لسبب بسيط جدا
كل اللي بيقول انه قدمه لمصر ماوصلش لمصر
ومافيش اي انجاز حصل بسببه حتي قبل الحكم
قائد الطلعة الجوية علي عيننا وعلي راسنا
بس دلوقتي طلعته مالهاش اي لازمة
مصر دفاعها الجوي فيه اسلحة من السيتينات يعني ممكن اي بواب اسرائيلي يجي يظبطنا ويبقي قائد الضربة الجوية الاسرائيلية
اسلحتنا اخرها توقع دبان بدل مالواحد يخانق دبان وشه
بالنسبة لترجيعه لطابا
طابا مارجعتش لان اغلبية اللي فيها الي الان يهود
وده ظهر ساعة تفجيرات طابا الاخيرة
السيادة اسرائيلية وفرق الانقاذ اسرائيلية
المناطق الصناعية مش مناطق صناعية
بتصنع شيبسي وسامبا
حتي القرية الذكية اللي خنقونا بيها شوية تنديع بوظ كل اللي فيها
ده حتي المية باظت
بتغرق فيها سفن كبريت وبتنزل بصابون علشان النظافة
مناطق عسكرية مكتوب عليها منوع الاقتراب او التصوير واسرائيل شايفاها وعارفاها بطياراتها علشان لو جواسيسها المطبعين اللي في الحزب الوطني نسيو يقولوا حاجة يعرفوها هم بمعرفتهم
وتشكي خيرها مش لمصر
خيرها للكروش الخليجية اللي خلصت علي المعيز اللي عندهم وماعندهمش اراضي زراعية
بس بوظوا مكان كان ينفع للصناعة في مصر وكلو بفلوسهم بس علي ارضنا
وطبعا مبقاش فيه مكان لصناعة الشيبسي فيبوظ الاراضي اللي في وادي النيل
اما بالنسبة لانه قائد العبور للمستقبل
مش لما يبقي عندنا حاضر نبص للمستقبل
ده حتي التاريخ ضاع في فضايح تفريغ بدروم المتحف المصري ومخزن سقارة من الاثار
اكيد مش ده بس اللي باظ
اهم حاجة باظت هي الوعي المصري اللي مابقاش موجود اصلا;
من يومين كنت متأثر اوي باللي قريته عند ربة السيف والقلم ورايح درس لقيت واحد بيقولي اسكت مش موبينيل لغت الصلاحية
مش مصدقني طيب احلفلك
قلتله يابني مجانية التعليم هاتتشال يعني مش هايبقي فيه حد بيقرا غير الاغنيا
قالي وانا مالي مانا اتعلمت خلاص ومش مهم بقي تولع
كل اللي بيني وبينه مش كره للشخص هو بس كره وقرف من الفكر
وكفايانا حكم العجايز
بلطجة الحزب الوطني اللي اصلا مش وطني بتظهر في كل لحظة...كل كلمة..كل نفس
وكل حركة بيقوموا بيها
ظهرت البلطجة لما سرقونا ولما اتكلمنا قالوا يعاقبونا وده في كل مظاهرة
والكلام كان بصيغة الشعب
او كمدونين
او حتي في البرامج
في الجزيرة كانو جايبين واحد اسمه جهاد عودة
قعد يزعق في الجزيرة انتر ناشونال ويدخل عربي في وسط الانكليزي(مايعرفوش غير
لغة البلطجة والضرب) حتي مش في
وقت كلامه
قطعوا عنه الصوت
اما في العربي في برنامج ما وراء الخبر كانوا جايبينوا هو ودكتور كبارة في كلية
الحقوق جامعة القاهرة شكله معدي السبعين وكانت جمانة نمور(حبي)مستضيفاهم
قعد يقاطع في الدكتور
الدكتور قاله لا تقاطع يا دكتور جهاد
