عاوزين نقول حاجات كتير اوي بس مش قادرين لأن اللغة زي ماقت أضعف من انها تعبّر، علشان كده بيفتكروا انك لما تاخد قيمة في البُعد الخامس بتبقي أغبي، بس ده مش صحيح لأن اللغة هي الأغبي علي الاطلاق، بتبقي ساكت بس عشان المعرفة اللي عندك أعظم من اللغة

اوقات بتفوتنا تفاصيل كتير اوي، لو الواحد مشي ووراه كاميرة سينما وصور 32 ساعة من حياته-العادية- هايعمل فيلم سينما هايل

الناس مش بتتغير، حتي لما بتكبر... بيفضلوا عايشين في الحلم، الحلم بيتطور اه، بس بتفضل عايش فيه

فيه ناس شكلها لا يوحي بأنهم عايشين أي حلم، غلابة اوي او مش عارفين حاجة، بس هو ده الحلم في حد ذاته

الزمن مر بسرعة اوي، مش عارف لو كنت "طبيعي" كنت هادرك موضوع الحلم ده ولا لأ، وهل ده كان هايأثر علي حياتي ازاي

2010-01-27T20:07:00.000-08:00

" كل الي اعرفه اني في اللحظة دي موجود"

عن فضيلة العناق

2010-01-25T10:43:00.000-08:00

في الغرب والدول المتقدمة اقتصادياً في الشرق لما حد بيبقي حاسس انه مكتئب او لما بيحصل موقف صعب صاحبه\صاحبته بيحضنه، هنا مش عارف ليه ماعندناش العادة ديه، هل مثلاً لأننا مجتمع مدعّين بيعمل كل حاجة وسخة في السر بس قدام الناس يحب يبقي "محافظ"، حتي لو افترضنا انه محافظ، ده معناه ان الاحضان ماتبقاش بين شخصين من أجناس مختلفة، بس بين الرجالة مثلاً، يعني ليه دايماً الناس بتبقي مترددة قبل ماتحضن بعض؟ ممكن حد يحضنك ماشفتهوش من زمان، بس لو انت قاعد مع حد وحصل موقف مؤثر او حاجة وحشة حصلت لحد من صحابك وجيت تحضنه هايبصلك بصة كده معناها "استرجل ياض"، يعني انا شايف ان الحضن ده عادة لازم تُعمَم بين الناس

المسخرة تتكلم

2010-01-22T07:19:00.000-08:00

وهكذا افتكس الشيخ الفزازي "الاستبداد الشعبي" بعد اكثر من قرن علي صدور كتاب "طبائع الإستبداد" للمفكر الإسلامي" عبد الرحمن الكوكبي"، مش عارف الناس ديه فين، وازاي الفيديو لسه عاليوتيوب ماتشلش، بس حبيت اشلكوا زي مانا اتشليت

فتاة سجن الأحلام

2010-01-18T14:39:00.000-08:00

كان أول يوم لي في هذا السجن بعد أن انتقلت إليه من أخر، بداية جديدة لحياتي، ككل السجون التي نزلت بها، ككل البدايات التي انتهت قبل حتي أن تبدأ، لم يكن هناك شيء مختلف، لكني كنت أعتقد ذلك، نظرت للأعلي مبتسماً لأختبر ذلك الشعور الذي يدّعيه الممثلون في الأفلام الأجنبية، كانت الشمس ساطعة أكثر من اللازم نعم، لكنها ليست ما جعلني أنزل عيني قليلاً، هي التي فعلت، أعترف بأن أول نظرة لم تكن لعينيها كمحبوباتي السابقات، فصدرها كان ملفتاً حقاً للنظر، كبير ومكتنز، ذو شكل كروي جميل، بصديريتها البنفسجية التي كانت ظاهرة من هذا البعد تحت ملابس السجن البيضاء.. في تلك الشمس القوية، لم يكن جسدها جسد فتاة، بل جسد امرأة، ولكني سرعان ما رفعت عيني لوجهها، كان هناك شيئاً مميزاً فيها، ربما الخليط بين الملامح الزنجية والبشرة الفاتحة، بعينيها الواسعتين وشفتيها الممتلئتين اللتين لا تملك سوي أن تحلم بتذوقهما يوماً ما، بخديها المتوردين، وانفها الأفطس، يقولون أن أول نظرة تعني كل شيء لأنها تعرف كل شيء، للأسف أول نظرة كانت لنهديها، لكنني أحببتها بعدما شبعت من النظر إليهما ورأيت ما في عينيها من عمق .

بدأت هي تقترب مني، ربما أدركت أنني لا أعرف كيف أتودد إلي الفتيات، لم أكن أعرف أبداً، عرفت منها انها سئمت هذا السجن، فقد جاءت إليه حين كانت طفلة، ففي مثل هذا البلد، وفي مثل ذلك السن ينتقل الأطفال لهذا النوع من السجون حيث يتحولون لكائنات مقرفة، مُصطنَعة، لا تعرف شيئاً عن أي شيء، و متناقضة إلي حد بعيد، حاولت ابهاجها بقولي لها بأنه علي الأقل أفضل من سجني القديم، فلا أحد يسخر من الأخر، وهناك فتيات بنفس عدد الفتيان بل واكثر، وهو بالتأكيد لم يقتل روحها، فابتسمت لتجاملني، ولكنني كنت أستطيع أن اري الحزن في عمق عينيها.

لا أعرف لماذا كنت أتجاهلها كلما حاولت التودد إليّ، بالرغم من اني كنت اراها الأجمل والأذكي من بين كل فتيات السجن، قليلات هن من يتمتعن بالجمال والذكاء معاً، بدأت توضّح هذا التودد حتي ان الناس كانت تنظر إليّ وهي تغمغم: ما هذا الاحمق!، ألا يعرف من هي، ألا يري هاتين الشفتين وهذين النهدين؟!.

غضبتُ كثيراً من زميلنا في الحبس الذي نصحني بالابتعاد عنها لأن سمعتها ليست بالجيدة، لم أصدقه، فقط فهمت انه أحدهم، فقد كنا محاطين بمجموعة من ضيقي الأفق، كان العالم بالنسبة لهم فتاة جميلة تُضاجَع، الذهاب إلي السينما لمشاهدة فيلم لا يحمل أي معني، ملابس جديدة، سيارة، ونغمة مسخ تشبه الفن ولا تقول أي شيء، ذكرتني بنفسي كثيراً حين جاوبت مأمور السجن بشيء من الذكاء وبدأ الجميع يسخر منها، ففي مثل هذا البلد يجب أن تخبئ ذكاءك إن أردت أن تكون محبوباً، وكلانا لم يكن يفعل .

تركنا السجن وتفرقنا علي سجون أخري، ففي النهاية يجب أن نُخلي مكاناً لجيل جديد من الأطفال الذين لا يستطيع ذووهم الإنتظار أكثر لتشويههم، فلا يصح أن يظلوا سُلامً حتي ذلك السن، قابلت أحد زملائنا القدامي، تحدثنا عن أخر صيحات التعذيب في سجنينا، استرجعنا ذكريات سجننا الجميل، هناك كنا نُعذَب، نعم، ولكن في وقت الزيارة فقط، أما بقية الأوقات فكانت مليئة بالمرح، كان السجن الوحيد الذي أينما مشيت فيه سمعت ضحكات، رأيت نظرات مختلسة، تستطيع أن تشتم الفرح في أرجاء المكان، أتي علي ذكرها قائلاً انها كانت جيدة في الفراش، فهو يعرف هذا تماماً، ككل المساجين، كنتُ أتوقع انها مارست الجنس، لكن ليس مع أي احد، ليس معه هو بالذات، فلقد كان بالكاد يعرفها.