قاله انا اقاطع براحتي
كلمة بتتقال في الخناقات اللي بيقولها بيبقي بيحاول يبين انه صايع او جامد
نفس الموقف
علشان في لجنة السياسات يقول لواحد كان استاذه انا اتكلم واقاطع براحتي
بعدين الدكتور بيقولوا قانون الارهاب كان متوزع في قانون الجنايات وقوانين اخري
هو اصلا تخصصه الدستور
قام جهاد عوده قاله لازم تفهم يا دكتور الفرق بين قانون في دستور وبند في قانون في
الدستور
بيقول لواحد دكتور في القانون والدستور لازم تفهم
ده غير فارق السن اللي اكتر من 30 سنة
الدكتور قاله كبيرة انك تقولي كده
قعد يغلوش عليه
والصوت مش حلو في التزامن ما بينهم
كان في سؤال ومافهموش السؤال لمين
فدكتور الحقوق قعد يتكلم والتاني يقول لجمانة نمور يا فندم سكتيه بقي
قالها انا كنت فاكر السؤال ليا اتفضل يا دكتور جهاد
اتفضل اتفضل
يقولوا هاتفضل لما تسكت خالص
وفي الاخر اتسئل سؤال قعد يهز دماغه زي اللي فاهم وراح مجاوب علي حاجة تانية
قالتله يجب ان اسأل السؤال اولا
قالها يا فندم سيبيني اجاوب سيبيني اتكلم
(ولسان حاله يقول سيبيني اقول الكلمتين اللي محفظنهملي قبل مالبرنامج يخلص احسن يعاقبوني)
كمية من البلطجة ونظرات قرف في الشاشة ونفخ
ولو عملوا زي الجزيرة انكليزي وقطعوا عنه الصوت
وحتي لو اتشتم هايروح برضه علشان يبقي فيه حد بيدافع عن الحكومة
هو اصلا مش بمزاجه
المهم يعني اني شايف ان البلطجي ماينفعش تعامل معاه غير البلجة
يعني انا لو مكان دكتور الجامعة كنت قلتله
.. امك علي .. ام الحزب الوطني
ولو مكان بنت مصرية وبقية المدونين اللي دخلوهم المشكلة علشان يحجبوا مدوناتهم
كنت رفعت قضية ولا اروح اعمله فضيحة قدام الاماكن
اللي بيتباع فيها الكتاب
الغريبة انه قاضي
اللي مش غريبة بقي ان حسني مبارك بينجح في الانتخابات طول ما فيه نماذج زي
القاضي ده
ممكن سببه يكون الفعل الي بيقوم بيه الانسان تجاه فرد اخر و الانسان بينظر للفعل ده وبيحلله علي اساس فكره وتربيته و رد الفعل هو الي بيحدد وجهة نظرنا من الفرد نفسه .
عشان كده دايما باحس ان مسالة الخير والشر الكويس و الوحش دي نسبية بيختلف تقييم شخص من راي لراي اخر.
و يمكن كمان مع زيادة التطور في الحياة بيظهر اد ايه النسبية دي موجودة بمعني اخر في بلدنا و يمكن في بلاد تانية في مفهوم موجود عند الناس ان اي شي له ارتباط بالدين اصبح بالتالي خير يعني اي شي يتفدم بصبغة ديني هو خير
لكن انا شايف ان ده غلط كبير لان الاديان بتنقسم لفرق و مذاهب متعددة و هنا اصبحت مسالة الخير و الشر مسالة تقبل وعدم تقبل
لافعال الاخرين و يمكن اصبح لا قانون يحكم المسالة فهناك من يخرج ليتهم الاخرين دون دليل واضح .