لا أعرف لمَ لم أفكر فيها كعاهرة قط، حتي حين سمعت ما قاله، بالرغم من ندرة حديثنا ولكنني كنت أعرف عنها الكثير، ربما كانت تريد لفت الانتباه لكل ما عانته في حياتها، ولكن زملائنا في السجن لم يكترثوا، احتاجوا فقط لسد احتياجاتهم الحيوانية، فاقتربوا منها، لكن ليس كما فعلت أنا، من المؤكد ضاجعوها دون تقبيلها أو ضمها حتي، كلهم اقتربوا منها، ولكن.. لم يعرفها غيري ..فأنا لم أقترب منها قط

2010-01-03T15:41:00.000-08:00

ببساطة دي مش حرية ده وهم للحرية او حرية واهمة
الحرية مش مجرد اني اختار شئ و خلاص الحرية هي اني ابي فعلا مقتنع بقراري مش بيتهيألي اني مقتنع بقراري و اني لو قررت ارجع عن قراري ده مش هالقي المجتمع و الناس و اهلي و اصحابي كلهم اتقلبوا عليا
لو انا فعلا حر يبقي لازم عندي نفس القدرة علي العدول عن الشئ مساوية لنفس قدرتي في البقاء علي الشئ ده لاني حر
الحرية هي اني يبقي في اختيار قدامي و اني ابقي قادر اختار صح و افكر تفكير سليم عشان اعرف اختار غير كده متكونش حرية
الواحد و هو صغير مكانش حر و مكانش ينفع يبقي حر لاني لو كنت خيرت بين اني اكل حلويات طول النهار و بين اني اكل فعلا كنت هاختار الاول لاني معنديش القدرة علي اني اميز او اني اختار و في الحالة دي انا مش حر فعلا و دي مش حرية دي غباء
المجتمع بيفرض علي البعض حاجات و بيتاهيلئهم و هما بيعملوها انهم احرار في اختيارهم بس هما في الحقيقة لا
لانهم مكانش قدامهم خيارات كافية و مكانش عندهم تعقل كافي يخليهم يختاروا صح
و لانه ببساطة لو قرر انو يغير رأيه مش هيلاقي الي حواليه راضين بكده
دي مش حرية

Alexander Rybak-Fairytale

2009-12-30T15:43:00.000-08:00

Donnie Darko

2009-12-27T05:59:00.000-08:00

Ronald Fisher: Beer and pussy. That's all I need.
Sean Smith: We gotta find ourselves a Smurfette.
Ronald Fisher: Smurfette?
Sean Smith: Yeah, not some tight-ass Middlesex chick, right? Like this cute little blonde that will get down and dirty with the guys. Like Smurfette does.
Donnie : Smurfette doesn't fuck.
Sean Smith: That's bullshit. Smurfette fucks all the other Smurfs. Why do you think Papa Smurf made her? Because all the other Smurfs were getting too horny.
Ronald Fisher: No, no, no, not Vanity. I heard he was a homosexual.
Sean Smith: Okay, then, you know what? She fucks them and Vanity watches. Okay?
Ronald Fisher: What about Papa Smurf? I mean, he must get in on all the action.
Sean Smith: Yeah, what he does, he films the gang-bang, and he beats off to the tape.
Donnie: [shouts] First of all, Papa Smurf didn't create Smurfette. Gargamel did. She was sent in as Gargamel's evil spy with the intention of destroying the Smurf village. But the overwhelming goodness of the Smurf way of life transformed her. And as for the whole gang-bang scenario, it just couldn't happen. Smurfs are asexual. They don't even have... reproductive organs under those little, white pants. It's just so illogical, you know, about being a Smurf. You know, what's the point of living... if you don't have a dick?

==========================================================

Donnie: How can you do that?
Frank:I can do anything I want. And so can you.

==========================================================

Donnie: Do you want your sister to lose weight? Tell her to get off the couch, stop eating twinkies and maybe go out for field hockey. You know what? No one ever knows what they want to be when they grow up. You know it takes a little, little while to find that out, right, Jim? And you... yeah, you. Sick of some jerk shoving your head down the toilet? Well, you know what? Maybe... you should lift some weights, or uh, take a karate lesson and the next time he's tries to do it, you kick him in the balls.

==========================================================

Karen Pommeroy: It was as though this plan had been with him all his life, pondered through the seasons, now in his fifteenth year crystallized with the pain of puberty.

==========================================================

Donnie: I made a new friend today.
Dr. Lilian Thurman:Real or imaginary?
Donnie: Imaginary.

==========================================================

Frank: 28 days... 6 hours... 42 minutes... 12 seconds. That... is when the world... will end.

==========================================================

Karen Pommeroy: This could be the death of an entire way of life, the end of an era...
Donnie: Why should we care?
Karen Pommeroy: Because the rabbits are us, Donnie.
Donnie: Why should I mourn for a rabbit like he was human?
Karen Pommeroy: Are you saying that the death of one species is less tragic than another?
Donnie: Of course. The rabbit's not like us. It has no... keen look at something in the mirror, it has no history books, no photographs, no knowledge of sorrow or regret... I mean, I'm sorry, Miss Pommeroy, don't get me wrong; y'know, I like rabbits and all. They're cute and they're horny. And if you're cute and you're horny, then you're probably happy, in that you don't know who you are and why you're even alive. And you just wanna' have sex, as many times as possible, before you die... I mean, I just don't see the point in crying over a dead rabbit! Y'know, who... who never even feared death to begin with.

==========================================================

Donnie: Why do you wear that stupid bunny suit?
Frank: Why are you wearing that stupid man suit?

==========================================================

Gretchen: Donnie Darko? What the hell kind of name is that? It's like some sort of superhero or something
Donnie: What makes you think I'm not?

==========================================================

Donnie: [in a letter] Dear Roberta Sparrow, I have reached the end of your book and... there are so many things that I need to ask you. Sometimes I'm afraid of what you might tell me. Sometimes I'm afraid that you'll tell me that this is not a work of fiction. I can only hope that the answers will come to me in my sleep. I hope that when the world comes to an end, I can breathe a sigh of relief, because there will be so much to look forward to.

==========================================================

Gretchen: What if you could go back in time, and take all those hours of pain and darkness and replace them with something better?

==========================================================

Dr. Lilian Thurman: Do you feel alone right now?
Donnie: Oh, I dunno. I mean I'd like to believe I'm not but I just... I've just never seen any proof so I... I just don't debate it anymore, you know? It's like I could spend my whole life debating it over and over again, weighing the pros and cons and in the end I still wouldn't have any proof so I just... I just don't debate it anymore. It's absurd.
Dr. Lilian Thurman: The search for God is absurd?
Donnie: It is if everyone dies alone.

==========================================================

Jim Cunningham: Son... DO YOU SEE THIS? This is an Anger Prisoner. A textbook example. DO YOU SEE THE FEAR, PEOPLE? This boy is scared to death of the truth. Son, it breaks my heart to say this, but I believe you are a very troubled and confused young man. I believe you are searching for the answers in all the wrong places...
Donnie: You're right, actually. I am pretty- I'm, I'm pretty troubled and I'm, I'm pretty confused. But I... and I'm afraid. Really, really afraid. Really afraid. But I... I... I think you're the fucking Antichrist.

==========================================================

Dr. Lilian Thurman: If the sky were to suddenly open up, there would be no law, there would be no rule. There would only be you and your memories.

==========================================================

prof. Kenneth Monnitoff: And did you stop and think that maybe infants need darkness? That maybe darkness is part of their natural environment?

==========================================================

Gretchen: Some people are just born with tragedy in their blood.

==========================================================

Donnie: Life isn't that simple. I mean who cares if Ling Ling returns the wallet and keeps the money? It has nothing to do with either fear or love.
Kitty Farmer: Fear and love are the deepest of human emotions.
Donnie: Okay. But you're not listening to me. There are other things that need to be taken into account here. Like the whole spectrum of human emotion. You can't just lump everything into these two categories and then just deny everything else!

==========================================================

Dr. Lilian Thurman: Donnie, an atheist is someone who denies altogether the existence of God. You're an agnostic. An agnostic is someone who believes that there can be no proof of the existence of God, but does not deny the possibility that God exists.

==========================================================

Edward Darko: I - I know - I'm not the - best communicator, but... whatever happens to you, be honest, tell the truth, even if they do look at you funny. They will. But what you gotta understand, son, is that almost all of those people are full of shit, they're all part of this great big conspiracy: bullshit. And they're scared of people like you, because those bullshitters know that you're smarter than all of them. You know what you say to people like that? Hmm? "Fuck you!."

Shopgirl

2009-12-23T01:37:00.000-08:00

Ray Porter: Mirabelle Buttersfield moved from Vermont hoping to begin her life. And now she is stranded in the vast openness of LA. She keeps working to make connections, but the pile of near misses is starting to overwhelm her. What Mirabelle needs is an omniscient voice to illuminate and spotlight her and to inform everyone that this one has value, this one standing behind the counter in the glove department and to find her counterpart and bring him to her

===========================================================

Jermey Kraft: I'm an okay guy, by the way.

===========================================================

Mirabelle: Are you the kind of person that takes time to get to know, and then once you get to know them... they're fabulous?
Jermey Kraft: Yes, absolutely... What?

===========================================================

Mirabelle: So, I can hurt now, or hurt later.

===========================================================

Mirabelle: Are we going in?
Jermey Kraft: Go in? Oh, no. I just thought we'd look at it.
Mirabelle: So... we would just sit here, then?
Jermey Kraft: Yeah, or walk around. This place is called City Walk. It got eight out of ten in my date book. It's not called "City-Go-and-See-a-Movie". Tickets are, like, ten bucks too, so...

===========================================================

Jermey Kraft: Congratulations. You've officially gone on a date with Jeremy. Don't forget to hold the handle when you lock the door.

===========================================================

Ray Porter: As Ray Porter watches Mirabelle walk away he feels a loss. How is it possible, he thinks, to miss a woman whom he kept at a distance so that when she was gone he would not miss her. Only then does he realize that wanting part of her and not all of her had hurt them both and how he cannot justify his actions except that... well... it was life.

===========================================================

female radio personality: A woman needs to be held, even, and science has shown this, if its with someone she doesn't care about. Protective hormones are released, and the amount of hormones released depends on the degree to which she is held. The first and best is the complete surround. He wraps you in both arms, whispers how beautiful you are. Second best is the 'arm around.' He is next to you but with one arm around you. Third is he's just next to you on his elbow, but he rests his hand on your stomach and looks at you. Fourth is you snuggling up to him with your head on his chest, while he looks away into space. But when the first best happens, you feel completely, wonderfully like a woman.

it's always about the right guy!

Saved!

2009-12-13T09:58:00.000-08:00

Lillian: I keep trying to remind myself that when Jesus closes a door he opens a window.
Mary: Yeah, so we have something to jump out of.

Patrick: I like you, Mary. I do. God gave us free will

Mary: So everything that doesn't fit into some stupid idea of what you think God wants you just try to hide or fix or get rid of? It's just all too much to live up to. No one fits in one hundred percent of the time. Not even you.
Pastor Skip: I know that, Mary.
Dean: I know in my heart that Jesus still loves me.
Mary: Why would God make us all so different if he wanted us to be the same?

Mary: [after giving birth] Okay, I'm pretty sure this isn't what Jesus had in mind when he said, "Help Dean." Look, don't be too harsh. I'm not the first person to ever get the message screwed up. Looking at her, it's like life is too amazing to be this random and meaningless consequence of the universe. There had to be a God... or something out there.

p.s:Just to make things clear here, this talks about the lives-and the logic- of some conservatives in "the Bible belt", I don't think it is against Christianity in any way.

2009-12-07T11:13:00.000-08:00

To women, men are just pleasure toys, just like Dildos

لقاء

2009-11-30T08:48:00.000-08:00

صعدتُ إلي الحافلة، وبعد عدة محطات صعدت أجمل فتاة رأيتها في حياتي، جلست بجانبي...فتحولت إلي شخص مألوف، صديق قديم لا أتذكره، فقط الوجه مألوف، بدأ يحدثني عن أشياء عدة لا تعني لي شيئاً، أنصتُ بأدب لا أبديه إلا تجاه الغرباء، بدا الجالس أمامنا وكأنه يسترق السمع، فنظرتُ إليه وبدأت أتكلم مع صديقي عن الانحدار في مستوي الناس، وكيف لم يعد هناك من يُعني بشأنه الخاص، نزلنا في المحطة نفسها، لم تكن محطتي ولا محطته، بدأ يتكلم عن انتقاله حديثاً إلي جامعتي من الجامعة التي فُصل منها، فسألته عن السبب فذهب وعاد قبل أن تطرف عيناي بورقة مليئة باعتدائات بالسباب والضرب علي معلميه، لقد فعل ما كنت دوماً أتمناه، أشار بالوسطي للعالم، بأناسه الفضوليين وقوانينه السخيفة. ارتعبت منه...لا أعرف لماذا بالرغم من أنه كان كتوأمي القوي الذي لا يكترث، أخذتُ الورقة وركضت بنفس السرعة الغريبة، احتفظت بنسخة وأعدتها إليه، وحين عدت إلي المنزل أخذت أقرأ واتخيل ما كانت ستؤول إليه الأمور لو لكمت ذلك القوي الذي كان يركلني يومياً، أو ضربت تلك التي كانت تستغل نفوذها في المدرسة كابنة معلمة لمضايقتي، لو وصفت لتلك شعوري نحوها غير مكترث بردة فعلها، أو أوضحت لهذه كيف أني أعرف حقيقتها وبأن تمضية كل أيام السنة في ادعاء الشرف والعفة والبله لن يغيّر الحقيقة. ماذا لو قلت لصديقي الهامم بالإنتحار بأنني أفكر مثله تماماً في ماهية الحياة والهدف من ورائها بدلاً من خداعه بأغنية من لويس أرمسترونج او محمد منير عن جمال الدنيا، لو اني أستطيع أن أكون مثله، أعيش كما يحلو لي، أتبول علي مديرة المدرسة التي صفعتني حين مزقتُ صورة الزعيم، أصفع تلك التي وصفتني بالصغير علي السياسة بالرغم من أن عدد الكتب التي قرأتها يتجاوز تلك التي سمعت بها بكثير، أو أن أكسّر ذراع معلمتي في الصف الأول لكونها اول من نعتتني بالجنون، أو لعنتني به !!

انا وطني وبترتر

2009-11-24T10:14:00.000-08:00

1-الفيديو ده عالفيسبوك بيبين اد ايه الناس السيس هي اغلبية اللي بيتكلموا عالموضوع، انا عندي صحاب كتير بيحبوا مصر وعارف مواقفهم، كتير منهم اتدايق مني لما موقفي كان ضد الفتنة اللي حاصلة، مع الوقت الناس هديت، بدا يبان اللي قلت عليه من الأول، ان الموضوع مش طبيعي والحكاية فيها إن، صحابي دول والناس اللي من نوعيتهم مش اللي اقصدهم بحبوب الوطنية-فكرة الأستاذ أشرف حسن-، ولا باغنية انا وطني وبطنطن، بس اغلبية اللي اتكلموا واتحمقوا اوي علي كرامة مصر هم من النوعية الزياطة، يعني الفيديو ده الدسكربشن بتاعه بيقول:
"كليب لشاب عراقي يرد به على الي عملوه الجزائريين وربنا العراقيين دول رجاله"
يعني مش رجالة عشان بيقاوموا اقوي دولة في العالم اقتصادياً وعسكرياً وسياسياً، لأ رجالة عشان خدوا صفنا في ماتش، وبقي نموذج العراقي مش المقاوم اللي شايل بندقية بيحارب بيها بلد عندها اكبر مخزون أسلحة نووية، لأ بقي شخص متابع اللي بيحصل بين مصر والجزائر ومش هامه اللي بيجري في بلده...أمجاد يا عرب أمجاد

كاسك يا وطن....كاسك

2009-11-22T20:36:00.000-08:00

كام حاجة عشان الوتن مسر ام الدنيا

2009-11-21T15:00:00.000-08:00

انا متدايق جداً ان الشباب السيس اللي مالي المولات بيتحرش بابنات، واللي يخاف يبص لظابط شرطة ضربه علي قفاه، الناس ديه هي اللي دلوقتي بتولع الموضوع
المفروض الحكومة ترفع قضايا ضد الصحف الجزائرية والبرامج الفضائية المصرية اللي شحنت وشوهت ودست اخبار مزيفة، بس اللي بيحصل ده مسخرة
فين الوتنيين دول لما القضاة اتدربوا اأاة؟ كانوا فين لما الانتخابات اتزورت؟
الشباب الوتني اوي اللي بيحب مسر، يوم الاتنين الساعة 2 فيه موزاهرة في التحرير سكوير عشان مسر اللي كلنا بنحبها اخر حاجة، دد زيارة شيمون بيريز، عشان هو راجل كُخة ووحش خالص مالص، يا ريت الرجالة الكوية كداً كلها تبقي هناك.....بيييييس