في النهاية ما اردت ان اقوله هو توضيح لفكره ينتهجها البعض و هي فكرة نحن الافضل و الاخير و نحن الاصوب فكرة الافضلية دون وجه حق و اعتبار نفسه اعلي لانه يضع نفسه في مرتبة الخير
طيب هو مافيش فيديو ولا ايه في ملف الادعاء؟
ولا المعارضة وصلت لحاجة لسه التكنولجيا ماوصلتلهاش وهي تحويل صور ثابتة لمتحركة في شكل ديناميكي يشبه حركة الانسان وكمان
3d
ده احدث الالعاب اللي بيبقي فيها جرافيكس مش بتبقي زي الطبيعي 100%
وهولي وود اللي هي هولي وود لما بتعمل فيلم وعاوزة تعمل انفجار او حاجة وجواها بشر بتخلي البشر يتحرك في استوديو ويركبوا عليه شكل انفجار صغير جدا مع تكبير حجمه
يعني لازم يبقي فيه جزء غير بشري
طيب اغتصاب عماد الكبير عملناه ازاي يعني
وازاي ظبتنا العصاية في المكان الطبيعي للمقشات بالنسبة لكل مصري للمصريين(اكيد مش في المطبخ)
والسرعة
والصوت وكل ده
ده مصر اتقدمت وسبقت امريكا بقرون يا جدعان
طيب وكليب القفا
ازاي ظبطنا سرعة الضرب وحركة وش اللي بيتضرب بتاثير الضربة
ده فيلم شيرك 2 اتعمله فرح علشان ثلاثي الابعاد مع انه ماوصلش للتقنية اللي ركبنا بيها فيلم اغتصاب عماد الكبير
كده مالناش حق نكره مبارك حتي لو ضربنا علي قفانا او اغتصبنا او غرقنا او حتي حرقنا مادامت مصر اتطورت وسبقت العالم بقرون
اتاريه بيقول مصر اتقدمت في عهدي اكتر من التقدم اللي حصل من ايام محمد علي لحد اخر عهد انور السادات
لا لا كلنا لازم ننحني ونرفع القبعات ليه
بس لازم نمسك البنطلون واحنا بنوطي احسن نتكنس
قصدي نغتصب
او بالنسبة لفريق الدفاع...نركب الصور
نتركب ونركب الصور
طيب لو احنا فعلا عظماء اوي كده في الجرافيكس ودهنا الهوا دوكو
طيب الوعي عند سواق ميكروباص وكمان احتمال مايبقاش متعلم ولو متعلم اكيد متعلم في مدرسة فيها تكدس عالي وبيشموا فيها كلة عظيم اوي لدرجة انه يكره مبارك
الاجابة اه
وده يرجعنا لعظمة التعليم في مصر مبارك وطبعا ماما سوزان هي اللي دخلت التعليم(سوزان مبارك مش علي مبارك)
وعلشان كده ننحني برضو واحنا ماسكين البنطلون وياريت لو نستخدم تقنية حديثة اقترحتها كلبوزة لكن سمباتيك بسبب الانفتاح اللي حصل في مصر مبارك واكيد التقنية ديه اتصنعت برضوا في مصر مبارك
ماحنا اللي دهنا الهوا دوكوا
ولو افترضنا ان مصر متطورة وسواقين الميكروباصات عندهم وعي رهيب
طيب والرجولة؟
يعني مين يوافق انه يتقال عليه مغتصب؟؟؟
وبالذات في مجتمع زي مجتمعنا وشريحة زي شريحة عماد الكبير
صحيح مافيش فقر في مصر مبارك
بس الانفتاح عمره ما بيجي من بره ولازم يبقي بالتدريج(واحده واحده)
ممكن كمان يبقي الفيديو مش متركب
ممكن يبقي شاذ واغري الظباط علي تظبيطه(علشان كده اسمهم ظباط)
وهم علشان مايغضبوش ربنا وفي نفس الوقت يقوموا بعملهم اللي بيقبضوا عليه فلوس اخر الشهر
قاموا بالعملية بعصايا
طيب يعني ازاي رضيها علي رجولته
وكمان المعارضة ساعدته(اسمها معارضة وهي منقلبة عن اصل معارصة)
يعني في الحالتين لو كان متفبرك او حقيقي بس بمزاجه عماد الكبير هو اللي غلطان ولاول مره هايبقي عماد الصغير
والمعارضة كمان رجعت لاصلها اللي قلتها من شوية