الفكرة محفوظة ل أ. أشرف حسن
"حبوب الكرامة....قبل مايخلص يا جدعان

تعليق عاللي بيحصل بين مصر والجزائر

2009-11-20T04:31:00.000-08:00

انا عمري ماكان ليا في الكورة، بس اللي شفتوا خلاني عاوز اوضح كام نقطة كده:

1-اه احنا كل مرة بنلعب في الجزائر بنتضرب لأن الجزائريين شعب متعصب للكورة زي الانكليز، بس مش نفضل ساكتين ساكتين وفاجئة نسحب سفير

2-احنا شعب متهان بقالوا عالاقل 28 سنة بدون كرامة، فاجئة افتكرنا ان عندنا كرامة؟ لأ واحنا مش بنحترم نفسنا كبني ادمين في اليوم العادي، من اول ماتصحي من النوم لحد مابتنام وانت متداس بالجزمة، عاوز الناس تحترمك وانت مش بتحاول تحترم نفسك وتعرف حقوقك ليه؟ لما شعب فوق الخمسين في المية منه تحت خط الفقر، فوق السبعين في المية منه فقراء، تعذيب في اقسام الشرطة، اهمال للمصري 24 ساعة، المصري مالوش تمن جوا مصر يبقي اكيد لازم مايبقاش ليه تمن براها

3-اللي حصل بسبب تسخين وسائل الاعلام ومجموعة من الناس في كل مجتمع ومنطقة ماعندوش اي حاجة غير نشر الاشاعات، نفس الناس اللي بتبعت رسايل:لو مابعتش ده امك هاتطلق وابوك هايموت بالاسهال واختك هاتُغتَصب، هي نفس الناس اللي بتعمل بنرات عالفيسبوك والمنتديات للتسخين وكأننا في حرب، وايه الهبل اللي صحل في الاستاد الناس كلها تقول يا رب، مش بنحارب في أحد احنا يعني، الناس اللي اتعورت ديه ليها حق لازم مصر تجيبوا، بس فيه في مصر مثلاً فرق الكارتيه بتاعة وزارة الداخلية، بتقلع الناس هدومها وبتعورهم وبتتحرش بالبنات، ده غير ان دول اتصابوا وحصل ده كله، الامن المركزي قتل ناس وهم بيجيبوا التذاكر

4-الشعب اللي يحتفل بالنصر وفيه 1100 بيغرقوا مش ممكن يبقي شعب عنده دم

5-سؤال:لو بكرة جرنان كبير قال ان فيه 12 ماتوا في الجزائر، هايحصل ايه للجزائريين؟، العيب مش عالشعب الجزائري كشعب، العيب علي جريدة الشروق الجزائرية اللي لازم تتحاكم

6-واضح اوي ان التسخين من الحكومات نفسها ومن اسرائيل، الحكومات من وقت للتاني بتحاول تخلي الناس المشحونة تفضي شحنها ده، زي بالظبط وقت الرسوم المسيئة للرسول، الموضوع اتعرف هنا بعد النشر بشهور، التسخين كمان جه من اسرائيل، اسرائيل اعلنت عن بناء 900 بيت جديد في القدس وماحدش اتكلم، بو تفليقة بقي بطل قومي في الجزائر، مصر البطالة زادت فيها بواحد وربع في المية وماحدش حس، الناس كانت بدأت تهتم بالتوريث، دلوقتي ال80 مليون مصري شافوا وش جمال مبارك بعد الجونين بتوعنا، وكلام علاء مبارك عند الغندور، والمعلقين اللي قالوا "افرح يا جمال افرح يا علاء افرحي يا مصر"، دلوقتي فيه ناس عاوزة عيلاء هو اللي يورث، التعبئة ديه مش طبيعية، بس هي خرجت عن السيطرة في الجزائر، ده اللي حصل

7-الشعبين المصري والجزائري شعوب سطحية، شعوب عايشة تحت ديكتاتورية بقالها عقود وجاية تتكلم علي ماتش كورة، شعوب عايشة من أجل المتعة، ماحدش بيقرا، ماحدش عنده كرامة، وكل اللي حاصل انهم شعوب جاهلة بتتساق باي كلمة

8-فاجئة الناس بقت بتحب مصر عشان ماتش، وفاجئة بيشتموا مصر عشان ماتش برضو، بجد خسارة

9-مصر بيموتلها عساكر علي الحدود مع اسرائيل ونفس الناس اللي بتزعق ودمها محروق وبتغلط في اللي يقول كلمة عاقلة، نفس الناس ديه بتبقي نسوان لما بيموتلنا عساكر وبيقولوا ان ديه "حكمة" الرئيس مبارك رضي الله عنه

10-النظام المصري طول عمره لما بتحصل حاجة وحد بيزايد عليه بيتشدد، يعني ساعة بداية انفلونزا الخنازير زايد عالإسلاميين فقتل مئات الالوف من الخنازير بكل وحشية، ودلوقتي بيسحب سفيرنا من الجزائر، ماسحبوش من اسرائيل ليه؟

11-فرقة الكوماندوز اللي راحت تحمي الناس، ماحدش اتكلم ليه لما اتعرف انها كانت بتحمي العائلة المالكة؟

12-مصر والجزائر فيهم نفس نسبة الفساد، وفاجئة مصر والجزائر بقوا بيكرهوا بعض!!!!!!!!!!

13-تاني....فيه جزائريين اتضربوا هنا، مش بالشكل اللي حصل للمصريين في الجزائر والسودان طبعاً ، بس هم عندهم الإعلام سخنهم بشكل سلبي وزيف حقايق، احنا كمان الإعلام استغل الموضوع، يعني جريدة الشروق الجزائرية احتفلت بمليون ونص نسخة لأول مرة في الجزائر، وهنا ارقام الإعلانات في قنوات الرياضة بقت خيالية

14-العروبة جزء من شخصية مصر، زي الحضارة القبطية والإسلامية والإغريقية والرومانية والفرعونية، والكلام ده مش هاينهيه ماتش ولا سحب سفرا، احنا شعوب نساية وقريب الناس هاتنسي

15-الكلام اللي بيوصف الجزائريين بالبربر والهمج قلة ادب، زي بالظبط اللي بيقول علينا يهود وفراعنة كفرة، بس لو انت مصري لازم تبقي محترم وماتنزلش نفسك لمستوي زي ده

16-المطلوب دلوقتي اعتذار رسمي جزائري، محاكمة الناس اللي سخنّت هنا وهناك، مسائلة الحكومة المصرية عن اسباب اللي حصل، ومحاكمتهم علي ضياع هيبة مصر، تربية الشعب المصري وتفهيمه ان العلم هو علم مصر مش علم منتخب، اي كلب يشتم في بلده يتقبض عليه ويتحاكم

2009-11-19T05:09:00.001-08:00

2009-11-18T02:27:00.000-08:00

إنها الأحةُ بكل ما تحملهُ من شخير

!عن حرب التفهة

2009-11-16T12:26:00.000-08:00

الشعب المصري فاجئة بقي بيحب مصر، وفاجئة بقي بيكره الجزائر-مش اسرائيل-، وفاجئة كله بقي بيعرف تاريخ، نفس اللي حصل ايام الرسوم المسيئة لرسول الإسلام محمد(ص)، الرسوم اتنشرت في الدنمارك وبعدها بشهووووور عرفنا احنا!

الواحد تعب يقول اللي بيننا كبير واللي بيننا كتير، بس طلع ان اللي بيننا عيال، هناك صحف تسخّن، وهنا عالم هبلة تسخن، ويقلك ستاد الرعب وهنكسر وهنعلق وهم اللي بدأوا، نفس نوعية الناس التافهة اللي بتنشر رسايل لو مابعتهاش امك هاتموت وابوك هايتجوز عليها واخوك هايجيله اسهال، ونفس الناس اللي بتنشر اشاعات يوم القيامة والبنت اللي داست عالمصحف اتحولت لحيوان الحيزبون الأسطوري، نفس الناس ديه هي اللي نشرت في الجزائر اشاعات النعوش الجزائرية ال12 اللي علي وشك وصول الجزائر والمصابين المش عارف كام، ناس غيرهم بقي اللي هم مش تفهة بقي، لأ دول الغُشمة، دول اللي ضربوا الجزائريين-فيه فعلاً اصابات مصرية وجزائرية وأرقام رسمية من المستشفيات-ونفس النوعية برضو هم اللي كسّروا مكاتب مصر للطيران في الجزائر، ومنهم اللي يقول لجزائرية عاوزة تتجوز مصري تعاليلي بعد الماتش اخلصلك ورقك، واللي تسيب جوزها الجزائري وتاخد عيالها

منتهي السطحية والهبل يعني، في الوقت اللي فيه تهويد للقدس، أقدس مدينة مسيحية وتالت أقدس مدينة إسلامية، وفي الوقت اللي أُعلن عن زيادة 1% بطالة في مصر، وتوريث هنا وتزوير هناك واحنا بنعور بعض وبنشتم بعض وبنهدد بعض، المشكلة ان الناس المتخلفة ديه لو حصل حرب بين مصر والجزائر-وده مش بعيد بالمناسبة عشان الاجواء المشحونة، وده حصل فعلاً في امريكا الوسطي-هايقعدوا جنب امهاتهم يعيطوا، وفيه سكوت رسمي، بس مفهوم لأن واضح جداً ان الحكومات هي اللي بادئة الموضوع بدليل انها ماحسبتش ولا صحيفة هنا او هناك او اي موقع علي اخبار بدون مصدر، مش بس كده، الحكومات ديه هي المسؤولة عن خلق أجيال مش فاهمة حاجة وبتنساق زي البهايم كده بعد ماكان عندنا أجيال بتفهم وبتقرا وبتعرف، بجد يعني الموضوع كله بقي مايتصدقش ازاي في شعبين كاملين سُذج للدرجة ديه وماتش او اتنين يوصلهم للدرجة ديه من قلة الأدب!

بي اس:ايوة شعوب قليلة الأدب

2009-11-14T11:45:00.000-08:00

حرام الناس دي كانت تنام زعلانة

عن حفلة منير والشاب خالد

2009-11-14T01:39:00.000-08:00

انا رحت حفلة منير والشاب خالد في اكاديمية اخبار اليوم يوم الخميس، كان معايا 3 دعوات
VIP
ودعوة عادية، وقفت حوالي ساعة برة مستني ناس، الاخوة من الداخلية كالعادة منتهي قلة الادب، كل شوية امن مركزي يبعد الناس عشان السيد اللواء مين وموكبه، السيد مين ومزته، قفشت كذا مرة مع ظباط عشان قلة الذوق في الكلام، جينا ندخل بقي ففيه سور زرع كده متشابك، فيه ناس حاولت تدخل منه، يقوم الامن المركزي بدل مايبعد الناس ولا يضر حتي اللي بيجروا يقوم رامي قنابل غاز، عالناس اللي دافعة من 75 ل300 جنيه، بس الشاب خالد بدا، وانا كنت قاعد في الفي اي بي وقريب مني جداً فيفي عبده(انا في الصف التالت وهي في الاول) الكاميرا جت عليها، فالناس فضلت تشاورلها، راحت قايمة ومشاورة ليهم بعلامة النصر زي مابيعمل الزعماء السياسيين اللي ليهم شعبية كبيرة
بعدين لما منير طلع، بدل مايتكلم عن اللي حصل من قنابل الغاز قال:البلد ديه فيها مؤسسات كتير جميلة، ومنها دار أخبار اليوم، وانا باشكر دكتور عهدي فضلي، وهو شخص متفتح جداً، وكمان باشكر الأمن، مش عيب اننا نمشي عالنظام، كل مانلتزم بالنظام هانتقدم اكتر واكتر واكتر، احنا بنشكر رجال امن محافظة 6 اكتوبر، اللي ممكن النهاردة نكون ازعجناهم...لكن هم ما أزعجوناش

بجد دايقني جداً كلام منير، نفس منير اللي حفلته في وادي دجلة من سنتين ايد اضراب 6 ابريل، هو نفس الشخص اللي بيأيد اسلوب الداخلية وتعاملها مع جمهوره بقنابل الغاز!!!!!بجد عيب علي حجم منير، يعني مافيش حكومة محترمة في العالم كله بتتعامل مع الناس بقنابل غاز، وهو جاي يقولي مش عيب نلتزم بالنظام!!!1

يا جبل ما يهزك ريح

2009-11-11T00:47:00.000-08:00

A thought

2009-11-08T14:29:00.000-08:00

people are waves with randomly varying frequencies...this is the only law that holds for EVERYBODY

Coach Carter

2009-11-06T12:34:00.000-08:00

"Our deepest fear is not that we are inadequate. Our deepest fear is that we are powerful beyond measure. It is our light, not our darkness, that most frightens us. Your playing small does not serve the world. There is nothing enlightened about shrinking so that other people won't feel insecure around you. We are all meant to shine as children do. It's not just in some of us; it is in everyone. And as we let our own lights shine, we unconsciously give other people permission to do the same. As we are liberated from our own fear, our presence automatically liberates others."

ازاي ده حصل؟

2009-11-02T11:43:00.000-08:00

القدس عروس عروبتكم لمظفر النواب

2009-10-28T12:51:00.000-07:00

فاذا أجن الليل
تدق الاكواب, بأن القدس عروس عروبتنا
اهلا اهلا
من باع فلسطين سوى ثوار الكتبه
اقسمت بأعناق اباريق الخمر
وما في الكاس من سم
وهذا الثوري المتخم بالصدف البحري
ببيروت
تكرش حتى عاد بلا رقبة
****
اقسمت بتاريخ الجوع
ويوم السغبة
لن يبقى عربي واحد
ان بقيت حالتنا هذي الحالة
بين حكومات الحسبة
****
القدس عروس عروبتكم؟؟
فلماذا ادخلتم كل زناة الليل حجرتها
ووقفتم تسترقون السمع وراء الابواب لصرخات بكارتها
وسحبتم كل خناجركم, وتنافختم شرفا
وصرختم فيها ان تسكت صونا للعرض؟؟؟
فما اشرفكم!
اولاد القحبة هل تسكت مغتصبة؟؟؟
****
اولاد القحبة
لست خجولا حين اصارحكم بحقيقتكم
ان حظيرة خنزير اطهر من اطهركم
تتحرك دكة غسل الموتى
اما انتم
لا تهتز لكم قصبه!
****
الان اعريكم
في كل عواصم هذا الوطن العربي
قتلتم فرحي
في كل زقاق اجد الازلام امامي
اصبحت احاذر حتى الهاتف
حتى الحيطان وحتى الاطفال
أقيء لهذا الاسلوب الفج
وفي بلد عربي كان مجرد مكتوب من أمي
يتأخر في أروقة الدولة شهرين قمريين
تعالوا نتحاكم قدام الصحراء العربية كي تحكم فينا
اعترف الان امام الصحراء
بأني مبتذل وبذيء وحزين
كهزيمتكم يا شرفاء مهزومين
ويا حكاما مهزومين
ويا جمهورا مهزوما
ما اوسخنا ...ما أوسخنا ...ما أوسخنا
ونكابر
ما أوسخنا
لا استثني احدا
****
هل تعترفون
انا قلت بذيء
رغم بنفسجة الحزن
وايماض صلاة الماء على سكري
وجنوني للضحك بأخلاق الشارع والثكنات
ولحس الفخذ الملصق في باب الملهى
يا جمهورا في الليل
يداوم في قبو مؤسسة الحزن
سنصبح نحن يهود التاريخ
ونعوي في الصحراء بلا مأوى
هل وطن تحكمه الافخاذ الملكية
هذا وطن أم مبغى
هل ارض هذي الكرة الارضية أم وكر ذئاب
ماذا يدعى القصف الاممي على هانوي
ماذا يدعي سمة العصر وتعريص الطرق السلمية
ماذا يدعى استمناء الوضع العربي
امام مشاريع السلم
وشرب الانخاب مع السافل روجرز
ماذا يدعى ان تتقنع بالدين
وجوه التجار الامويين
ماذا يدعى الدولاب الدموي ببغداد
ماذا تدعى الجلسات الصوفية في الامم المتحدة
ماذا يدعى ارسال الجيش الايراني الى قابوس
وقابوس هذا سلطان وطتي جدا
لا تربطه رابطة ببريطانيا العظمى
وخلافا لابيه ولد المذكور من المهد ديكقراطيا
ولذاك تسامح في لبس النعل ووضع النظارات
فكان ان اعترفت بماثره الجامعة العربية يحفظها الله
واحدى صحف الامبريالية
قد نشرت عرض سفير عربي
يتصرف كالموموس في احضان الجنرالات
وقدام حفاة \" صلالة\"
ولمن لا يعرف ان الشركات النفطية
في الثكنات هناك يراجع قدرته العقلية
ماذا يدعى هذا
ماذا يدعى اخذ الجزية في القرن العشرين
ماذا تدعى تبرئة الملك المرتكب السفلس
في التاريخ العربي
ولا يشرب الا بجماجم اطفال البقعة
****
اصرخ فيكم
اصرخ اين شهامتكم
ان كنتم عربا ... بشرا ... حيوانات
فالذئبة ...حتى الذئبة
تحرس نطفتها
والكلبة تحرس نطفتها
والنملة تعتز بثقب الارض
واما انتم
فالقدس عروس عروبتكم
اهلا
القدس عروس عروبتكم
فلماذا ادخلتم كل السيلانات الى حجرتها
ووقفتم تسترقون السمع وراء الابواب
لصراخ بكارتها
وسحبتم كل خناجركم
وتنفافختم شرفا
وصرختم فيها ان تسكت صونا للعرض
فأي قرود انتم
أولاد قراد الخيل كفاكم صخبا
خلوها دامية في الشمس بلا قابلة
ستشد ضفائرها وتقيء الحمل عليكم
ستقيء الحمل عليكم
ستقيء الحمل على عزتكم
ستقيء الحمل على اصوات اذاعاتكم
ستقيء الحمل عليكم فردا فرد
وستغرز إصبعها في أعينكم
انتم مغتصبي
حملتم أسلحة تطلق للخلف
وثرثرتم ورقصتم كالدببة
كوني عاقر يا ارض فلسطين
فهذا الحمل مخيف
كوني عاقر يا ام الشهداء من الآن
فهذا الحمل من الأعداء
دميم ومخيف
لن تتلقح تلك الارض بغير اللغة العربية
يا امراء الغزو فموتوا
سيكون خرابا .... سيكون خرابا
سيكون خرابا
هذي الأمة
هذي الأمة لا بد لها أن تأخذ درسا في التخريب

ضحك السنين

2009-10-18T13:17:00.000-07:00

another theory by me

2009-10-12T15:35:00.000-07:00

we are all a combination of saints and devils, it's your percentage that determines how good or bad you are, the best part is your percentage is completely different than others', you will always be unique

الاعداء

2009-10-08T09:19:00.000-07:00

اعداء الاسلام ثم اعداء الاسلام ثم اعداء الاسلام ثم اعداء الاسلام ثم اعداء الاسلام

واسال الله ان يرد الامة الي الحق رد جميلا

هذه مسخرة

2009-09-23T18:45:00.000-07:00

القذافي يدعو العالم لسواقة الهبل عالشيطنة، حمد بن خليفة آل ثاني بيعمل اعلان لقطر للغاز، أحمدي نجاد يدعوا العالم لإعتناق الإسلام كحل سحري لكل المشاكل....ويستمر العبث

محمود درويش والأخوة جبران، درس من كاما سوطرا (انتظرها

2009-09-22T14:54:00.000-07:00

بكأس الشراب المرصَّع باللازورد
انتظرها ...
على بركة الماء حول المساء و زهر الكولونيا
انتظرها ...
بصبر الحصان المعد لمنحدرات الجبال
انتظرها ...
بذوق الأمير الرفيع البديع
انتظرها ...
بسبع وسائد محشوةٍ بالسحاب الخفيف
انتظرها ...
بنار البخور النسائيِّ ملء المكان
انتظرها...
برائحة الصندل الذكرية حول ظهور الخيول
انتظرها ...
و لا تتعجل، فإن أقبلت بعد موعدها
فانتظرها ...
و إن أقبلت قبل موعدها
فانتظرها ...
و لا تجفل الطير فوق جدائلها
و انتظرها ...
لتجلس مرتاحة كالحديقة في أوج زينتها
و انتظرها...
لكي تتنفس هذا الهواء الغريب علي قلبها
و انتظرها...
لترفع عن ساقها ثوبها غيمةً غيمةً
و انتظرها ...
و خذها إلى شرفة لترى قمراً غارقاً في الحليب
و انتظرها ...
و قدِّم لها الماء، قبل النبيذ،
و لا تتطلع إلى توأمي حجل نائمين على صدرها
و انتظرها ...
و مسَّ على مهل يدها عندما
تضع الكأس فوق الرخام
كأنك تحمل عنها الندى
و انتظرها ...
تحدَّث إليها كما يتحدث نايٌ
إلى وترٍ خائف في الكمان
كأنكما شاهدان على ما يعدُّ غدٌ لكما
و انتظرها ...
و لمِّع لها ليلها خاتماً خاتماً
و انتظرها،
إلى أن يقول لك الليل :
لم يبق غيركما في الوجود
فخذها برفقٍ، إلى موتك المشتهى
و انتظرها...

2009-09-16T07:20:00.000-07:00

Ykih hghpi f;g lh jplgi lk aov

من الاخر بقي

2009-09-06T22:59:00.000-07:00

"There are two ways in which people are controlled, first of all frighten people and secondly,demoralize them."

سعد الصغير

2009-09-06T20:59:00.000-07:00

وراه فيه "محتاجك يا رب"، وبيبني جامع، الفيديو قديم بس افتكرته

Essence of life

2009-09-05T07:06:00.000-07:00

Friends come and go, thoughts, beliefs, love, and money, only you will be always there, the only one that matters is you, so tell whoever upsets you to go fuck him/herself

Louis Armstrong-A woman is a sometime thing

2009-09-02T18:26:00.000-07:00

Listen to yo daddy warn you
Fore you start a-traveling
Woman may born you, love you and mourn you
But a woman is a sometime thing
Yes a woman is a sometime thing

Yo mammy is the first to name you
Then shell tie you to her apron string
Then shell shame you and shell blame you
Till yo woman comes to claim you
Cause a woman is a sometime thing
Yes a woman is a sometime thing

Dont you never let a woman grieve you
Jus cause she got yo weddin ring
Shell love you and deceive you
Then shell take yo clothes and leave you
cause a woman is a sometime thing
Yes a woman is a sometime thing

عزيزي المواطن، من فضلك ارفع الشعار بعد سماع صوت الشخر...وشكراً

2009-08-26T18:54:00.001-07:00

my moto

2009-08-25T14:12:00.000-07:00

life is a prostitute....as long as you keep this in mind you will enjoy it to the extreme, and remember...if you don't fuck her she will sell you to some pervert that will fuck you instead

Groundhog day

2009-08-25T04:36:00.000-07:00

هو ياللي ديّن قال وأنا ياللي كافر عال 3

2009-08-14T06:34:00.000-07:00

التدريب في الشركة اللي اتدربت فيها ديه بينلي حاجات كتير اوي، يعني عمري ماكنت اتخيل ان الموضوع واصل لكده، واحد في الشركة لما اتكلمنا عن طالبان واللي عملوه في تماثيل بوذا قاللي ان لو الأثار الفرعونية عملت "فتنة" يبقي تتهد، وواحد تاني محاسب كده كان بيوصلنا مكان ما، المهم اهله عندهم محلات تحف فرعونية في خان الخليلي، فهو شايف ان رمسيس مايستهلش الملايين اللي اتصرفت علي نقله، "وهو يعني رمسيس عملنا ايه، مانبيعه عالاقل يجيب قرشين"، "السياحة مصدر الدخل الاول لمصر، وبعدين امال لو ماكنتش بتشتغل في التحف والدهب"، "يا باش مهندس انت تعرف ان رمسيس ده هو فرعون؟"، "مش مثبت وحتي لو فرعون احنا مالنا ربنا انتقم منه وخلاص"، "فرعوون"
بس كده

Monty Python - Always Look on the Bright Side of Life

2009-08-08T06:01:00.000-07:00

اذكري بس شو كنت بهيم معك

2009-08-03T23:22:00.000-07:00

Nothing Else Matters-Dr K Chaudhry

2009-08-01T07:30:00.000-07:00

الحكمة البطوطية

2009-07-26T07:11:00.000-07:00

قال بطوط: صيد السمك يمكن تعويضه ..لكن روح الفريق لا يمكن تعويضها ابدا
ميكي,ص.13,العدد 287
الحكمة الي انا استفدتها اني عمري ما هانزل اصطاد لوحدي ابدا و كمان اني مش بس هاهتم بالصيد لا و كمان روح الفريق عشان كدة قررت اني اعمل منتخب مدينة نصر لصيد السمك او حتي منتخب الحي التامن لصيد السمك و كده نبقي اعلينا من شأن الصيد و من شأن روح الفريق
الواحد ساعتها هيستفيد من وجود فريق منتخب الصيد الي ممكن يمثلنا في بطولات عالمية و افريقية و عربية ده غير ان السمك الي هنصطاده ممكن نديه للناس الغلابة و اطفال الشوراع يعني خدمة للمجتمع ده غير ان الصيد بيعلم الصبر و في ناس كتير مش بتصبر
يااه اد ايه مشروع منتخب صيد السمك ده جميل اوي
معنديش حاجة اقولها غير الله عليك يا بطوط الله عليك يا بطوط الله عليك يا بطوط
يا ريت نصقفلوا كلنا

ماجدة الرومي-مفترق الطريق

2009-07-19T03:31:00.000-07:00

Hallelujah I did it

2009-07-16T05:43:00.000-07:00

DLD
إلي مزبلة التاريخ

:S

2009-07-11T08:41:00.000-07:00

بجد مش عارف ايه اللي حصل، فاجئة اتقطعت الأخبار، حصل بلوك، مافيش رد علي كلامي عالفيسبوك او ال
off-line messages
ولا كأننا كنا صحاب، كنت محتاج بس تفسير واحد يفهمني أنا عملت ايه، انا فاكر ان اخر كلام قلته نرفزك، مش عارف ليه مع انه كان عادي جداً، جداً يعني، وبعدها اعتذرت في ساعتها مع انه لا يستدعي الإعتذار، ففي الأخر اضطريت أعمل ديليت علشان أريح دماغي من الأسئلة، مش لحاجة، يعني لو اتقالي خلاص مافيش داعي نبقي صحاب كنت هاقبل ولا هاتكلم، عادي يعني، بس الغموض ده يجنن، دلوقتي حاولت ادور تاني عالبروفايل اللي عملتله ديليت لقيت ان معمولي بلوك، تقريباً كل صداقات النت كده مش بتنجح

عن علاقة الديمقراطية والمواطنة بالجنس

2009-07-01T12:41:00.000-07:00

الجنس في رأيي له علاقة وثيقة بالحالة السياسية للمجتمع المصري، فالشعب "مركوب" من قبل النظام، وهو لا يستطيع-أو لا يريد- الاعتراض علي ما يحدث له، فأفراد الشعب إما مع%&ين، يشاهدون ما يحدث ولا يعترضون، أو خو&ات وشر^%$ط لا يكتفون بالسكوت، بل ويستمتعون بكونهم مركوبين،هناك تفسير سمعته كثيراً في الفترة الأخيرة، يرجع هذه الحالة إلي إنعدام الحرية الجنسية، وانا اتسائل، فين يا عم انت؟ مالناس كلها بتركب وتتركب اهيه، فنفس الناس المركوبة، المعر%$ن منهم والخ$لات، يشعرون بحرج من هذا الوضع، وتأنيب ضمير علي إعتبار اننا مجتمع شرقي وماينفعش حد يتركب كده، فتجدههم يحاولون رد الصاع صاعين، والقذفة قذفتين، فمن يركبه رئيسه(الواحد) يركب مرءوسيه وعملائه(ال10)، ومن يُضطهد دينياً من فئة، يضطهد10، فالمسلم المضطهد من الحكومة-كفرد من الاغلبية- يغتصب الجميع بتعليته صوت إذاعة القرأن غصب عن الكل، والأرثوذكسي المضهد يفشخ كلِ من البروتستانتي والمرموني وشهود يهوا، مما يثبت إن البلد خلاص بقت بيت دعارة كبير، وبدلاً من ان يقول المركوب للراكب-الحكومة- كفي، لأ، عيب، يقول "ن$% ن$% تحتيكي راجل، وهو يبرر رجولته تلك بالطبع بكونه راكب من تحته، وهكذا، حتي تصل إلي القاع، ومن في القاع "بيبع#$" من فوقه في الخفاء، كنوع من الكبت، فهو لا يجد احداً يركبه كما يركبه من فوقه.

يبرر من يؤمن بأن الحرية السياسية مرتبطة بالحرية الجنسية كلامه بأن من يُركبون دائماً ما يصمتون بسبب الكبت الجنسي، وان المرأة إذا وجدت من يمتعها برضاها لن تسكت للنظام حين ين#$ها بدون رغبتها، وبأن الرجل إذا ما وجد من "تريحه من قدام" لما لجأ إلي المتعة من الخلف، وانا أقول بان هذا جائز، ولكن من الممكن أيضاً ان يكسر ما تبقي للناس من خجل، ولجعلهم يجدون ما هم فيه "شيء عادي"، فكله ن$%، ولا هي الحكومة مالهاش نِفس؟ وربما حبذ المواطنون فكرة الن&* من الحكومة اكثر باعتبار ان الحكومة تمتلك مستودعات كبيرة من الفياجرة، وهي "جمل"، فال"عنتيل" أخره ينام مع 3، أما الحكومة فمن الواضح انها تستطيع ن*)عشرات الملايين بشكل متوازي، فلننظر للشعب السعودي الشقيق، فالحرية الجنسية بين المواطنين جعلتهم يتغاضون عن إغتصاب الأمر بالمعروف والأسرة المالكة لهم، كله في كله بقي

إذاً فنحن لا نستطيع ضمان اثر هذا النوع من الحرية، وبعدين هو لازم الشعب يتن)*& من أفراد علشان يبطل يتن)*& من الحكومة، الإجابة نعم، فلناخذ الشعب الإيراني كمثال، الذي ثار علي الشاه الذي كان يركبهم ليلاً حتي يأتي بنظام ولاية الفقيه، الفقيه الذي أثبت قدرته علي ركوبهم ليلاً ونهاراً

تقول لي أين المفر إذاً؟ أجيبك بالإحجام عن الجنس، بالصلاة والصوم والصبر، وحريمنا أصلاً مش حريم فمش مشكلة، او بالجنس المكثف في الخفاء، فنعترف بأن الجنس عيب ولكن في الوقت نفسه نشبع رغباتنا، وهكذا نخرج من مزنق المثال السعودي والإيراني

الشق التاني هو علاقة الجنس بمفهوم المواطنة، فالعلمانية لا تُطبق في مصر بحكم أن معظم المصريين مسلمين، وهم لا يفقهون شيئاً عن العلمانية، ولكن إذا كنا كلبنان، كلنا أقليات، لاختلف الوضع كلياً، لذا فانا أنادي كل مسيحي بعدم إستخدام الكاندوم، وكل مسيحية بالبعد عن حبوب الحمل، وأقول الكلام ذاته لكل أفراد الأقليات من بهائيين وشيعة ومرمون وبروتستانت، وأطالب كل مسلم سني يؤمن بالعلمانية كنظام للدولة بأن يشتري الكاندوم المصري دعماً للإقتصاد وللأيدولوجية في آنِ واحد.

عن الفرح

2009-06-28T15:32:00.000-07:00

فيلم الفرح من الاعلان بتاعه شكله جامد، وانا داخله عشان خالد الصاوي، اول حاجة حصلت ان احمد السبكي الجزار واللي مابيفهمش في السينما واللي بيعمل ساعات افلام كويسة زي كباريه والفرح، هو اللي كان واقف بيقطع التذاكر في سينما مترو، ياريت حد يفمه ان كده عيب، تاني حاجة ان الجمهور كان زبالة ومابيحسش ان فيه حتة كويسة غير لما تيجي اغنية شعبية، بس بقي الفيلم تحفة، خالد الصاوي ودنيا سمير غانم وباسم سمرة وماجد الكدواني و جومانة مراد وياسر جلال وصلاح عبد الله وكريمة مختار وسوسن بدر عاملين ادوار بجد ممتازة، روجينا وحسن حسني ومي كساب مش ممثلين أصلاً، يعني هي نفس الفيسات اللي بيعملوها زيهم زي عادل امام واحمد حلمي والسقا وكريم عبد العزيز والناس اللي هي بتطلع تقول كلام مختلف بنفس الأداء اللي يخنق، المهم يعني، الفيلم ده قفلته كويسة، ولو ان فيه مشكلة ان فاجئة الصوت والصورة قطعوا لما بيبدأ خالد الصاوي يندم، فالناس بتفتكر الفيلم خلص وبيقوموا مع ان بيبقي فاضل 5 دقايق مهمين، القصة حلوة والميزة في الفيلم ان ده فعلاً اللي بيحصل في الافراح الشعبية، اطباق الفاكهة السلوفان والحشيش والستيلا ومافيش ستات قاعدة، يعني الفيلم متقن جداً وانا بجد مبسوط بيه وحاسس انه اضافة للسينما، دنيا سمير غانم عاملة بجد احلي دور وكويس انها طلعت من اللي كانت بتعمله وبجد ليها مستقبل كبير، كفاية بس لما بتبدأ تحس انها بنتن ولا المشهد لما بتقتل باسم سمرة، خالد الصاوي عنده مشاهد ممتازة بالذات المشهد اللي بيرقص فيه، وانا شايف انه في خلال 5-7 سنين هايبقي التوب لان انا شايف انه بعد موت احمد زكي هو احسن ممثل عايش دلوقتي، اداء ممتاز وعارف يعني ايه تمثيل لانه ابن المسرح، وهو كمان من احسن الممثلين عالمستوي الشخصي عشان اولا مثقف، ثانياً مواقفه محترمة بالذات وقت غزة، ماطلعش عمل زي عادل امام-المع%^-، مش بس كده لا ده كمان زار الجرحي في مستشفي ناصر، سوسن بدر مع ان دورها مش كبير بس انا شايف انها من احسن الناس اللي مثلت، وماجد الكدواني في الفيلم ده وفيلم الفرح بقي بيمثل، لان افلامه الكوميدي مش حلوة خالص، باسم سمرة كمان دوره ممتاز وده اللي اتعودته منه، صلاح عبد الله كويس بس عشان الناس تقدره لازم يبطل يظهر في افلام تافهةن الفيلم مايتفوتش واكيد الناس هاتستمتع بيه في اي مكان الا سينما مترو

بس بعد الفرحة اللي خرجت بيها من الفرح، لقيت كشكين او تلاتة جنب السينما معلقين صور جمال مبارك وكاتبين رجل السلام، مما أكد عندي ان ده شعب معيرص اساساً وممنوش رجا، شوفوا بقي "هايعمل فيكوا" ايه بغصن الزيتون

أفكار 6

2009-05-09T13:59:00.000-07:00

جبران خليل جبران قال: "لكل رجل امراتان، امراة في خياله، وامراة لم تخلق بعد"، كان عليه ان يقول"لكل مصري" بدلا من "لكل رجل"، جاتنا نيلة في حظنا الهباب

مرة لما سمعت "السيدة الفاضلة سوزان مبارك" فكرت، قلت فعقل بالي، اكيد فاضلة مش من فعل تتفضل، يبقي اكيد جاية من انها فاضلة علي طول

في عهدي هاواجه التشدد بالطريقة ديه:
نجيب المتشددين المسلمين نرميهم في الصحرا يعملوا مجتمع بدماغهم ويقرفوا من بعض ويموتوا بعض، والمسيحيين المتشددين نعملهم دير مافيهوش اي مقومات زي أديرة الرهبان الأٌول، والمجتمعين بقي يعملوا غزوات وحملات صليبية علي بعض وتبقي حلااوة

لما اجي الحكم هادي كورسات للبنات عن كيفية لبس البوت، اصل مش معقول مافيش بنت في مصر بتعرف تلبسه بنضافة، اه وهاصدر قانون بمنع لبس الكارينا

النهاردة 28 فبراير مني الشاذلي قالت:الدين لله والوطن للجماع
قبل كده قالت:تعالي نتطارح المشكلة

حتي شاكيرا المزة طلعت قذرة، بتقلك ايه بقي
So I found a reason to shave my legs every single morning
مش من نفسها يعني، لازم يبقي فيه سبب، يعني لو مافيش سبب هاتتحول رجلها لاقليم سافانا

في الفترة الاخيرة فيه موضوع بقي بيؤرقني جدا، فكرة ان البلد ماجبتش بنت منذ أمدٍ بعيد ديه، يعني كل اللي بيتجوزوا دول متجوزين دٌكرا، يعني بيشذوا، يعني قوم لوط، ده بيفسر اللعنة اللي اصابت مصر منذ امدٍ بعيد، لعنة السماء بقي

ازاي مفيش لجمال حمدان تمثال؟ ده المفروض يتعمله معبد ونستورد كفار من السعودية يعبدوه

الجامعة الألمانية بالقاهرة
GUC
GAYS UNDER COVER
كل بيوت الدعارة في مصر بتٌجامِع بفلوسك، الا في المكان ده:بتٌجامَع بفلوسك

لما اجي الحكم هالم كل الدقون من الشارع واعملهم امتحانات دينية، اللي ينجح ارجعه واللي يسقط هانتفله شعر دقنه شعراية شعراية

فكرت في قيمة عنصر السيلكون si
في المنطقة العربية والدول المتقدمة، وقلت اعمل مقارنة كده

وجه المقارنة :
بلاد العرب------------ البلاد المتقدمة

الإستخدام:
يٌستخدم في النفخ ----------- يستخدم في تصنيع الإلكترونيات

القيمة الاقتصادية:
يٌغني المنفوخة------- يغُني المٌصنّع وبالتالي الدولة

التأثير علي المجتمع :
يتعب المجتمع--------- يطوّر المجتمع

تخيل لو سيدنا ادم ماكنش كل من الشجرة، ماكناش دخلنا هندسة واتبهدلنا كده

الناس اللي متدايقة من تامر حسني ديه بتحقد عليه، عشان شعر صدره طويل عشان بيغسله بشامبو مش بصابون زي الفقرا

من الحاجات الغريبة ان الواحد لما بيحب يعبر عن رأيه بأدب بيرفع ايده، بس لما بيحب يعبر بقلة ادب بيرفع صباع واحد بس

في لبنان عالية بتغنلها فيروز، عندنا عالية بتضرب فول عالصبح، في لبنان مش عارفين عيونها شو حلوين، وعندنا مش عارفين ريحة بؤها اد ايه وحشة

فيه مبرر للناس اللي بتكلم باراك اوباما عالبيدج بتاعته عالفيسبوك، بس الناس اللي بتدعي ربنا وتسبح وتصلي في الفيسبوك، يا ريت يقوللنا تفسير مقنع لهذا السلوك

ياه لو البنات كانت
Variables
ينفع تضربهم(لا هم بيتضربوا فعلا) وتزود عليهم وتنقص منهم والاهم تقسمهم، كانت الواحدة من دول تتخن تقوم منقص منها، لو تخنت اوي تقسم

Shit is pretty correlated to people, people excrete, most of them make shit up, some smell like shit, some look like shit, but the worth ones are people who have shit in there heads

كل 4 مايو واحنا غلابة

2009-05-04T07:31:00.000-07:00

النهاردة ولأول مرة هاشوف حلقة من المسلسل التركي:سنوات الضياع